Михей 1:12 - Ыдыктыг Библия

¹² Мароттуң чурттакчылары эки медээлер манап чадааш, могап турупкан, чүге дээрге Дээрги-Чаяакчының ыдыпкан айыыл-халавы Иерусалимниң хаалгазында безин чедип келген-дир.

Михей 1:12 Iomraidhean Croise

Иов 30:26

Буян кордап чордум, бузут чедип келди, чырык манап чордум, дүмбей караңгы дүжүп келди.

Исайя 45:7

Мен чырыкты бар болдуруп, дүмбей караңгыны чаяап турар мен, чаагай чорукту хайырлап, айыыл-халапты боттандырып турар мен. Ол бүгүнү Мен, Дээрги-Чаяакчы, кылып турар мен!

Иеремия 14:19

Таанда-ла Сен Иудеядан шуут ойталадың бе? Таанда-ла Сээң сеткил-сагыжың Сионну көөр хөңнү чок бе? Чүге Сен бисти экирип шыдавас кылдыр эттеп-соп тур сен? Амыр-тайбың кээр боор деп идегеп турдувус, ынчалза-даа ачылыг чүү-даа чок-тур, экирииривисти манап турдувус, ынчалза-даа коргунчуг хай-халаптар чедип келди.

Иеремия 8:15

Амыр-тайбың кээр боор деп идегеп турдувус, ынчалза-даа ачылыг чүү-даа чок-тур, экирииривисти манап турдувус, ынчалза-даа коргунчуг хай-халаптар чедип келди.

Амос 3:6

Хоорайга шериг труба этси бээрге, улус коргуп сирилевес деп бе? Айыыл-халап хоорайны хөме тавараан болза, ону Дээрги-Чаяакчы үндүрбээн деп бе?

Михей 1:9

Чүге дээрге Самарияның балыы эмнеттинмес-тир, ол балыгланыышкын Иудеяда чеде берген-дир, Мээң чонумнуң хаалгазында, Иерусалимниң бодунда барган-дыр.

Руф 1:20

А демгизи: «Мени Ноемин деп адаваңар, а Мара деп адаңар, Күчүлүг Бурган мээң салым-чолумну ажыг-човалаңныг, аар-берге кылдыр чаяаган.

1 Хааннар 4:13

Ол кижи чедип келгенде, Илий орук кыдыынга сандайга медээ манап олурган, чүге дээрге ол Бурганның аптаразы дээш аажок сагыш човап турган. Ол кижи хоорайга келгеш, чүү болганын чугаалап бээрге, бүгү чурттакчы чон ыглап-сыктап эгелээн.