Михей 1:1 - Ыдыктыг Библия

¹ Дээрги-Чаяакчы Морешет чурттуг Михейге Иудеяның хааннары Иоафам, Ахаз болгаш Эзекия оларның чагырып турган чылдарында Бодунуң сөзүн ажыткан. Самария биле Иерусалим дугайында Михейниң көргени көстүүшкүн бо-дур.

Михей 1:1 Iomraidhean Croise

4 Хааннар 15:32

Ремалияның оглу, Израильдиң хааны Факейниң чагыргазының ийиги чылында Иудеяның хааны Озияның оглу Иоафам хаан апарган.

4 Хааннар 15:5

Дээрги-Чаяакчы Азарияны кеш аарыы-биле кезедип каан. Ол өлгүжеге чедир аарыын эдилеп, аңгы бажыңга чурттаар ужурга таварышкан. Хаанның оглу Иоафам ордуну башкарып, чонну чагырып турган.

4 Хааннар 16:1

Ремалияның оглу Факейниң чагыргазының он чедиги чылында Иудеяның хааны Иоафамның оглу Ахаз хаан апарган.

4 Хааннар 18:1

Иланың оглу, Израильдиң хааны Осияның чагыргазының үшкү чылында Иудеяның хааны Ахазтың оглу Эзекия хаан апарган.

2 Чылдар 28:1

Ахаз чээрби харлыында хааннап эгелээш, чуртту Иерусалимге он алды чыл чагырган. Ол Дээрги-Чаяакчының мурнунга, бодунуң өгбези Давид-биле деңнээрге, таарымчалыг чүүлдер кылбайн турган.

2 Чылдар 29:1

Эзекия чээрби беш харлыында хааннап эгелээш, чуртту Иерусалимге чээрби тос чыл чагырган. Ооң авазын Авия дээр турган, ол – Захарияның уруу чүве-дир.

Исайя 1:1

Иудеяның хааннары Озия, Иоафам, Ахаз болгаш Эзекия оларның чагырып турган чылдарында Амоцтуң оглу Исайяга Бурганның чорутканы, Иудея биле Иерусалим дугайында ажыдыышкын бо-дур.

Исайя 1:2

Дээр, дыңна! Чер, кичээнгейге ал! Дээрги-Чаяакчы чугаалап тур: «Мен оолдарымны кижизидип, өстүрүп кагдым, а олар Меңээ удур тура халышты.

Исайя 7:1

Озияның оглунуң оглу, Иоафамның оглу Ахаз Иудеяның хааны турган. Ол үеде арамей хаан Рецин база Ремалияның оглу, Израильдиң хааны Факей олар Иерусалимге удур дайылдажып үнүпкен, ынчалза-даа ону эжелеп ап шыдаваан.

Иеремия 26:18

«Иудеяның хааны Эзекияның үезинде Морешет чурттуг Михей өттүр билип медеглеп турду. Ол Иудеяның бүгү чонунга: „Аг-шериглиг Дээрги-Чаяакчы: ‘Сионну шөл ышкаш аңдарып каар, Иерусалим бузундулар оваазы апаар, а бо өргээни туткан даг арга-ыяш үнген чер апаар’ – дээн“ – деп чугаалаан болгай.

Осия 1:1

Озия, Иоафам, Ахаз болгаш Эзекия оларның Иудеяны чагырып турганы база Иоастың оглу Иеровоамның Израильди чагырып турганы чылдарда Дээрги-Чаяакчының Беериниң оглу Осияга ажыдып чугаалаан сөзү бо-дур.

Осия 4:15

Израильчилер, силер бодуңар самыырап-даа турар болзуңарза, оода-ла Иудеяны бачытче киирбеңер; Галгал хоорайже барбаңар, Бет-Авенче көдүрүлбеңер, дириг Дээрги-Чаяакчының ады-биле даңгыраглаваңар.

Осия 8:14

Израиль бодунуң Чаяакчызын уттупкаш, ордулар тудуп алган-дыр; Иудея хөй быжыглалдыг хоорайлар тудуп турар-дыр, ынчалза-даа Мен ол хоорайларже отту ыдыптар мен, от ордуларны чиптер».

Амос 1:1

Текоя чурттуг кадарчыларның бирээзи Амостуң сөстери бо-дур. Израиль дугайында Бурганның чорутканы бо көстүүшкүннү Амос Иудеяның хааны Озияның чагырып турганы база Иехоаштың оглу, Израильдиң хааны Иеровоамның чагырып турганы үеде, чер шимчээшкини болурунуң ийи чыл мурнунда көрген.

Амос 6:1

Сион дагда сагыш амыр чурттап турар улус ат болур, «Самарияның даанга айыыл чок чурттаар бис» деп бодап турар улус, израильчилерниң оларга кээп турары баштың чоннуң ат-сураглыг улузу ат болур!

Михей 1:5

Иаковтуң салгалдарының кемниг херектери дээш, израиль чоннуң бачыттары дээш ол бүгү болуп турар-дыр. Израильдиң кем-буруузу кайыын тывылганыл? Самариядан эвес бе? Иудеяның дүрзү-бурганнарга тураскааткан бедик черлери кайдал? Иерусалимде эвес бе?

Михей 3:9

Иаковтуң салгалының баштыңнары, израиль чоннуң чагырыкчылары, мону дыңнаңар! Силер чөптүг шииткелди херекке албайн, бүгү шын чүвени хажыдып турар-дыр силер.

Аввакум 1:1

Бурганның Аввакум медээчиге ажытканы өттүр билиишкин бо-дур.

2 Пётр 1:21

Чүге дээрге ол өттүр билген медеглелдер кажан-даа кижиниң күзел-соруундан тывылбаан, харын улусту дамчыштыр Бургандан кээп турган, а ол улус Ыдыктыг Сүлдеге башкарткаш, чугаалап чораан.