Марк 1:13 - Ыдыктыг Библия

¹³ Ээн кургаг ховуга Ол дөртен хүн дургузунда эрликке күткүттүрүп, аң-мең аразынга чурттап келген. Дээрниң төлээлери Аңаа бараан болуп турган.

Марк 1:13 Iomraidhean Croise

Хосталыышкын 24:18

Моисей булуттуң ортузунче кирип, дагже улам бедидир үне берген; даг бажынга ол дөртен хүн, дөртен дүн дургузунда турган.

Хосталыышкын 34:28

Моисей шак аңаа, Дээрги-Чаяакчының чанынга дөртен хүн-дүннү эрттирген; ол өйде аъш-чем-даа чивээн, суг-даа ишпээн. Ол калбак даштарга он айтыышкынны – чагыг-керээниң бадыткал сөстерин бижип каан.

Матфей 26:53

Азы сен Мени Адамдан дилег кылып шыдавас деп бодадың бе? Ол Меңээ он ийи түмен ажыг дээрниң төлээлерин чорудуп бээр турган ийик!

Матфей 4:1

Ыдыктыг Сүлде ынчан Иисусту эрликке күткүттүрери-биле ээн кургаг ховуже аппарган.

Лука 4:1

Ыдыктыг Сүлдеге бүргеттирген Иисус Иордан хемден ээп кээрге, Сүлде Ону ээн кургаг ховуже аппарган.

Ы. х. к. 9:11

Дөртен дүн-хүн эрткен соонда, Дээрги-Чаяакчы меңээ чагыг-керээни бижээн ийи калбак дашты ап берген.

Ы. х. к. 9:18

Оон Дээрги-Чаяакчының мурнунга доңгая кээп дүшкеш, ооң мурнунда дег, дөртен дүн-хүн дургузунда ээрежип, аъш-чем-даа чивээн, суг-даа ишпээн мен. Дээрги-Чаяакчыны килеңнедип, Ооң мурнунга бузут үүлгедип турганыңар дээш – кылган шупту бачыдыңар дээш ээрежип турганым ол.

Ы. х. к. 9:25

Дээрги-Чаяакчының мурнунга доңгая кээп дүшкеш, дөртен дүн-хүн дургузунда ээрежип дилеп келген мен, чүге дээрге Ол силерни узуткап каар деп турган.

1 Тимофейге 3:16

Ийет, маргыш чок, чүдүлгевистиң чажыды өндүр улуг: Христос кижи мага-боттуг бооп чедип келген, Ооң чөптүг-шынныын Сүлде көргүскен, Ону дээрниң төлээлери көрген, Ооң дугайында Буянныг Медээни элчиннер аймак-чоннарга суртаалдаан, бо делегейниң улузу Аңаа бүзүрей берген база Ол Бодунуң өндүр бедиин көргүзүп, дээрже көдүрлүп үне берген.

Еврейлерге 4:15

Бурганның бисте бар дээди бараалгакчызы кошкак талаларывысче ээ көрүнмейн баар хире эвес Кижи. Ол, бис ышкаш, бүгү тала-биле күткүлгеге алзып турган, ынчалза-даа бачыт үүлгетпээн.