Левит 7:13 - Ыдыктыг Библия

¹³ А оон ыңай өөрүп четтириишкин өргүлү-биле кады ажыткылыг хлебти база эккеп салыр ужурлуг.

Левит 7:13 Iomraidhean Croise

Иеремия 33:11

өөрүшкү биле хөглээшкин үнү, күдээ оол биле келин кыстың үнү дыңналыр! Бо черге Дээрги-Чаяакчының өргээзинге өөрүп четтириишкин өргүлдери кылган улустуң: „Аг-шериглиг Дээрги-Чаяакчыга өөрүп четтириңер, Ол ачылыг-дыр, Ооң энерели кезээ шагда үстүп төнмес-тир!“ – деп алгырган үнү дыңналыр. Чүге дээрге Мен бо черниң чурттакчыларынга эки чолду эгидер мен, бүгү чүве биеэде турганы ышкаш апаар». Дээрги-Чаяакчының чугаалаан чүвези ол-дур.

Левит 2:12

Оларны баштайгы дүжүттүң өргүлү кылдыр Дээрги-Чаяакчыга эккеп болур силер, ынчалза-даа Дээрги-Чаяакчыга таарымчалыг чаагай чыттыг ыш болзун дээш өргүл бедигээжинге өрттетпеңер.

Левит 23:17

Чурттап турар аал-ораныңардан Дээрги-Чаяакчыга онза өргүл кылдыр ийи хлебти бараалгадып эккелиңер. Шак ол хлебти бир эфаның оннуң ийизи ишти далганны ажыткы-биле хөөткеш, быжырар ужурлуг силер. Ол дээрге Дээрги-Чаяакчыга салган баштайгы дүжүттүң өргүлү-дүр.

Левит 23:18

Ооң соонда хлебтен аңгыда, чеди баш четпес-дудуу эвес бир харлыг эр хураганны, бир бугажыкты база ийи кошкарны эккелиңер. Олар Дээрги-Чаяакчыга салган бүрүн өрттедир өргүлдер болзун. А ол ышкаш далган-тараа өргүлү болгаш арага өргүлүн Дээрги-Чаяакчыга таарымчалыг чаагай чыттыг өргүл кылдыр эккеп салыңар.

Амос 4:5

Израильчилер, ажыткылыг безин далган-тарааны өөрүп четтириишкин өргүлү кылдыр эккеп салыңар-ла, боттарыңарның эки тура-биле салып турар өргүлдериңер дугайында медээлеңер-ле, оларны салганыңар дугайында ыыткыр чарлаңар-ла. Ынчаар кылырынга ынак эвес ийик силер бе?» Дээрги-Бурган-Чаяакчының медеглээн чүвези ол-дур.

Матфей 13:33

Иисус оларга база бир угаадыглыг чугаа чугаалаан: «Дээрниң Чагыргазы херээжен кижиниң дыка хөй далганга холааш, бүгү далган хөөй бергижеге чедир булгап турары ажыткыга дөмей-дир».

1 Тимофейге 4:4

Бурганның бүгү чаяалгазы эки болганда, өөрүп четтирип хүлээп ап турар кандыг-даа чүүлдерден ойталаан херээ чок.