Марк 3:5 - Ыдыктыг Библия

⁵ Иисус улусче килеңнеп, эргий кайгааш, оларның чүректериниң дашталганы дээш аажок муңгарап, демги кижиге: «Холуң бээр сун» – дээн. Ол сунуп бээрге, ооң холу кадык апарган.

Марк 3:5 Iomraidhean Croise

Эге дөс 6:6

Дээрги-Чаяакчы чер кырынга кижини чаяап каанынга хараадап, сеткилиниң ханызындан хомудаан.

3 Хааннар 13:6

Хаан ынчан Бурганның кижизинге: «Бараан бооп турарың Дээрги-Чаяакчыга мени өршээр кылдыр чаннып көр, мээң холум экирий берзин» – дээн. Бурганның кижизи Дээрги-Чаяакчыдан өршээл дилеп, чаннырга, хаанның холу экирий берип, ооң мурнунда дег кадык апарган.

Неемия 13:8

Аажок килеңнээш, Товияның эт-хөреңгизин үндүр октапкан мен.

Ырлар 95:10

Чоннарга дамчыдып чугаалаңар: Дээрги-Чаяакчы хааннап турар! Ол өртемчейни быжыг үндезинде тургузуп каан – тендиш дивес-тир. Чоннарны Ол чөптүү-биле шиидер-дир.

Матфей 12:13

Иисус оон када берген холдуг кижиге: «Холуң бээр сун» – дээн. Ол холун сунуп бээрге, оозу ол дораан, өскези дег, кадык апарган.

Марк 3:4

А демги улуска Ол мынча дээн: «Амыр-дыш хүнүнде чүнү кылыр ужурлугул: буянны бе азы бузутту бе? Амы-тынны камгалап аар бе азы узуткаар бе?» Ынчалза-даа олар ыытташпаан.

Лука 13:15

Дээрги Иисус аңаа мынча деп харыылаан: «Ийи арынныглар! Силерниң кайыңар-даа бодунуң шарызын азы элчигенин амыр-дыш хүнүнде кажаада турар черинден чежип алгаш, суггарары-биле чедип аппарбас ийик бе?

Лука 17:14

Оларны көрүп кааш, Ол: «Баргаш, Бурганның бараалгакчыларынга көстүп калыңар» – дээн. Олар чорупкаш, орук ара арыгланып, экирий бергеннер.

Лука 6:10

Иисус оларның шуптузун эргий кайгааш, демги кижиге мынча дээн: «Холуң бээр сун». Ол сунуп бээрге, ооң холу кадык апарган.

Иоанн 9:7

Оон аңаа мынча дээн: «Баргаш, Силоамның (ол дээрге „Айбылаткан“ дээни ол) эштир хөөлбээнге арның чуп каавыт». Ол кижи барып чунуп каапкаш, оон караа көстүр апарган дедир ап четкен.

Римчилерге 11:25

Ха-дуңма, «Бис кончуг бис» деп улуургай бербезиннер дээш, силерге бир чажытты ажыдарын күзеп тур мен: израиль чоннуң чамдык кезииниң дедир-чөрүүзү чүгле өске чоннар улузундан четчир санныг улус Бурганче ээлбээже, үргүлчүлеп кээр.

2 Коринфичилерге 3:14

Ынчалза-даа оларның угаан-бодалы чүве эскербес хевээр-дир. Бөгүнге чедир, Эрги Чагыг-керээниң сөстерин номчуп турда, ол шывыг оларның угаан-бодалындан ап кагдынмаан-дыр, чүге дээрге ону чүгле Христостуң ачызында ап кааптып боор-дур.

Эфесчилерге 4:18

Олар угааны караңгылаан, Бурганны билбес, бүдүүлүк болгаш, Ооң бээри амыдыралдан оспаксыраан база чүректери дашталган улус-тур.

Эфесчилерге 4:26

Килеңнээш-даа, бачыт үүлгетпеңер. Килеңиңерни хүн ашпаанда-ла чавырып алыңар;

Эфесчилерге 4:30

Бурганның Ыдыктыг Сүлдезиниң хөңнүн баксыратпаңар. Бүрүн хосталыр хүнүңер дээш, силер Ооң таңмазы-биле демдектедип алган болгай силер.

Еврейлерге 3:10

Ынчангаш Мен ол салгалга килеңней бергеш: „Бо дээрге чүректери үргүлчү будулуп чоруур, Мээң оруктарымны билип албаан улус-тур“ – деп чугаалаан мен.

Еврейлерге 3:17

Дөртен чыл дургузунда Бурган кымга килеңнеп келгенил? Бачыт үүлгеткени дээш, ээн ховуга мөчү-сөөгүн салган улуска эвес ийикпе?

Еврейлерге 5:9

Иисус болбаазыраңгай апаргаш, Ону тооп дыңнаар бүгү улуска мөңге камгалалдың үнер дөзү болу берген,

Ажыдыышкын 6:16

Олар даглар болгаш хаяларга: «Бисче кээп дүжүңер, дүжүлгеде саадаан Бургандан база Хураганның килеңинден бисти чажырыңар!

Баштыңчылар 10:16

Олар хары бурганнардан ойталааш, чүгле Дээрги-Чаяакчыга чүдүп, бараан бооп эгелээн. Ынчан Израильдиң хинчек-човулаңын көргеш, Дээрги-Чаяакчының сеткил-чүрээ чыырлыш кынган.

1 Хааннар 20:34

Ионафан аажок хорадааш, столдан туруп чоруй баргаш, ай чаазының ийиги хүнүнде чемненмээн, чүге дээрге ол Давид дээш база ачазының ону куду көргени дээш качыгдап турган.