Матфей 1:1 - Ыдыктыг Библия

¹ Авраамдан база Давидтен укталган Иисус Христостуң ада-өгбе даңзызы бо-дур.

Матфей 1:1 Iomraidhean Croise

Эге дөс 12:3

Сени алгаар улуска Мен ачы-буян хайырлаар мен, а сени бак сөглээннерге – каргыш салыр мен; чер кырында хамык аймактар сени дамчыштыр ачы-буян алыр».

Эге дөс 2:4

Дээр биле черниң дугайында, Дээрги-Бурган-Чаяакчының оларны чаяап бүдүргениниң дугайында чугаа бо-дур.

Эге дөс 22:18

Мээң сөзүмнү тооп дыңнааның дээш, сээң үре-салгалың дамчыштыр чырык черде бар-ла чоннар ачы-буян алыр».

Эге дөс 5:1

Адамның үре-салгалының дугайында чугаа бо-дур. Кижи амытанны чаяап тура, Бурган ону Бодунуң овур-хевири-биле кылган.

Ырлар 89:3

Даглар төрүттүнериниң-даа мурнунда, чер биле өртемчейни чаяап кааныңның-даа мурнунда, үе-дүптен бээр, кезээ мөңгеде Бурган-дыр сен!

Исайя 11:1

Иессейниң төжээнден Будук өзер, ооң дазыл-дамырындан Өзүм үнер.

Исайя 53:8

Ону тудуп хоругдааш, шиидип каан. Ооң үре-салгалының дугайында кым чугаалап шыдаарыл? Дириглер оранынга ону амылыг арттырбаан, мээң чонумнуң кем-буруузу дээш ол ялалаткан.

Иеремия 23:5

«Үези кээрге, Давидтиң салгакчызын, чөптүг-шынныг Өзүмнү өрү көдүрер мен – деп, Дээрги-Чаяакчы медеглээн. – Ол хаан чагырып эгелээш, мерген угаанныын көргүзүп, чер кырынга шын шииткел биле чөптүг чорукту доктаадыр.

Иеремия 33:26

Мен Иаковтуң салгалындан, Мээң чалчам Давидтиң салгалындан ойталавас мен: оларның аразындан Авраам, Исаак болгаш Иаковтуң салгалын чагырар кижилерни шилиир мен! Мен оларга эки чолду эгидер мен» – дээн.

Амос 9:11

Шииткел хүнү кээрге, Мен Давидтиң буступ дүшкен чадырын катап тургузар мен, ооң тиглерин дуглап каар мен, бузундуларын эде тудуштурар мен, бурунгу үеде турганы дег кылдыр тудуп каар мен.

Захария 12:8

Ол хүн Дээрги-Чаяакчы Иерусалимниң чурттакчыларынга дозуг-камгалал болур, оларның аразында эң кошкак кижи ол үеде Давид хаан ышкаш апаар, а Давидтиң салгалы Бурган дег, чонну баштап чоруур Дээрги-Чаяакчының төлээзи дег апаар.

Матфей 1:18

Иисус Христос мынчаар төрүттүнген. Ооң авазы Марияны Иосиф-биле дүгдеп каан чүве-дир. Ынчалза-даа олар өгленчир бетинде, Марияның Ыдыктыг Сүлдеден иштелгени билдине берген.

Матфей 1:2

Авраам Исаактың ачазы турган. Исаак – Иаковтуң, Иаков – Иуда биле ооң акы-дуңмаларының ачазы турган.

Матфей 15:22

Аңаа ол черлерниң чурттакчызы бир хананей херээжен ыыткыр мынча дээн: «Дээрги, Давидтиң Оглу! Мени кээргеп көрүңер! Уруум букшуурааш, ат болду».

Матфей 3:16

Сугга суктуруп алгаш, Иисус хемден үнүп кээри билек, дээр аңгайтыр ажыттына берген. Оон Иисус Бодунуң кырынче көге-буга дег бадып орар Бурганның Сүлдезин көрүп каан.

Матфей 9:27

Иисус оортан чоруптарга, ийи согур кижи Ону эдерип: «Давидтиң Оглу, бисти кээргеп көрүңер!» – деп кыйгырып чораан.

Лука 1:33

Ол Иаковтуң ук-салгалын мөңгези-биле хааннаар, Ооң Чагыргазы төнчү чок болур».

Иоанн 7:42

Христос Давид хаанның үре-салгалы болур болгаш Давидтиң чурттап чораан хоорайы Вифлеемге төрүттүнер деп Бижилгеде чугаалаан-на болгай».

Ажыл-чорудулга 2:30

Давид боду өттүр билип медеглээр чаяанныг болгаш, „Дүжүлгеңге үре-салгалыңның бирээзин олуртур мен“ деп Бурганның аңаа даңгыраглап аазаанын билир турган.

Римчилерге 1:3

Буянныг Медээде төрүттүнген ызыгууру-биле Давид хаанның салгалы боор Бурганның Оглунуң дугайында чугаалап турар.

Римчилерге 4:13

Авраам база ооң үре-салгалы Бурганның оларга бо делегейни өнчү кылдыр бээр деп аазаашкынын алганнар. Авраам аазаашкынны ыдыктыг хоойлунуң негелделерин сагааны дээш эвес, а ону агартып турар бүзүрели дээш алган.

Римчилерге 9:5

Оларның ада-өгбези алдаржаан-дыр. Оларның аразынга бүгүдеден өндүр бедик, кезээ мөңгеде макталга төлептиг Бурган – Христос кижи бооп төрүттүнген. Аминь!

Галатчыларга 3:16

Бурган Авраам биле ооң салгакчызынга аазаашкыннар берген. Бижилгеде, хөй улуска дег, «Ооң салгакчыларынга» эвес, а чаңгыс кижиге дег, «Ооң салгакчызынга» дээнин эскерип көрүңер даан, ооң дугайында чугаа чоруп турар салгакчы – Христос ол-дур.

1 Тимофейге 2:5

Чүге дээрге Бурган-даа чаңгыс, Бурган биле кижи төрелгетенниң эптештирикчизи – Боду база кижи – Христос Иисус-даа чаңгыс!

2 Тимофейге 2:8

Мээң суртаалдап турарым Буянныг Медээде чугаалааны дег, өлүглер аразындан катап дирлип келген Иисус Христосту – Давидтиң үре-салгалын сактып чор.

Ажыдыышкын 22:16

Мен, Иисус, бо бүгүнү христиан ниитилелдерге херечилезин дээш, дээрден төлээмни чоруттум. Мен дээрге Давидтиң Дазылы база үре-салгалы мен, эртенги чырык шолбан мен.