Левит 7:2 - Ыдыктыг Библия

² Ол өргүлдү бүрүн өрттедир өргүл дөгерер черге дөгерер херек. Бурганның бараалгакчызы ооң ханын өргүл салыр бедигээштиң бүгү талаларынче төпсүн.

Левит 7:2 Iomraidhean Croise

Исайя 52:15

Ол шак-ла ынчаар хөй чоннарны ам кайгадыр, хааннар безин ооң мурнунга аксын хаап аар. Чүге дээрге олар кымның-даа оларга медеглел кылбаан чүвезин көрүп каар, дыңнап көрбээн чүвезин билип аар».

Иезекиил 36:25

Силерни арыглаашкын суу-биле бызай чажарымга, арыгланы бээр силер; бүгү бужар чорууңардан, бүгү дүрзү-бурганнарыңардан арыглап каар мен.

Иезекиил 40:39

Хаалганың серилиг чериниң ийи талазында ийи-ийи ширээ бар, аңаа бүрүн өрттедир өргүл, бачыт дээш өргүл болгаш кем-буруу дээш өргүл малдары дөгерер турган чүве-дир.

Левит 1:11

Ооң соонда өргээн малын Дээрги-Чаяакчының мурнунга, өргүл бедигээжиниң соңгу талазынга дөгерзин, а Аароннуң оолдары – Бурганның бараалгакчылары ооң ханын өргүл салыр бедигээштиң бүгү талаларынче төпсүн.

Левит 1:3

Бир эвес ол кижиниң өргүлү бүрүн өрттедир өргүл, а салыр малы – бода мал болур болза, четпес-дудуу эвес эр малын эккеп салзын. Дээрги-Чаяакчыга таарымчалыг болзун дээш, Ужуражылга майгынынче кирер черже малын сүрүп эккелзин.

Левит 1:5

Демги кижи Дээрги-Чаяакчының мурнунга бода малын дөгерзин, а Аароннуң оолдары – Бурганның бараалгакчылары малдың ханын дозуп эккелгеш, Ужуражылга майгынынче кирер черде турар өргүл салыр бедигээштиң бүгү талаларынче төпсүн.

Левит 14:13

Оон эр хураганны бачыт дээш өргүлдү база бүрүн өрттедир өргүлдү дөгерер ыдыктыг черге дөгерзин. Бачыт дээш өргүл ышкаш, кем-буруу дээш өргүл Бурганның бараалгакчызыныы болур: аажок ыдыктыг өргүл ол-дур.

Левит 3:2

Оон бодунуң холун өргүп турар малының бажынга салгаш, ону Ужуражылга майгынынче кирер чер чанынга дөгерзин, а Аароннуң оолдары – Бурганның бараалгакчылары малдың ханын өргүл салыр бедигээштиң бүгү талаларынче төпсүн.

Левит 3:8

холун өргүлүнүң бажынга салгаш, Ужуражылга майгынының мурнунга дөгерзин, а Аароннуң оолдары малдың ханын өргүл салыр бедигээштиң бүгү талаларынче төпсүн.

Левит 4:24

Оон хунаның бажынга холун салзын база ону бүрүн өрттедир өргүлдү дөгерер черге, Дээрги-Чаяакчының мурнунга дөгерзин: бачыт дээш өргүл ол-дур.

Левит 4:29

Оон холун өргүлүнүң бажынга салзын база бүрүн өрттедир өргүлдү дөгерер черге бачыт дээш өргүлдүң өшкүзүн дөгерзин.

Левит 4:33

Ол кижи холун өргүлүнүң бажынга салзын база бүрүн өрттедир өргүлдү дөгерер черге хоюн бачыт дээш өргүл болу бээр кылдыр дөгерзин.

Левит 5:16

Ыдыктыг чүүлдерге чедирген когаралы дээш, демги кижи ооң өртээн төлээш, өртектиң бештиң бирин база немей бергеш, Бурганның бараалгакчызынга хүлээдир ужурлуг. А Бурганның бараалгакчызы кем-буруу дээш өргүлдүң кошкарын өргээш, демги кижини арыглаарга, ол кижи Бурганның өршээлин алыр.

Левит 5:7

А бир эвес ол кижиниң шээр мал эккеп салыр харык-шинээ чок болза, бачыды дээш буруузун билингениниң өргүлү кылдыр Дээрги-Чаяакчыга ийи көге-буганы азы ийи көгээзинни эккеп салзын: бирээзи бачыт дээш өргүл, а өскези – бүрүн өрттедир өргүл болзун.

Левит 5:9

Оон ол өргүлдүң ханындан өргүл салыр бедигээштиң ханазынче бызай чашсын, а арткан ханны өргүл бедигээжиниң дөжээнче төпсүн: бачыт дээш өргүл ол-дур.

Левит 6:25

«Ааронга болгаш ооң оолдарынга мону чугаала. Бачыт дээш өргүл дугайында дүрүм-хоойлу мындыг болур: ону Дээрги-Чаяакчының мурнунга, бүрүн өрттедир өргүл дөгерер черге дөгерер херек; аажок ыдыктыг өргүл ол-дур.

Левит 6:7

А Бурганның бараалгакчызы ону арыглаарга, демги кижи кылган бүгү-ле шак ол кем-буруулуг херектери дээш өршээлди алыр».

Саннар 6:12

Демги кижи бодун Дээрги-Чаяакчыга бараалгадып, назорей болган хуусаазын катап эгелеп алгаш, кем-буруу дээш өргүл кылдыр бир харлыг эр хураганны эккеп салыр ужурлуг; а биеэги хуусаа хилис барган, чүге дээрге ооң баштай назорей бооп аңгыланганы бужар апарган-дыр.

Еврейлерге 11:28

Бүзүрели-биле ол, израильчилерниң дун оолдарын дээрниң хыдыкчы төлээзи өлүрбезин дээш, эжик кастыңнарын хан-биле чаап кааш, Хосталыышкын байырлалын демдеглеп эрттирген.

Еврейлерге 12:24

Чаа чагыг-керээниң Дугуруштурукчузу Иисуска база Авелдиң ханындан артык эки чугаалап турар бызай чашкан ханга чеде берген-дир силер.

1 Пётр 1:2

Силерни Бурган Ада Бодунуң баш бурунгаар көрген сорулгазын ёзугаар Сүлдезин дамчыштыр ыдыктап, Иисус Христоска чагыртсыннар база Ооң ханы-биле бызай чаштынып арыгланзыннар дээш аңгылап үскен болгай. Авырал болгаш амыр-тайбың силерге эң-не элбээ-биле доктаазын!