Михей 2:1 - Ыдыктыг Библия

¹ Орун-дөжээнге чыткаш, кемниг херек, бузут үүлгедир бодалдыг улус ат болур! Олар – даң адып кээрге, ук бодалдарын күүседиптер күш-шыдалдыг улус-тур.

Михей 2:1 Iomraidhean Croise

Эге дөс 31:29

Силерге багай чүве кылып болур күш мээң холдарымда бар. Ынчалза-даа силерниң ачаңарның Бурганы дүүн меңээ: „Иаковту ындыг-мындыг дээринден оваарын“ – диди.

3 Хааннар 21:7

Иезавел кадын аңаа: «Ол канчап турарың ол, сени Израильдиң хааны дээр-даа аргажок-тур! Туруп, чемненип ал, оожургап көр! Изреел чурттуг Навуфейниң виноград шөлүн мен сээң холуңга киирип бээйн» – дээн.

Эсфир 3:8

Аман Ахашверош хаанга мынча дээн: «Силерниң чагырган девискээриңерде аңгы чоннар аразында тарай берген бир чон бар-дыр; ол чоннуң хоойлузу өскелерниинден ылгалдыг, хаанның дужаалдарын олар күүсетпейн турарлар-дыр; ынчангаш хаан кижи ону ынчаар арттырып болбас ужурлуг.

Эсфир 5:14

Кадайы Зереш база шупту өңнүктери аңаа мынча дээннер: «Бежен кыры дурту хире бедик, кижи азар ыяштан белеткеп кагзыннар, эртен хаанга баргаш, Мардохейни аңаа азып кагзыннар деп чугаала, ооң соонда хаан-биле кады дойже хөглүг чоруптар сен». Ол сүме Аманга дыка таарышкан, ынчангаш ол ыяшты белеткедип каан.

Эсфир 9:25

бо херек канчап хаанга чеде бергенил, хаан канчаар чагаа-биле дужаал үндүрүпкенил, еврейлерге удур Аманның каржы бодалы канчап ооң бодунуң бажынче суг кутканыл, ону база ооң оолдарын канчап ыяшка азып кааныл».

Иов 15:35

Хай-бачыт-биле иштелген улус бузут-бакты төрүп алыр, оларның ишти кара сагышты быжыр бодап чоруур».

Иов 24:14

Өлүрүкчү кижи эртенги имиртиңде туруп келгеш, түреңги күжүрнү, ядамыкты өлүрүп каар, а дүне када оорланыр.

Ырлар 36:4

Дээрги-Чаяакчы-биле харылзааң дээш таала, Ол сээң чүрээңниң күзелдерин күүседип бээр; ג (гимел)

Ырлар 36:5

Дээрги-Чаяакчыга амыдыралың оруун хүлээдип, Аңаа идеге – Ол чогууру-биле кылып бээр;

Ырлар 58:3

Кем-буруу үүлгедир улустан адыр, ол өлүрүкчүлерден камгала.

Чугаалар 12:2

Буянныг кижи Дээрги-Чаяакчының сеткилинге кирер, а кара сагыштыг кижи Аңаа буруу шаптырар.

Чугаалар 14:22

Өзү кара улус оруундан азар, а буян тарыыр улуста шынчы энерел бар.

Чугаалар 3:27

Бир кижиге ачы-буян көргүзер ужурлуг турган дижик сен. Шыдаар-ла болзуңза, аңаа ону көргүзеринден ойталава.

Чугаалар 4:16

Бузут үүлгетпээн болза, олар удуп шыдавас; бир-ле кижини буураашкынга чедирбээн болза, оларның уйгузу келбес.

Исайя 29:20

Оон бээр дарлакчылар турбас, дорамчылакчылар чиде бээр, бузут үүлгедиксээр бүгү улус узуткаттырар –

Исайя 3:14

Дээрги-Чаяакчы Бодунуң чонунуң баштыңнары болгаш нояннары-биле чаргызын чарып эгелээн: «Силер Мээң виноградым шөлүн хоозураткан силер, ядыы улустан үптеп алган эт-хөреңгиңер – бажыңнарыңарда.

Исайя 32:7

Дүржок кижи хоралыг үүлгедиглер кылыр, ооң бодалы кара сагыштыг – ядыы кижи шииткел черинге шынын чугаалап-даа турза, ону меге-биле чок кылып каар.

