Левит 26:1 - Ыдыктыг Библия

¹ «Боттарыңарга хоозун дүрзүлер, кижи холу-биле шуткуп-чазаан бурганнар, ыдыктыг адагаштар кылбаңар база чер-чуртуңарга даш көжээлер тургузуп, оларга мөгейбеңер; Мен – Дээрги-Чаяакчы Бурганыңар болгай мен!

Левит 26:1 Iomraidhean Croise

4 Хааннар 17:10

Бедик тей бүрүзүнге база саглагар ыяш адаанга-ла даш көжээлер болгаш Ашера бурганга тураскааткан адагаштар тургузуп алганнар.

4 Хааннар 17:16

Олар боттарының Бурганы Дээрги-Чаяакчының бүгү айтыышкыннарындан ойталап, боттарынга бугажык хевирлиг ийи дүрзү-бурган шуткуп алганнар болгаш Ашера бурганга адагаштар тураскаатканнар. Олар сылдыстарның бүгү аг-шериинге мөгейип, Ваал бурганга бараан болуп турганнар.

4 Хааннар 17:8

бүгү чүвени Дээрги-Чаяакчының оларның мурнундан үндүр сывырыпканы чоннарның чаңчылдарын ёзугаар, Израильдиң хааннарын өттүнүп кылып турган.

Ырлар 97:7

Далай болгаш ону долган бүгү чүве, чер-делегей болгаш ында амыдыраан бүгү чүве шимээргеп доюлзун.

Хосталыышкын 20:2

«Мен дээрге сени кул болуп чорааның Египеттен үндүре берген Бурганың Дээрги-Чаяакчы-дыр мен.

Хосталыышкын 20:23

Мен бар-дыр мен – боттарыңарга мөңгүн, алдын бурганнар кылбаңар.

Хосталыышкын 23:24

Ол чоннарның бурганнарынга мөгейбе, оларга бараан болба; ол чоннарның ажыл-херектерин өттүнме, харын оларның дүрзү-бурганнарын узуткааш, ыдыктыг көжээлерин чуура шаап каавыт.

Хосталыышкын 34:17

Бодуңга шуткаан дүрзү-бурганнар кылба.

Исайя 2:20

Ол хүн улус мөгеер дээш кылып алганы алдын-мөңгүн дүрзү-бурганнарын дедир-даваннарга, часкыларга октап бериптер.

Левит 19:4

Хоозун дүрзү-бурганнарга мөгейбеңер база бодуңарга шуткаан бурганнар кылбаңар. Мен – Дээрги-Чаяакчы Бурганыңар-дыр мен.

Левит 25:55

Чүге дээрге израиль чон – Мээң кулдарым-дыр. Мээң египет черден үндүре берген кулдарым – олар-дыр. Мен – Дээрги-Чаяакчы Бурганыңар-дыр мен!»

Левит 7:33

Аароннуң оолдарының аразындан эп-найырал өргүлүнүң ханы биле чаан өргүлге салып турган кижи оң талакы дөңмекти үлүг кылдыр алыр.

Саннар 33:52

ол черниң бүгү чурттакчыларын мурнуңардан сывырып чорудуптуңар, оларның чонуп, шуткуп кылган хамык дүрзү-бурганнарын узуткап кааптыңар, мөгейиишкин кылыр бедик черлерин үрегдеп кааптыңар.

Ажыл-чорудулга 17:29

Ынчангаш бис Ооң үре-салгалы болганывыста, Бурганның бодаралын кижиниң уран чаяанын база чогаадыкчы бодалын ёзугаар даштан оя соктаан азы алдын, мөңгүнден кылган кандыг-бир дүрзү-бурганга дөмейлей бодавас ужурлуг бис.

Ы. х. к. 27:15

„Бодунга дүрзү-бурган шуткуп азы чазап кылып алгаш, оозун чажырып алган кижи каргаттырар, кижи холу кылган дүрзү-бурган болза Дээрги-Чаяакчының мурнунга чүдек-бужар чүүл-дүр!“ Бүгү чон: „Аминь!“ – деп харыылаар.

Ы. х. к. 5:6

„Мен дээрге сени кул болуп чорааның Египеттен үндүре берген Бурганың Дээрги-Чаяакчы-дыр мен.

Ажыдыышкын 22:15

А хоорай даштынга бужартап будалганнар, караң көрнүрлер, самыырааннар, өлүрүкчүлер, дүрзү-бурганга чүдүүрлер болгаш мегеге ынакшып, ооң аайы-биле кылып турар улус артып каарлар.

Баштыңчылар 18:30

Данчылар аңаа ол дүрзү-бурганны тургузуп алган, а Моисейниң оглу боор Гирсамның үре-салгалы Ионафан боду болгаш ооң оолдары Данның аймааның Бурганга бараалгакчылары бооп келген. Оларның туттуруушкунга кирер үезинге чедир ынчаар турган.