Марк 3:21 - Ыдыктыг Библия

²¹ Ындыг дээрзин дыңнап кааш, Ооң чоок төрел кижилери Ону ап алыры-биле чеде бергеннер, чүге дээрге улус: «Ооң угааны анаа эвес-тир» – деп турар болган.

Марк 3:21 Iomraidhean Croise

4 Хааннар 9:11

Иеху бодунуң дээргизиниң дүжүметтеринге чедип кээрге, олар: «Шупту чүве эки-ле бе? Ол тенек аарыг кижи чүге сеңээ кээп чорду?» – деп айтырганнар. Иеху: «Ындыг улустуң кайы хире хоозун чүве чулчуруп чоруурун боттарыңар билир-ле болгай силер» – деп харыылаан.

Иеремия 29:26

Дээрги-Чаяакчы Софония сени Бурганның бараалгакчызы Иодайның орнунга бараалгакчы кылып каан болгай; Дээрги-Чаяакчының өргээзинге угаанын ышкынгаш, өттүр билип медеглеп эгелээр улусту хайгаараар база оларның буттарын доорбаш ыяшка демирлээр, мойнунга дөңгү кедирер ужурлуг турган сен.

Осия 9:7

Ялаладыр, кеземче көөр хүннери келген дээрзин израильчилер билип алзын. Бурганның медээчизи мелегей бе? Бурганның Сүлдезинге башкарткан кижи угаанын ышкынган бе? Сээң хөй санныг бузуттуг үүлгедиглериң дээш, өндүр улуг өжээннешкек чорууң дээш, Бурганның медээчилери ындыг улус апарган-дыр.

Марк 3:31

Ооң соонда Иисустуң авазы база дуңмалары чедип келгеш, бажыңче кирип чадашкаш, Ону кый дээри-биле улус ыдыпкан.

Иоанн 10:20

Оларның дыка хөйү: «Ол-даа букшуураан-дыр, угааны база сээдеңнээн-дир. Чүге Ону дыңнаар силер?» – дээннер.

Ажыл-чорудулга 26:24

Павел ам-даа агартынып турда, Фест ону ыыткыр үн-биле: «Сээң угааның солуудаан-дыр, Павел! Хөй эртем-билииң сени сээдеңнедипкен-дир!» – деп үзе кирипкен.

2 Коринфичилерге 5:13

Угаанывыс анаа эвес-даа бооп турза, Бурган дээш, ындыывыс ол-дур. А чарт угаанныг бооп турзувусса, силер дээш, ындыывыс ол-дур.