Левит 4:4 - Ыдыктыг Библия

⁴ Бурганның дээди бараалгакчызы бугажыкты Ужуражылга майгынынче кирер черге, Дээрги-Чаяакчының мурнунга эккелзин, холун ооң бажынга салзын. Оон бугажыкты Дээрги-Чаяакчының мурнунга дөгерзин.

Левит 4:4 Iomraidhean Croise

2 Чылдар 29:23

А бачыт дээш өргүл болур хуналарны хаанның база чыылган чоннуң мурнунга эккеп тургузуп каарга, олар холдарын малдарже салган.

Исайя 53:6

Бис шупту хойлар ышкаш азып, кижи бүрүзү бодунуң оруу-биле тоо быдарай берген турган бис, а Дээрги-Чаяакчы ону бистиң шуптувустуң бачыттарывыс дээш кезеткен.

Даниил 9:26

Кажан алдан ийи катап чеди чыл эртерге, чагдырткан Чагырыкчыны чок кылыр, ооң чүзү-даа артпас. Хоорай-даа, ыдыктыг өргээ-даа чедип кээр өске чагырыкчының чонунга үптеттирер. Ооң төнчүзү үерге алысканы-биле дөмей; төнчүге чедир дайын болгаш баш бурунгаар доктааттынган хоозураашкыннар болур.

Левит 16:21

Ол ооң соонда ийи холун хунаның бажынга салып, ооң кырынга израиль чоннуң бүгү кем-буруузун, бузуттарын болгаш бачыттарын ажыы-биле миннип чугаалааш база хунаже чая каапкаш, ону айбычы кижиге сүрдүргеш, ээн кургаг ховуже чорудупсун.

Левит 4:15

Оон ниитилелдиң баштыңнары Дээрги-Чаяакчының мурнунга холдарын бугажыктың бажынга салзын база ону дөгерзин.

Левит 4:29

Оон холун өргүлүнүң бажынга салзын база бүрүн өрттедир өргүлдү дөгерер черге бачыт дээш өргүлдүң өшкүзүн дөгерзин.

Левит 8:14

Моисей бачыт дээш өргүл болур бугажыкты эккелген, а Аарон болгаш ооң оолдары бугажыктың бажынче холдарын салган.

Саннар 8:12

Левиттер холдарын бугажыктарның бажынга салзын; бир бугажык – Дээрги-Чаяакчыга салган бачыт дээш өргүл, өскези – бүрүн өрттедир өргүл болур. Ол өргүлдер левиттерни арыглап каар.

1 Пётр 3:18

Чүге дээрге Христос, бистиң бачыттарывыс дээш, чаңгыс удаа хилинчек көрген болгай. Ол, кем чок Боду, кем-буруулуг улустуң орнунга, силерни Бурганче эккээр дээш, хилинчек көрген. Ооң мага-бодун өлүрүп кагза-даа, Сүлдези-биле Ол тынгарлып келген.