Левит 6:2 - Ыдыктыг Библия

^2-3 «Кандыг-бир кижи Дээрги-Чаяакчының мурнунга бачыт үүлгедип, кемниг херек кылып, өске кижиниң бүзүрелин шын эвес ажыглап, аңаа шыгжадып каан азы түр када ажыглаары-биле берип каан чүвезин „албадым“ деп мегелээн, азы оорланган, азы өске кижиниң чүвезин хунаап алган, азы улустуң чидирген чүвезин тып алгаш, меге даңгырак берип, чугаалаваан дижик. Шак ындыг хевирлиг кемниг херектер кылыр болза,

Левит 6:2 Iomraidhean Croise

Эге дөс 26:7

Тус черниң чурттакчылары оон Ревекканың дугайын айтырарга, ол: «Дуңмам-дыр» – дээр турган. Ревекка чараш боорга, улус мени кадайым дээш өлүрүп кааптар ирги бе деп сезингеш, «кадайым-дыр» дээринден ол корткан.

Ырлар 51:4

Сээң аксы-дылың меңээ айыыл-халап белеткеп турар-дыр, сээң кара сагыштыг дылың чидиг хылыш дег-дир.

Чугаалар 24:28

Өске кижиге удур хоозун херечилел кылба, аас-сөзүңден меге үнмезин.

Исайя 21:2

Түрлүг көстүүшкүннү Дээрги-Чаяакчы менче чоруткан чүве: «Өскерликчи өскерлип турар, хоозурадыкчы үптеп-хоозурадып турар. Элам, хоорайже халда! Мидия, хоорайны бүзээле! Мен ам бүгү уё-човуурну төндүрейн!»

Исайя 24:16

Чер-делегейниң ужу-кыдыындан: «Чөптүг Бурганга алдар!» – деп ырлажырын дыңнаар бис. А мен: «Өлдүм-читтим, өлдүм-читтим! Ат болдум! Өскерликчилер өскерлип тур! Олар өскерликчи ёзу-биле өскерлип тур!» – дидим.

Исайя 33:1

Узуткаашкынга таварышпаан узуткакчы, ат болур сен! Өскерлиишкинге таварышпаан өскерликчи, ат болур сен! Узуткаашкын кылганың соонда, сени база узуткап каар; өскерлиишкин кылганың соонда, улус сеңээ база өскерлир.

Иеремия 9:5

Кижи бүрүзү бодунуң кожазын мегелээр, кым-даа шынны чугаалавас, аксы-дылын мегелеп чугаалаары-биле мергежидип алгаш, бүгү күжүн бузутка берип турар.

Иезекиил 40:46

А соңгу чүкче көрүнген өрээл өргүл салыр бедигээш чанында бараан болуп турар бараалгакчыларга хамааржыр. Ол бараалгакчылар дээрге Садоктуң салгалы-дыр; Левийниң салгалындан чүгле оларга Дээрги-Чаяакчыга бараан болуп, Олче чоокшулаарын чөпшээрээн» – дээн.

Левит 1:3

Бир эвес ол кижиниң өргүлү бүрүн өрттедир өргүл, а салыр малы – бода мал болур болза, четпес-дудуу эвес эр малын эккеп салзын. Дээрги-Чаяакчыга таарымчалыг болзун дээш, Ужуражылга майгынынче кирер черже малын сүрүп эккелзин.

Левит 19:11

Оорланмаңар, шын эвес чүүл чугаалаваңар база бот-боттарыңарны мегелевеңер.

Левит 5:15

«Кандыг-бир кижи частырыг кылып бачыт үүлгеткеш, Дээрги-Чаяакчыга бараалгадыр ужурлуг ыдыктыг чүүлдерин бараалгатпайн барган дижик. Ол кижи кем-буруузу дээш өргүл кылдыр шээр малындан четпес-дудуу эвес кошкарны Дээрги-Чаяакчыга эккеп салзын. Кошкарның өртээн ыдыктыг черге ажыглаар мөңгүн шекелге тодаратсын.

Левит 5:19

Демги кижиниң Дээрги-Чаяакчының мурнунга буруудаан кем-буруузу дээш салыр өргүлү ол-дур».

Левит 6:1

Дээрги-Чаяакчы Моисейге мынча деп чугаалаан:

Амос 8:5

Силер дээрге: „Кажан-на ай чаазының байырлалы эртип, далган-тараа садар аргалыг боор бис; кажан-на амыр-дыш хүнү төне берип, аңмаарларны ажыткаш, хемчээр саваны бичииледип, өртектерни улгаттыргаш, шын эвес деңзи шойлары-биле улус мегелээр аргалыг боор бис?

Аввакум 1:13

Сээң арыг карактарыңга кемниг үүлгедиглерже көөрү таарышпас, улустуң базындырыышкынынче анаа көрүп шыдавас сен. А чүге-ле кара сагыштыг улусче анаа көрүп турар сен, бодундан чөптүг-шынныг кижини бузуттуг кижи сыыра бээрге, чүге ыыт чок хайгаарап турар сен?

Иоанн 8:44

Силерниң адаңар – эрлик-тир, ынчангаш силер бодуңарның адаңарның күзээн-не чүвезин күүседирин бодаар-дыр силер. А ол эгезинден-ле кижи өлүрүкчүзү чораан база алыс шынны хүлээп көрбейн келген, чүге дээрге ооң бодунда алыс шын чок. Ол мегелей бергеш, бодунуң төрээн дылынга чугаалап турары ол, чүге дээрге ол боду мегечи-дир база нүгүл-мегениң адазы-дыр.

Ажыл-чорудулга 5:4

Ээлел чериң, ону садар бетинде, сээңии турбаан чүве бе? Садыпкаш, алган акшаң база сээңии эвес чүве бе? Ынчаар кылырын чүге бодап алдың? Сен улусту эвес, а Бурганны мегелээн-дир сен».

Эфесчилерге 4:25

Ынчангаш мегеден ойталаңар, шуптуңар бот-боттарыңарга шынны чугаалаңар, чүге дээрге бис шупту Христостуң мага-бодунуң кезектери-дир бис.

Колосчуларга 3:9

Бот-боттарыңарны мегелевеңер, чүге дээрге биеэги бүдүжүңерни ооң бүгү үүлгедиглери-биле адыра сивирип каапкаш,

Ажыдыышкын 22:15

А хоорай даштынга бужартап будалганнар, караң көрнүрлер, самыырааннар, өлүрүкчүлер, дүрзү-бурганга чүдүүрлер болгаш мегеге ынакшып, ооң аайы-биле кылып турар улус артып каарлар.