Левит 9:4 - Ыдыктыг Библия

⁴ Эп-найырал өргүлү болур буга биле кошкарны база үс-биле холаан далган-тараа өргүлүн эккелгеш, Дээрги-Чаяакчыга өргүңер, чүге дээрге Ол бөгүн силерге кээп көстүр-дүр“».

Левит 9:4 Iomraidhean Croise

Хосталыышкын 16:10

Аарон бүгү израиль ниитилелге ону чугаалап турда, улус ээн кургаг ховуже углай көрнүп кээрге, Дээрги-Чаяакчының чайынналчак чырыы булутта чырып келген.

Хосталыышкын 19:11

соңгузу хүн болур чүвеге белен болзуннар, чүге дээрге Мен ол хүн, бүгү чон көрүп турда, Синай дагже дүжүп кээр мен.

Хосталыышкын 24:16

Дээрги-Чаяакчының чайынналчак чырыы Синай дагже дүжүп келген; булут дагны алды хүн дургузунда шыва ап келген, а чедиги хүнде Дээрги-Чаяакчы булут аразындан Моисейни кый дээн.

Хосталыышкын 29:43

Мен аңаа израиль чон-биле ужуражыр мен – ол чер Мээң алдарымдан ыдыкталы бээр.

Иезекиил 43:2

Көөрүмге, Израильдиң Бурганының өндүр чырыы чөөн чүктен кел чытты. Ооң үнү шапкын агым сугнуң коолааны дег болду, Ооң өндүр чырыы чер кырын херелдендир чырыдыпты.

Иезекиил 43:27

Чеди хүн эрте бээрге, сески хүнден эгелеп база оон-даа ыңай Бурганның бараалгакчылары өргүл бедигээжинге силерниң бүрүн өрттедир болгаш эп-найырал өргүлдериңерни салып эгелээр. Ынчан силер Мээң сеткилимге тааржыр апаар силер». Дээрги-Бурган-Чаяакчының медеглээн чүвези ол-дур.

Левит 2:1

«Кандыг-бир кижи далган-тараазын Дээрги-Чаяакчыга өргүл кылдыр салып турар болза, ооң өргүлү эң шынарлыг кызыл-тас далганындан болзун; ол кижи далганынче олива үзүн кутсун база ладан дээр чаагай чыттыг чукту салзын.

Левит 3:1

«Бир эвес кандыг-бир кижи эп-найырал өргүлү салып, бода малын өргүп турар болза, четпес-дудуу эвес эр азы кыс бодазын Дээрги-Чаяакчыга эккелзин.

Левит 9:23

Оон Моисей биле Аарон Ужуражылга майгынынче кире берген, а үнүп келгеш, чонну алгап-йөрээп каан. Ынчан Дээрги-Чаяакчының өндүр чырыы бүгү чонга чырып келген.

Левит 9:3

Израиль чонга мону чугаала: „Бачыт дээш өргүл болур дүктүгүр хунаны, бүрүн өрттедир өргүл болур, четпес-дудуу эвес бир хар назылыг молдурга биле хураганны эккелиңер.

Левит 9:5

Улус Моисейниң: «Эккелиңер!» – деп дужааган чүвезин Ужуражылга майгынының чанынга эккелген. Бүгү чон чедип келгеш, Дээрги-Чаяакчының мурнунга туруп алган.

Левит 9:6

Моисей оларга: «Ол бүгүнү Дээрги-Чаяакчының айтыышкынын ёзугаар кылыңар, ынчан Дээрги-Чаяакчының чайынналчак чырыы силерге чырып кээр» – деп чугаалаан.

Саннар 14:10

Бүгү ниитилел: «Бо ийи кижини даштар-биле соп кааптар-дыр!» – дей берген. Ынчалза-даа Дээрги-Чаяакчының өндүр чырыы израиль чонга Ужуражылга майгынының кырынга чырып көстүп келген.

Саннар 16:19

Корах бүгү израиль ниитилелди майгынче кирер чер чанынга оларга удур чыыпкан. Дээрги-Чаяакчының өндүр чырыы бүгү чонга көстүп келген.