Марк 6:3 - Ыдыктыг Библия

³ Ол дээрге Марияның оглу, Иаков, Иосий, Иуда база Симоннуң акызы, бызаңчы кижи эвес ийикпе? Ооң кыс дуңмалары база бистиң аравыста эвес чүве бе?» Ынчангаш олар Ону хүлээп көрбээн.

Марк 6:3 Iomraidhean Croise

Исайя 49:7

Бүгү чоннарга бак көрдүрген, дорамчылаткан кижиге, чагырыкчыларының кулунга Дээрги-Чаяакчы, Израильдиң ыдыктыг Камгалакчызы: «Хааннар сени көргеш, туруп кээр, нояннар сени көргеш, сөгүрүүр, чүге дээрге сөзүнге шынчы Дээрги-Чаяакчы, Израильдиң ыдыктыг Бурганы сени шилип алган-дыр» – дээн.

Матфей 11:6

Меңээ бүзүрелин чидирбес кижи амыр-чыргалдыг боор».

Матфей 12:46

Иисус чон-биле чугаалажып турда, Ооң авазы биле дуңмалары бажың даштынга чедип келгеннер: олар Ооң-биле чугаалажыр бодаан чүве-дир.

Марк 15:40

Чамдык херээженнер база болган чүүлдү ырактан хайгаарап турган. Оларның аразынга Мария Магдалина, бичии Иаков биле Иосийниң авазы Мария база Саломия олар турган.

Марк 3:18

Андрей, Филипп, Варфоломей, Матфей, Фома, Алфейниң оглу Иаков, Фаддей, Симон Кананит

Лука 2:34

Симеон оларны алгап-йөрээгеш, Ооң иези Марияга мынча дээн: «Бо Чаш төл дээш, Израильге хөй улус дүңдерлип дүжер-дир, хөй улус өрү көдүрлүр-дүр. Ол – Бурганның бадыткал демдээ-дир, ынчалза-даа хөй улус Аңаа удурланыр-дыр.

Лука 7:23

Меңээ бүзүрелин чидирбес кижи амыр-чыргалдыг болур».

Лука 8:20

Иисуска улус мынча дээн: «Аваңар база дуңмаларыңар даштын Силерни көрүксеп турлар».

Иоанн 14:22

Искариот эвес, өске Иуда Аңаа: «Дээрги! Силер Бодуңарны бо делегейниң улузунга эвес, а чүгле биске көргүзер деп тур силер бе? Ол чүге ындыгыл?» – дээн.

Иоанн 6:42

Олар мынча дээн: «Ол дээрге Иосифтиң оглу Иисус эвес чүве бе? Бис Ооң адазын-даа, авазын-даа билир-дир бис. Канчап черле Ол: „Мен дээрден дүжүп келдим“ – дээрил?»

Ажыл-чорудулга 1:13

Олар хоорайже киргеш, делгем өрээлге чыглып келгеннер. Аңаа Пётр, Иоанн, Иаков, Андрей, Филипп, Фома, Варфоломей, Матфей, Алфейниң оглу Иаков, Симон Зилот болгаш Иаковтуң оглу Иуда олар турган чүве-дир.

Ажыл-чорудулга 12:17

Оларже ыыттаваңар деп холу-биле айыткаш, Пётр Дээрги-Чаяакчының кара-бажыңдан ону канчаар үндүргенин чугаалааш: «Ол дугайында Иаковка база өске-даа бүзүрээн улуска дыңнадыңар» – дээн. Оон ол өске черже чоруй барган.

1 Коринфичилерге 1:23

А бис Христостуң белдир-ыяшка өлүмүн суртаалдап турар бис. Ол медээ иудейлерге – ажып эрттинмес моондак боор, а өске чоннар улузунга – мелегей чүүл боор.

1 Коринфичилерге 9:4

Аъш-чем чиир, суксун ижер эргевис чок бе?

Галатчыларга 1:19

А өске элчиннерден кымга-даа ужурашпадым, чүгле Дээрги Иисустуң дуңмазы Иаковту көрдүм.

1 Пётр 2:4

Улустуң херекчок дээш тоовааны, ынчалза-даа Бурганның шилип алганы үнелиг дириг Дашче чедип келиңер.

Иуда 1:1

Иисус Христостуң чалчазы база Иаковтуң дуңмазы Иудадан байыр. Бурган Аданың кыйгырып алганы, ынак апарганы, Иисус Христоска кадагалаткан улузунга бижидим.