Исайя 5:8

Чер кырында чааскаан чурттап турар чүве дег, өске улуска хостуг чер арттырбайн, бажыңга немей бажың, шөлге немей шөл ээлеп ап турар улус, ат болур силер!

Исайя 59:3

Силерниң холуңар ханга борашкан, салааларыңар бачытка борашкан, аксыңар меге чүве чугаалаар, дылыңар бак чүве чулчуруур-дур.

Иеремия 18:18

Ынчалза-даа улус-чон: «Барып, Иеремияга удур сүлчээ кылыылы. Дүрүм-хоойлу – Бурганның бараалгакчыларынга, арга-сүме – мерген угаанныгларга, Бурганның сөзү – Ооң медээчилеринге артып каар-ла болгай! Барып, ону нүгүлдээли, ооң чугаа-сөзүн дыңнаваалы» – деп турган.

Иезекиил 11:2

Дээрги-Чаяакчы меңээ: «Кижи амытан, бузуттуг бодалдар бодап, хоорайда багай арга-сүме берип турар улус бо-дур.

Иезекиил 33:26

Силер хылыжыңарга ынаныр, чүдек-бужар чүүлдер кылыр, бирээңер өскеңерниң кадайын бужартадыр-дыр силер. Бо черни канчап ээлээр силер?

Иезекиил 38:10

Дээрги-Бурган-Чаяакчы мынча дээн: «Ол үеде сээң угааныңга багай бодалдар кирер, кара сагыштыг чүве бодап аар сен.

Иезекиил 46:18

Чагырыкчы чонну оларның хувааглыг черинден үндүр кызып, бодунга ап ап шыдавас. Мээң чонумдан кым-даа бодунуң ээлээн черин хавыртпазын дээш, чагырыкчы чүгле бодунуң хувааглыг черин оолдарынга салгал дамчыыр өнчү кылдыр берип шыдаар».

Михей 6:12

Сээң байларың каржы-дошкун-дур, чурттакчыларың меге чүве чугаалаар-дыр, оларның аксындан чүгле меге үнер-дир.

Наум 1:11

Дээрги-Чаяакчыга удур бак чүве үүлгедирин бодаар, бузуттуг чүүл сүмелээр кижи сенден үндү чоп, Ниневия.

Захария 7:10

Дулгуяк херээженни, өскүс кижини, даштыкы кижини болгаш ядыы кижини кызагдаваңар, сеткил-чүрээңерге бот-боттарыңарга удур кара сагыш тывылбазын.

Марк 15:1

Эртен эрте Бурганның дээди бараалгакчылары, баштыңнар болгаш ном-хоойлу тайылбырлакчылары база бүгү дээди иудей Чөвүлел чөвүлежип хуралдаан. Олар Иисусту хүлээш, аппаргаш, Пилатка хүлээдип бергеннер.

Лука 20:19

Бурганның дээди бараалгакчылары болгаш ном-хоойлу тайылбырлакчылары ол угаадыглыг чугаа оларның дугайында дээрзин билгеш, Иисусту ол-ла дораан тудуп хоругдаар арга дилей бергеннер, ынчалза-даа чондан кортканнар.

Иоанн 19:11

Иисус: «Өрүтен силерге бербээн болза, силерге Мээң бажым билир кандыг-даа эрге турбас ийик. Ынчангаш кым Мени силерге садыпкан ийик, ол кижиниң бачыды силерниинден улуг болур» – деп харыылаан.

Ажыл-чорудулга 23:12

Хүн үнүп кээрге, иудейлер аразында дугурушкаш, Павелди өлүрбээн шаанда, чүнү-даа ижип-чивес бооп даңгыраглааннар.

Ажыл-чорудулга 23:15

Ынчангаш силер дээди иудей Чөвүлел-биле кады ооң херээн катап көөр-дүр деп чылдагааннааш, ону силерге эккээр кылдыр муң шериг баштыңынга сөстен чедириңер. А бис ону бээр эккел чыдырда-ла, өлүрүп каарынга белен бис» – дээннер.

Римчилерге 1:30

Олар нүгүлчү, Бурганны көөр хөңнү чок, турамык, адыыргак, мактаныкчы, бузут үүлгедирде тывынгыр, ада-иезин хүндүлевес улус-тур.

Ы. х. к. 28:32

Сээң оглу-кызыңны өске чоннар тудуп аппаар, карактарың хүннү бадыр оларны дилегзинип көрдүнгеш, турлур деп баар, холдарың сула салдына бээр.