Левит 26:4 - Ыдыктыг Библия

⁴ Мен силерге чаъс-чаашкынны чогуур өйүнде бээр мен; ынчан чер бодунуң дүжүдүн, а шөлдерде ыяштар – чимизин бээр.

Левит 26:4 Iomraidhean Croise

3 Хааннар 17:1

Галаадта Тешви чурттуг Илия деп кижи Ахавка: «Бараан болуп турарым Израильдиң дириг Бурганы Дээрги-Чаяакчының адындан чарлап тур мен: чүгле мээң сөзүм-биле болур дээрден башка, бо каш чылда маңаа шалың-даа дүшпес, чаъс-даа чагбас» – дээн.

Иов 5:10

Бурган черже чаъс чагдырып, шөлдерни суггарып турар;

Ырлар 104:13

олар бир чондан өске чонче, бир күрүнеден өске аймактың күрүнезинче көжүп чоруп турда,

Ырлар 67:6

Өскүстерге Ада болур, дулгуяк кадайларга болчуп, чөптүг шиитпир үндүрер Бурган Бодунуң ыдыктыг өргээзинде турар.

Ырлар 67:7

Бурган чааскаанзыргай улуска өг-бүлени хайырлаар, хоругдаттырган улусту хостап, аас-кежикче үндүре бээр, а Аңаа удурланган улус дунааргай изиг ээн ховуга артып каар.

Ырлар 68:9

Ха-дуңмам аразынга өске кижи болу бердим; хан төрел улузумга хары кижи болу бердим.

Ырлар 85:12

Дээрги Бурган, Сени бүгү чүлдү-чүрээмден алгап-мактаар мен, Сээң адыңны кезээ мөңгеде алдаржыдар мен;

Ырлар 85:13

Сээң меңээ хайырлаан энерелиң өндүр улуг болгай: амы-тынымны өлүглер оранының тамызындан адырган сен.

Исайя 30:23

Силерниң черже чашкан үрезиниңерже Бурган чаъс чагдырар. Черниң беримче-дүжүдү элбек, чаагай болур. Ол хүн силерниң мал-маганыңар делгем одар-белчиирге оъттаар.

Исайя 5:6

Мен ону ээн чер кылып каар мен, артык адырларын кеспес мен, хөрзүнүн коптарбас мен, ону тенниг бок үнүш дуй үнер. Ынаар чаъс чагдырбас кылдыр булуттарга дужаар мен».

Иеремия 14:22

Өске чоннарның хоозун дүрзү-бурганнары чаъс чагдырып шыдаар бе? Дээр чайыкты боду хайырлаар бе? Дээрги-Чаяакчы Бурганывыс, Сен хайырлаар эвес сен бе? Сеңээ идегеп тур бис, чүге дээрге ол бүгүнү Сен чаяап турар болгай сен.

Иезекиил 36:30

Моон соңгаар аш-чут ужун өске чоннарга дорамчылатпас болзун дээш, ыяштарыңар чимизин база шөлдериңер дүжүдүн көвүдедип бээр мен.

Иоил 2:22

Черлик дириг амытаннар, кортпаңар, чүге дээрге хову-шөлдерде одар-белчиирлер ногаарара берген-дир, ыяштар чимизин берип турар-дыр, фига ыяжы биле виноград сывы элбек дүжүт берип турар-дыр.

Левит 25:19

Чер силерге элбек дүжүттү бээрге, аъш-чемиңер четчир боор, чериңер кырынга сагыш амыр чурттаар силер.

Левит 25:21

Мен алдыгы чылда Бодумнуң ачы-буянымны силерже чорудуп бээр мен: ол чыл силерге үш чылда четчир дүжүттү хайырлаар.

Захария 8:12

Улус тайбың байдалга тараа тарыыр, виноград сывы чимизин бээр, чер бодунуң дүжүдүн бээр, дээрлер чаъс-шалыңын чагдырар. Ол бүгүнү Мен бо чоннуң артынчызы эдилээр кылдыр хайырлаар мен.

Матфей 5:45

Ынчангаш Дээрде Адаңарның ажы-төлү боор силер. Ол Бодунуң хүнүнге бузуттуг-даа, буянныг-даа улустуң кырынга деңге хүннээрин чарлык бооп, эки-даа, бак-даа улусче чаъзын деңге чагдырып турар болгай.

Ажыл-чорудулга 14:17

Ынчалза-даа буянныг үүлезин кылып, Бодунуң дугайында үргүлчү херечилеп келген. Ол силерге дээрден чаъсты болгаш дүжүткүр өйде дүжүттү берип, а ол ышкаш аъш-чемни силерге хайырлап база чүректериңерни өөрүшкү-биле долдуруп келген» – деп алгыржы бергеннер.

Ы. х. к. 11:13

Мээң бөгүн силерге айтып-чагып турар айтыышкыннарымны тооп дыңнаар: Дээрги-Чаяакчы Бурганыңарга ынак боор, Аңаа бүгү чүлдү-чүрээңерден, бүгү сеткил-сагыжыңардан бараан болур болзуңарза,

Ы. х. к. 11:14

Дээрги-Чаяакчы силерниң чериңерже күскү-даа, часкы-даа чаъсты чогуур үезинде чагдырар, ынчан тарааңарны ажаап, виноградыңар арагазын, оливаңар үзүн белеткеп аар силер.

Ы. х. к. 28:12

Дээрги-Чаяакчы сеңээ дээрниң эжиктерин – Бодунуң ачылыг эртине шыгжамырын ажыдып, сээң чериңге чаъсты чогуур өйүнде чагдырып бээр база кылып турар шупту ажыл-херээңге ачы-буянын хайырлаар; хөй чоннарга чээлиге акша-хөреңги бээр сен, а бодуң олардан чегдинмес сен.

Иаков 5:7

Ха-дуңма, ынчангаш Дээрги-Чаяакчының ээп кээр хүнүнге чедир шыдажып көрүңер. Тараачын кижи черниң дүжүт бээр үезин кайы хире манаарын көрүңер даан. Ол күскү болгаш часкы чаъстар чаарын шыдамык манап кээр.

Ажыдыышкын 11:6

Олар Бурганның медээзин суртаалдап чоруур үеде чаъс чагбазын дээш, дээрни хаар эргени оларга берген. Херечилерде ол ышкаш сугларны хан кылдыр хуулдуруптар база черни кандыг-даа айыыл-халап-биле, кажан күзей-дир, кезедир эрге бар.