Марк 4:12 - Ыдыктыг Библия

¹² Олар көрзе-даа, эскербес-тир, дыңназа-даа, дыңнавас база угаап билбес-тир. А оон башка олар Бурганче эглип кээп, өршээл алыр ийик» .

Марк 4:12 Iomraidhean Croise

Исайя 43:8

Карактыг-даа болза, согур чонну, кулактыг-даа болза, дүлей улусту үндүрүп эккел.

Исайя 44:18

Ындыг улус чүнү-даа билбес, чүнү-даа угаап шыдавас; олар дээрге карактарын шийдирип каан, көөр чүвези чок, угаанын дуглап каан улус-тур.

Иеремия 36:3

Иудеяның чону Мээң оларга кандыг айыыл-халап таварыштырар деп турарымны дыңнап кааш, кижи бүрүзү бодунуң бузуттуг оруундан ойталаар чадавас. Ынчан Мен оларның кем-буруузун база бачыттарын өршээр мен».

Иеремия 5:21

„Мону дыңнап ал, мелегей, угаан чок чон! Карактыг хиреңерде, көрбес-тир силер, кулактыг хиреңерде, дыңнавас-тыр силер!“ – деп чугаалаңар.

Иезекиил 12:2

«Кижи амытан, сен үймээнчилер аразында чурттап турар-дыр сен. Олар көөр карактыг-даа болза, көрбес-тир, дыңнаар кулактыг-даа болза, дыңнавас-тыр, чүге дээрге үймээнчи чон-дур.

Марк 8:18

Карактыг хиреңерде, көрбезиңер ол бе? Кулактыг хиреңерде, дыңнавазыңар ол бе? Таанда-ла сагынмас-тыр силер бе?

Лука 8:10

Ол мынча дээн: «Силерге Бурганның Чагыргазының чажыттарын билип алырын хайырлаан-дыр, а өске улус көрзе-даа, эскербезин база дыңназа-даа, билбезин дээш, оларга чүгле угаадыглыг чугаалар хайырлаан-дыр.

Ажыл-чорудулга 3:19

Силерниң бачыттарыңар өршээттинзин дээш, ооңарны миннип, Бурганче эглиңер!

Ы. х. к. 29:4

ынчалза-даа Дээрги-Чаяакчы силерге бөгүнге чедир чүве билип алыр кылдыр угаан бербээн-дир, көөр кылдыр карак бербээн-дир, дыңнап алыр кылдыр кулак бербээн-дир.

2 Тимофейге 2:25

Ол аңаа удур улусту безин эп-чөп-биле эдип-чазазын. Чүге дээрге Бурган оларга бачыдын миннип, алыс шынны билип аар арганы бээр чадавас.