Марк 1:8 - Ыдыктыг Библия

⁸ Мен силерни сугже суктум, а Ол силерни Ыдыктыг Сүлдеже сугар».

Марк 1:8 Iomraidhean Croise

Чугаалар 1:23

Мээң чемелээшкинимче эргилип, дыңнап көрүңер – сеткил-сагыжымны силерже сиңирип каар мен, сөзүмнү силерге медеглээр мен.

Исайя 32:15

Оон Бурганның Сүлдези чонувусту өрүтен бүргээр, ээн кургаг хову сесерлик апаар, а сесерлик арга-эзим ышкаш көстүр.

Исайя 44:3

Мен кагып-суксаан черже сугну, кургап калган черже – сугларны аксыр мен. Бодумнуң Сүлдем-биле сээң үре-салгалыңны, ачы-буяным-биле – ажы-төлүңнү бүргээр мен!

Иоил 2:28

«Ооң соонда мындыг боор: Мен Бодумнуң Сүлдем-биле бүгү улусту бүргей аптар мен. Силерниң оглу-кызыңар өттүр билип медеглеп эгелээр, кырганнарыңар өттүр билген дүштер дүжээр, аныяк оолдарыңар онзагай көстүүшкүннер көөр.

Матфей 3:11

Бачыдыңар миннип, Бурганче ээлгениңерниң демдээ кылдыр, силерни сугже суп тур мен. Ынчалза-даа менден күчү-күштүг Кижи мээң соомдан чоруп олурар. Мен Ооң идиин-даа тудуп алгаш чоруурунга төлеп чок мен. Ол силерни Ыдыктыг Сүлдеже, отче сугар-дыр.

Марк 1:7

Ол улуска мындыг суртаал берген: «Менден күчү-күштүг Кижи мээң соомдан чоруп олурар. А мен доңгайгаш, Ооң идииниң шидиишкинин безин чежеринге төлеп чок кижи-дир мен.

Марк 1:9

Ол хүннерде Галилеяның Назарет хоорайдан Иисус чедип келген. Иоанн Ону база Иордан хемче суккан чүве-дир.

Лука 3:16

А Иоанн шуптузунга мынча дээн: «Мен силерни сугже суп тур мен, ынчалза-даа менден күчү-күштүг Кижи кел чыдар, мен Ооң идииниң шидиишкинин безин чежеринге төлеп чок мен. Ол силерни Ыдыктыг Сүлдеже, отче сугар-дыр.

Иоанн 1:26

Иоанн оларга: «Мен улусту сугже сугар мен, ынчалза-даа силерниң араңарда билбезиңер бир Кижи бар-дыр,

Иоанн 1:33

Мен Ол кымыл дээрзин билбес турдум, ынчалза-даа улус-чонну сугже суксун дээш, мени айбылаан Бурган мынча дээн: „Сүлде Олче бадып келгеш, Ооң кырынга артып каар кижи көрзүңзе, улусту Ыдыктыг Сүлдеже сугар Кижи ол болур эвеспе“.

Ажыл-чорудулга 1:5

Иоанн силерни сугже суп турган, а Мээң Адам, каш хүн эртерге, силерни Ыдыктыг Сүлдеже сугар-дыр».

Ажыл-чорудулга 10:45

Пётр-биле кады келген кыртыжап демдектеткен бүзүрээннер Бурганның Ыдыктыг Сүлдени өске чоннар улузунга белек кылдыр бергенин көргеш, кайгап калганнар.

Ажыл-чорудулга 2:17

„Бурган чугаалаан: Сөөлгү хүннерде Бодумнуң Сүлдем-биле бүгү улусту бүргей аптар мен . Силерниң оглу-кызыңар өттүр билип медеглеп эгелээр, аныяк оолдарыңар онзагай көстүүшкүннер көөр, а кырганнар өттүр билген дүштер дүжээр.

Ажыл-чорудулга 2:4

Олар шупту Ыдыктыг Сүлдеге бүргедипкеш, Ооң хайырлаан күжү-биле өске дылдарга чугаалап эгелээннер.

1 Коринфичилерге 12:13

Иудейлер азы өске чоннар улузу-даа, кулдар азы хостуг улус-даа, шуптувус чаңгыс мага-бот болур дээш, чаңгыс Сүлдеге суктурган бис. Шуптувус чаңгыс-ла ол Сүлдеден «ижип алган бис».