Левит 26:5 - Ыдыктыг Библия

⁵ Виноград чыылдазынга чедир элбек дүжүдүңер бастырарын, а тарылга үезинге чедир элбек виноградыңар чыырын уламчылаар силер. Аъш-чемиңерни тоттур чип, чер-чуртуңарга сагыш амыр чурттаар силер.

Левит 26:5 Iomraidhean Croise

Ырлар 144:13

Сээң Чагыргаң кезээ мөңгеде турар, кижи төрелгетенниң бүгү салгалдарын хааннаар сен. נ (нун) Дээрги-Чаяакчының чугаалааны бүгү сөстерге бүзүреп боор, Ол Бодунуң чаяап кааны бүгү чүүлдеринге энерелдиг. ס (самех)

Ырлар 90:1

Дээди Өрүкү Бурганның чаглааның адаанда чурттап турар болзуңза, Күчүлүг Бурганның хөлегезинде дыштанып турар болзуңза,

Хосталыышкын 16:8

Моисей: «Дээрги-Чаяакчы силерниң Олче хомудап, хыйланганыңарны дыңнап каан-дыр, ынчангаш Ол силерге аъш-чем кылдыр эътти кежээ бээр-дир, а эртен далган-тарааны тоттур бээр-дир. А бисте чүү боор, биске эвес, Дээрги-Чаяакчыга хомудап, хыйланганыңар ол-дур» – деп немей чугаалаан.

Чугаалар 1:33

А мени тооп дыңнап турар кижи кандыг-даа бузуттан кортпайн, айыылга таварышпайн, амыр-шөлээн амыдыраар».

Чугаалар 18:10

Ажылынга чалгаа кижи – үрегдекчиниң дуңмазы.

Исайя 1:19

Бир эвес эки тураңар-биле Мени тооп дыңнаар болзуңарза, черниң кежиктерин четтирер силер,

Исайя 30:23

Силерниң черже чашкан үрезиниңерже Бурган чаъс чагдырар. Черниң беримче-дүжүдү элбек, чаагай болур. Ол хүн силерниң мал-маганыңар делгем одар-белчиирге оъттаар.

Иеремия 23:6

Ооң чагырар үези кээрге, Иудея камгалал алыр, Израиль айыыл чок чурттаар. Ол хаанга „Яхве-Седкену“ деп ат тыпсыр.

Осия 2:18

Ол хүн кээрге, Мен израиль чон-биле черлик аң-меңниң, дээрниң куштарының, черде соястаан амытаннарның аразынга эп-найырал керээзин чарар мен; ча-согунну сыйып, сээң чериңге чаа-дайынны узуткап кааш, айыыл чок чуртталганы сеңээ бээр мен.

Осия 2:20

Бердингенимни көргүзүп, сени Бодум-биле дүгдеп аар мен, Дээрги-Чаяакчыны билген турар сен.

Иоил 2:19

Дээрги-Чаяакчы Бодунуң чонунга мынча деп харыылаар: «Мен силерже далган-тараа, чаа арага болгаш олива үзү чорудуп бээр мен – ол бүгү-биле тодар силер, моон соңгаар өске чоннарга силерни бак сөглетпес мен.

Иоил 2:22

Черлик дириг амытаннар, кортпаңар, чүге дээрге хову-шөлдерде одар-белчиирлер ногаарара берген-дир, ыяштар чимизин берип турар-дыр, фига ыяжы биле виноград сывы элбек дүжүт берип турар-дыр.

Иоил 2:26

Пөккүже чемненип, тода бээр силер, Бурганыңар Дээрги-Чаяакчының адын алдаржыдар силер. Мен силерни бодааш, кайгамчык чүүлдү кылдым, Мээң чонум моон соңгаар кажанда-даа бак атка кирбес.

Амос 9:13

«Дүжүттүң хөйүнден ону чыып безин четтикпейн баар, элбек үнгенинден виноградты арага кылдыр хуулдуруп четтикпейн баар үе кээр – деп, Дээрги-Чаяакчы медеглээн, – ынчан виноград чулуу даглардан сыстып үнер, хамык тейлерден агып бадар.

Матфей 23:37

«О, Иерусалим, Иерусалим! Бурганның медээчилерин өлүрүп турар база сенче чорутканнарны даш-биле соккулап каар хоорай! Куштуң бодунуң чаш төлдерин чалгынының адаанга чыып аары дег, Мен чеже катап Иерусалимниң чурттакчыларын чыып аарын күзедим, ынчалза-даа силер ону күзеведиңер!

Ажыл-чорудулга 14:17

Ынчалза-даа буянныг үүлезин кылып, Бодунуң дугайында үргүлчү херечилеп келген. Ол силерге дээрден чаъсты болгаш дүжүткүр өйде дүжүттү берип, а ол ышкаш аъш-чемни силерге хайырлап база чүректериңерни өөрүшкү-биле долдуруп келген» – деп алгыржы бергеннер.

Ы. х. к. 11:15

Ол силерниң шөлүңерге мал-маганыңар чиир оът-сигенни өстүрүп бээр, силер база тоттур чиир аъш-чемниг болур силер.

1 Тимофейге 6:17

Амгы амыдыралынга бай улусту таптыг сурга: адыыргавазыннар, идегел чок эртине-байлакка ынанмазыннар, харын бистиң сеткил ханар бүгү чүүлүвүстү элбээ-биле хандырып бээр Бурганга ынанзыннар.

1 Пётр 1:5

Силер, бүзүрелиңер ачызында Бурганның күжү-биле кадагалаттынган улус, сөөлгү үе кээрге ажыттынар камгалалды алыр силер.