Марк 1:5 - Ыдыктыг Библия

⁵ Улус аңаа бүгү Иудеядан база Иерусалим хоорайдан боттарының бачыттарын ажыы-биле миннир дээш кээп турган, а Иоанн оларны Иордан хемге сугже суп турган.

Марк 1:5 Iomraidhean Croise

Ырлар 32:5

Ол чөптүг чорук биле шын шииткелге ынак; Ооң энерели чер-делегейни бүргей алган.

Чугаалар 28:13

Бачыттыг үүлгедииңни чажырар болзуңза, эки чүве көрбес сен, а ону ажыы-биле миннип, ойталаар болзуңза, өршээл алыр сен.

Матфей 4:25

Галилеядан, Он-хоорайдан, Иерусалимден, Иудеядан болгаш Иорданның ол чарыындан келген мөөң чон Ону эдерип чораан.

Марк 1:4

Ынчангаш ээн кургаг ховуга Иоанн Медеглекчи чедип келген. Ол улуска: «Бачыттарыңар дээш өршээл алыр дизиңерзе, бачыдыңар миннип, Бурганче ээлгениңер демдээ кылдыр сугга суктурар ужурлуг силер» – деп суртаалдап турган.

Марк 1:6

Иоанн теве дүгүнден кылган хептиг база белинде хөм курлуг чораан, а ооң чиир чеми шартылаа болгаш ховунуң ары чигири болган.

Иоанн 1:28

Бо чугаа Иоанның улусту сугже сугар черинге – Иордан хемниң ындында Вифанияга болган.

Иоанн 3:23

А Иоанн база-ла ол өйде Салимниң чоогунда суу элбек Енон деп черге улусту сугже сугарын уламчылаан. Улус аңаа сөктүп кээп турган, а ол оларны сугга суп турган.

Иоанн 5:35

Иоанн чырыдыр кыпкан чырыткы дег болган. А силер ооң чырыынга, хензиг-даа өйде болза, өөрүүрүнге чөпшээрешкен силер.

Ажыл-чорудулга 19:18

Хөй бүзүрээн кижилер чедип кээп, бачыттыг херектерин ажыы-биле миннип турган.

Ажыл-чорудулга 2:38

Пётр мынча деп харыылаан: «Бачыттарыңар миннип, Бурганче эглиңер. Силерниң кижи бүрүзү Иисус Христостуң ады-биле сугга суктуруп, бачыттары дээш, өршээлден алзын, оон Ыдыктыг Сүлдени белек кылдыр алыр силер.

Иаков 5:16

Ынчангаш Бурган силерни экиртсин дээш, үүлгеткен бачыдыңарны бот-боттарыңарга минниңер база бот-боттарыңар дээш мөргүңер. Чөптүг-шынныг кижиниң мөргүлү аажок күштүг салдарлыг боор.

Иисус 7:19

Ынчан Иисус Аханга: «Оглум! Израильдиң Бурганы Дээрги-Чаяакчыны алдаржыдып, чүнү үүлгеткениңни менден чажырбайн, сөглеп бер» – дээн.