Левит 4:10 - Ыдыктыг Библия

¹⁰ Эп-найырал өргүлүнге салган бугадан ол бүгүнү аңгылап уштуру ышкаш кылзын. Оон Бурганның бараалгакчызы ол чагларны өргүл салыр бедигээшке өрттетсин.

Левит 4:10 Iomraidhean Croise

Левит 3:3

Ооң соонда ол кижи эп-найырал өргүлүнден ижин-хырын чаан, малдың иштинде хамык чагны отка өрттедири-биле салзын.

Левит 4:11

А бугажыктың арткан бүгү кезектерин: кежин, хамык эъдин, бажын болгаш чодаларын база ишти-хырнын чини-биле катай чоннуң турлааның даштында хүл төгер арыг черже үндүре берзин, оон ыяштарга чада салгаш, өрттетсин. Бугажыкты хүл төгер черге өрттедир болзун».

Левит 4:9

Оон ыңай ийи бүүректи чаа-биле катай болгаш оорга чаан база баарның эът-чаглыг кезээн – ол бүгүнү бүүректер-биле кады – аңгылап ужулзун.