Левит 26:6 - Ыдыктыг Библия

⁶ Мен силерниң чуртуңарга амыр-тайбыңны тургузар мен; удуп чыдып аарыңарга, силерни коргудуп-дүвүредир кым-даа турбас, айыылдыг аңнарны чер-чуртуңардан үндүр сывырар мен база дайзынның аг-шерии чуртуңар таварып эртпес.

Левит 26:6 Iomraidhean Croise

4 Хааннар 2:24

Ол эргилип келгеш, оларже көргеш, Дээрги-Чаяакчының ады-биле каргап каан. Арыгдан ийи кыс адыг үнүп келгеш, оолдарның аразындан дөртен ийизин үзерлеп каапкан.

1 Чылдар 22:9

Ындыг-даа болза, сенден төрүттүнген оол тайбың кижи болур, Мен долгандыр турар дайзыннардан ону адырып, аңаа амыр-дыш хайырлаар мен. Ооң ады Соломон болур. Ооң хааннаашкынының үезинде Израильге тайбың болгаш оожургалды хайырлаар мен.

2 Чылдар 20:30

А Иосафаттың күрүнези тайбыңчыраан, чүге дээрге ооң Бурганы аңаа чүк-чүгүнден амыр-дышты хайырлаан.

Иов 11:19

Дыштанып чыдар сен – кым-даа сеңээ кыжанмас; хөй-ле улус сээң ээ көрнүүшкүнүң дилээр.

Иов 5:23

шөлде даштар-биле тайбың керээзи чарар сен, черлик аң-мең сээң-биле эп-найырал тудар.

Ырлар 144:14

Кээп ужуп чыдар бүгү улуска Дээрги-Чаяакчы чөленгииш болур, бүшкүйтүр бастырган бүгү улусту дорттай хөндүрер. ע (айин)

Ырлар 29:11

Дээрги-Чаяакчы, мени дыңнап, ээ көрүнем! Дээрги-Чаяакчы, меңээ дузаң көргүзем!»

Ырлар 3:5

Дээрги-Чаяакчыны кыйгырып тур мен – Бодунуң ыдык даанда Ол мени дыңнап турар. Сэла

Ырлар 4:8

А Сен мээң чүрээмни ындыг улустуң аъш-чем, арага-дары көвүдээн дээш өөрүшкүзүнден артык улуг өөрүшкү-биле бүргедиң.

Ырлар 85:8

Дээрги, бурганнар аразында Сен дег кым-даа чок, Сээңии дег ажыл-херектер база чок.

Хосталыышкын 23:29

Сээң мурнуңдан ол чоннарны чаңгыс эвес чыл дургузунда чоорту үндүр сывырар мен, оон башка чер ээнзиреп, шөлдерге черлик аң-мең өзүп-көвүдээш, сеңээ айыылдыг апаар.

Чугаалар 3:24

Чүден-даа кортпайн, удуп чыдып аар сен, а удаан уйгуң – тааланчыг боор.

Чугаалар 6:22

Олар сени кылаштап чоруңда – эдертир, удуп чыдып аарыңга – кадагалаар, оттуп кээриңге – сеңээ сүме кадар.

Исайя 35:8

Ол черлеп делгем орук шөйлүр, ону Ыдыктыг орук деп адаар. Арыг эвес улус ол оруктап чорбас. Бодал чок кижи безин ол оруктап чоруур болза, аспас.

Исайя 35:9

Аңаа арзылаң көзүлбес, араатан аң-мең олап чорбас – олар аңаа турбас! А хостаткан улус олап чоруур,

Исайя 45:7

Мен чырыкты бар болдуруп, дүмбей караңгыны чаяап турар мен, чаагай чорукту хайырлап, айыыл-халапты боттандырып турар мен. Ол бүгүнү Мен, Дээрги-Чаяакчы, кылып турар мен!

Исайя 9:7

Ооң эрге-чагыргазы база хайырлаар амыр-тайбыңы кызыгаар чок көвүдээр. Ол Давид хаанның дүжүлгезинге саадап, ооң күрүнезин чагырып, ону шын шииткел болгаш чөптүг чорук-биле амдыгааштан эгелээш, кезээ мөңгеде доктаадып, быжыглаар. Аг-шериглиг Дээрги-Чаяакчының күштүг күзели ол бүгүнү боттандырар!

Иеремия 30:10

А сен, Мээң чалчам Иаков, кортпа – деп, Дээрги-Чаяакчы медеглээн, – Израиль, сүрээдеве! Мен сени камгалап, ырак чурттан дедир эккээр мен, үре-салгалыңны – туттуруушкунда турары чурттан дедир чандырар мен. Иаков ээп келгеш, хостуг-шөлээн, амыр-тайбың чурттаар, ону кым-даа коргудуп-дүвүретпес.

Иеремия 31:26

Ынчан мен одунгаш, карактарым көрүп келдим. Удуп чыткан үем тааланчыг болду.

Иезекиил 14:15

Азы Мен бо чуртче, ону хоозурадыр дээш, черлик аң-араатаннар ыдыптарымга, ол чурттакчы чок арткан дижик. Аң-араатанныг боорга, кым-даа ону таварып эртип шыдавас ийик.

