Марк 2:26 - Ыдыктыг Библия

²⁶ Авиафар дээрзи Бурганның дээди бараалгакчызы турган үеде, Давид хаан канчанган ийик? Ол Бурганның өргээзинче киргеш, Бурганның бараалгакчыларындан өске кым-даа чивес ужурлуг ыдыктаан хлебти чигеш, кады чораан улузунга база берген болгай».

Марк 2:26 Iomraidhean Croise

2 Хааннар 8:17

Ахитувтуң оглу Садок биле Авиафарның оглу Ахимелех – Бурганның бараалгакчылары, а Серайя – бижээчи турган.

1 Чылдар 24:6

Давид хаан, чоннуң нояннары, Бурганның бараалгакчызы Садок, Авиафарның оглу Ахимелех болгаш бараалгакчыларның, левиттерниң төрел салгалдарының баштыңнары көрүп турда, төрел бөлүктерниң аттарын Нафанаилдиң оглу, левит бижээчи Шемайя бижип алган: бирээзин Элеазардан укталган төрел бөлүк, өскезин – Ифамардан укталган төрел бөлүк оочур ёзугаар алган чүве-дир.

1 Хааннар 21:1

Оон чоруткаш, Давид Нов хоорайда Бурганның бараалгакчызы Ахимелехке чедип келген. Ахимелех Давидти дүвүрел-биле уткуп алгаш: «Чүге чааскаан сен? Чүге сээң-биле кым-даа келбеди?» – деп айтырган.

3 Хааннар 4:4

Иодайның оглу Ванея – шериг баштыңчызы; Садок биле Авиафар – Бурганның бараалгакчылары;

3 Хааннар 2:22

Соломон хаан авазынга: «Адонияга Сунем чурттуг Ависаганы бээрин чүге менден дилеп тур силер? Ындыг болза, аңаа күрүне чагырар эргеден база айтырып көр – ол мээң улуг акым-на болгай! Аңаа, Бурганның бараалгакчызы Авиафарга болгаш Саруйяның оглу Иоавка база айтыр!» – деп харыылаан.

3 Хааннар 1:7

Адония Саруйяның оглу, шериг баштыңчызы Иоав-биле база Бурганның бараалгакчызы Авиафар-биле дугуржурга, олар аңаа дузалажырын аазаан.

2 Хааннар 20:25

Шева – бижээчи, Садок биле Авиафар – Бурганның бараалгакчылары турган.

2 Хааннар 15:35

Ында сээң-биле кады Бурганның бараалгакчылары Садок биле Авиафар база бар. Хаанның ордузунга чүнү дыңнаар-дыр сен, шуптузун оларга дамчыдып берип турар сен.

2 Хааннар 15:29

Садок биле Авиафар Бурганның аптаразын Иерусалимче эккелгеш, аңаа артып калганнар.

2 Хааннар 15:24

Садок болгаш ооң-биле турган бүгү левиттер Бурганның ыдыктыг аптаразын көдүржүп эккелгеш, салып каарга, Авиафар бараалгакчы бүгү шериг хоорайдан төндүр үнгүже, өргүл салып турган.

1 Хааннар 23:9

Давид Саулдуң аңаа удур багай чүве бодап алганын билип кааш, Бурганның бараалгакчызы Авиафарга: «Эфодту бээр эккел» – дээн.

1 Хааннар 23:6

Ахимелехтиң оглу Авиафар Кеилада Давидче дезип чоруурда, эфодту база ап алган чүве-дир.

Матфей 12:4

Ол Бурганның өргээзинче киргеш, ооң боду-даа, кады чораан улузу-даа чип болбас, а чүгле Бурганның бараалгакчылары чиир ужурлуг ыдыктаан хлебти чипкен болгай.

Марк 2:25

Иисус оларга мынча дээн: «Боду база кады чораан өөрү аажок аштай бээрге, Давид хаанның чүнү кылганын силер таанда-ла Бижилгеден номчувааныңар ол бе?