Марк 14:2 - Ыдыктыг Библия

² Олар мынча деп турган: «Чүгле байырлал үезинде ынчап болбас. Оон башка чон хөлзээзин үндүрүп болур».

Марк 14:2 Iomraidhean Croise

Чугаалар 19:21

Кижиниң чүрээнде бодал-ла хөй, ынчалза-даа кайызының чогуп бүдери Дээрги-Чаяакчының шиитпиринден хамааржыр.

Чугаалар 21:30

Кижиниң мерген угааны-даа, угаан-сарыылы-даа, арга-сүмези-даа Дээрги-Чаяакчының мурнунга хоозун чүүлдер-дир.

Ыы-сыы 3:27

Аар-бергелерни аныяандан ажып эртип турар кижиге – буян доктаар. י (йод)

Матфей 26:2

«Хосталыышкын байырлалынга чедир ийи хүн арткан-дыр, Кижи амытан Оглун садыпкаш, белдир-ыяшка хере шаварын билип алыңар».

Матфей 26:5

Олар: «Чүгле байырлал үезинде ынчап болбас. Оон башка чон хөлзээзин үндүрүп болур» – деп дугурушканнар.

Марк 11:18

Ону дыңнааш, Бурганның дээди бараалгакчылары болгаш ном-хоойлу тайылбырлакчылары Иисусту узуткаар арга дилеп эгелээн. Олар Оон коргуп турган, чүге дээрге бүгү чон Ооң өөредиин магадап хүлээп алыр болган.

Марк 11:32

А: «Кижилерден» – дептер дээш, чондан кортканнар, чүге дээрге шупту улус Иоанны Бурганның медээчизи деп санап турган.

Марк 14:1

Хосталыышкын болгаш Хаарган далганнар байырлалынга чедир ийи хүн арткан турган. Бурганның дээди бараалгакчылары болгаш ном-хоойлу тайылбырлакчылары Иисусту кажарлап тудуп алгаш, өлүрүп каар эптиг арга дилей бергеннер.

Марк 14:3

Иисус Вифанияда кежи а арыг чораан Симоннуң бажыңынга чемненип олурда, бажыңче алебастр доңгалыг бир херээжен кирип келген. Ол доңгаже арыг нард үнүштен кылган улуг үнелиг чаагай чыттыг үс куткан болган. Ол саваның аксын буза шапкаш, чаагай чыттыг үзүн Иисустуң бажынче кудуп, чаап берген.

Лука 20:6

А бир эвес: „Кижилерден“ – дээр болзувусса, шупту улус бисти даштар-биле соккулап кааптар, чүге дээрге олар Иоанны Бурганның медээчизи деп санаар болгай».

Лука 22:1

Хаарган далганнар байырлалы (азы Хосталыышкын байырлалы) чоокшулап олурган.

Иоанн 12:19

А фарисейлер боттарының аразында: «Чүнү-даа кылып шыдавазывысты көрүп тур силер бе? Эңдерик улус Ону эдерип чорупту» – дишкеннер.

Иоанн 7:40

Иисустуң ол сөстерин дыңнааш, чамдык улус: «Ол манаанывыс Медээчи дээрзи ылап-тыр!» – дишкен.