Иезекиил 14:17

Азы Мен бо чуртче хылыш ыткаш: „Хылыш, бо черни таварып эрткеш, ында турар улусту, мал-маганны узуткап каг!“ – дээн дижик мен.

Иезекиил 14:21

Дээрги-Бурган-Чаяакчы мынча дээн: «Кажан Мен Иерусалимде улусту, мал-маганны узуткап каар дээш, олче дөрт шаажылал: дайын-чаа, аш-чут, аң-араатан болгаш хамчык аарыг ыдыптар болзумза, кайы хире берге боор деп!

Иезекиил 34:25

Мен кодан хоюм-биле эп-найырал керээзи чаргаш, хойлар хову-шөлге айыыл чок чурттазын дээш, арга-арыгга айыыл чок удузун дээш, бо черден хоралыг аң-араатанны үндүр сывырыптар мен.

Иезекиил 34:27

Шөлде ыяштар чимизин бээр, чер дүжүдүн бээр; Мээң коданым бодунуң черинге айыыл чок чурттаар. Оларның мойнунда хомудун буза шапкаш, кулданып алганнарның холундан оларны хостаар мен.

Иезекиил 5:17

Мен сенче аш-чутту база аң-араатанны ыдар мен, олар сээң ажы-төлүңнү чок кылып каар. Хамчык аарыг болгаш өлүм-чидим сени таварып эртер, Мен сенче дайын-чааны ыдар мен. Мен, Дээрги-Чаяакчы, ону чугааладым».

Осия 2:18

Ол хүн кээрге, Мен израиль чон-биле черлик аң-меңниң, дээрниң куштарының, черде соястаан амытаннарның аразынга эп-найырал керээзин чарар мен; ча-согунну сыйып, сээң чериңге чаа-дайынны узуткап кааш, айыыл чок чуртталганы сеңээ бээр мен.

Осия 2:20

Бердингенимни көргүзүп, сени Бодум-биле дүгдеп аар мен, Дээрги-Чаяакчыны билген турар сен.

Левит 25:18

Мээң дүрүмнеримни күүседиңер, хоойлуларымны сагыңар база күүседиңер, ынчан чериңерге сагыш амыр чурттаар силер.

Левит 25:19

Чер силерге элбек дүжүттү бээрге, аъш-чемиңер четчир боор, чериңер кырынга сагыш амыр чурттаар силер.

Левит 26:22

Ынчан силерже черлик аң-араатаннарны салыптар мен. Олар ажы-төлүңерни тудуп алгаш баар, мал-маганыңарны кырып чиптер, силерни эвээжедир узуткап кааптар, оруктарыңар ээнзирей бээр!

Левит 26:25

Чагыг-керээмни үрээниңер дээш, өжээн негээр аг-шеригни силерже ыдар мен. Ынчан хоорайларыңарже чаштына бээр силер, ынчалза-даа силерниң араңарга аарыг-аржыкты нептередиптеримге, дайзынның холунче кире бээр силер.

Левит 26:7

Дайзыннарыңарны үндүр сывырар силер; оларны хылыш-биле кыргып-хыдып узуткаар силер.

Михей 4:4

Кижи бүрүзү бодунуң виноградын, бодунуң фига ыяжын болбаазырадып, тайбың чурттаар, оларны моон соңгаар кым-даа коргудуп-дүвүретпес, чүге дээрге Аг-шериглиг Дээрги-Чаяакчы ынча деп чугаалаан болгай.

Софония 3:13

Израиль чоннуң артынчызы бузут үүлгетпес, мегелевес, оларның аксы-сөзүнде кара сагыш чок боор. Олар, хойлар ышкаш, одарлаан соонда, дыштанып чыдып аар, оларны кым-даа дүвүредип хоюспас».

Аггей 2:9

Бо өргээниң өндүр-чаагайы биеэги өргээниң өндүр-чаагайындан улгады бээр. Мен бо черге амыр-тайбыңны доктаадыр мен». Аг-шериглиг Дээрги-Чаяакчының медеглээн чүвези ол-дур.

Захария 9:10

Мен Израильде дайынчы тергелерни, Иерусалимде дайынчы аъттарны узуткап каар мен, дайынчы ча-согун база узуткаттырар. Ол хаан өске чоннарга амыр-тайбыңны медеглээр, бир далайдан өске далайга чедир, Евфрат хемден чер-делегейниң ужу-кыдыынга чедир чагырар.

Иоанн 14:27

Мен амыр-тайбыңны силерге арттырдым, силерге бээрим амыр-тайбыңым ол-дур. Бо делегейниң бээри дег эвес амыр-тайбыңны Мен силерге берип тур мен. Силерниң чүректериңер хөлзевезин, ол ышкаш кортпаңар.

Ажыл-чорудулга 12:6

Иродтуң ону чон мурнунче үндүрүп кээр деп турганы хүннүң бүдүүзүнде дүне Пётр ийи илчирбе-биле демирледип алгаш, ийи шериг аразынга удуп чыткан, а кара-бажыңның эжиин таңныылдар кадарып турган.

Римчилерге 5:1

Бүзүреливистиң ачызында агартырган болгаш, Дээргивис Иисус Христосту дамчыштыр Бурган-биле эп-найыралдыг бис.