Левит 27:3 - Ыдыктыг Библия

^3-7 Дээрги-Чаяакчыга бараалгадып, ыдыктаан кижини дедир хостаар дизиңзе, доктааткан өртекти: чээрбиден алдан хар чедир назылыг эр кижи дээш – бежен мөңгүн ыдыктыг шекелди; херээжен кижи дээш – үжен шекелди; бештен чээрби хар чедир назылыг улус болза, эр кижи дээш – чээрби шекелди, а кыс кижи дээш – он шекелди; бир айдан беш хар чедир назылыг улус болза, эр кижи дээш – беш шекелди, а кыс кижи дээш – үш шекелди; алдан хардан улуг назылыг улус болза, эр кижи дээш – он беш шекелди, а херээжен кижи дээш – он шекелди төлээр ужурлуг сен.

Левит 27:3 Iomraidhean Croise

4 Хааннар 12:4

Бурганның бараалгакчыларынга Иоас: «Дээрги-Чаяакчының өргээзинче ыдыктыг өргүл кылдыр эккеп турар бүгү акша-мөңгүннү – үндүрүг төлээн-даа, улустуң эки туразы-биле бергени-даа акша-мөңгүнүн чыып калыңар.

Хосталыышкын 30:13

Чизелээшкинче кирип турар эр кижи бүрүзү ыдыктыг черге ажыглаар мөңгүн шекелдиң чартыын төлезин. (А мөңгүн шекелдиң деңзизи чээрби герага деңнежир турган.) Ол чартык шекел дээрге Дээрги-Чаяакчыга салган онза өргүл-дүр.

Хосталыышкын 38:24

Ыдыктыг черни тударынга ажыглаан, өргүл белээ кылдыр эккеп салган алдынның деңзизи 29 талант база 730 шекел (ыдыктыг черге ажыглаар мөңгүн шекелдиң деңзизин ёзугаар) болган.

Левит 27:14

Бир-ле кижи бодунуң бажыңын Дээрги-Чаяакчыга бараалгадып, ыдыктап турар болза, Бурганның бараалгакчызы ол бажыңның эки-багайын үнелеп көрзүн: өртээн чеже кылдыр доктаадыр-дыр, ынчалдыр болзун.

Левит 27:25

Доктааткан өртек бүрүзүн ыдыктыг шекел-биле санашсын: бир шекелдиң деңзизи чээрби герага дең болзун.

Левит 5:15

«Кандыг-бир кижи частырыг кылып бачыт үүлгеткеш, Дээрги-Чаяакчыга бараалгадыр ужурлуг ыдыктыг чүүлдерин бараалгатпайн барган дижик. Ол кижи кем-буруузу дээш өргүл кылдыр шээр малындан четпес-дудуу эвес кошкарны Дээрги-Чаяакчыга эккеп салзын. Кошкарның өртээн ыдыктыг черге ажыглаар мөңгүн шекелге тодаратсын.

Левит 6:6

Оон ол кижи Дээрги-Чаяакчыга кем-буруузу дээш өргүл кылдыр шээр малындан доктаадып каан өртек ёзугаар четпес-дудуу эвес кошкарны Бурганның бараалгакчызынга эккеп берзин.

Саннар 18:16

А олар дээш садыызы бо-дур: бир ай назылыг төл дээш доктааткан өртекти – ыдыктыг черге ажыглаар беш шекел мөңгүннү алыр сен. (Ыдыктыг шекелдиң деңзизи чээрби герага дең.)

Саннар 3:47

бир кижи дээш-ле беш шекел мөңгүнден чыып аар сен – ыдыктыг черге ажыглаар шекелди ажыглап, деңзиле. (Бир шекелдиң деңзизи чээрби герага дең болур.)