Левит 23:3 - Ыдыктыг Библия

³ Алды хүн дургузунда ажылдаңар, а чедиги хүн – онзагай амыр-дыш хүнү, ыдыктыг чыыш хүнү-дүр. Ынчан кандыг-даа ажыл кылбаңар, ол хүн – чурттап турар бүгү аал-ораныңарга Дээрги-Чаяакчыга бараалгаткан амыр-дыш хүнү-дүр.

Левит 23:3 Iomraidhean Croise

Хосталыышкын 16:23

Моисей оларга мынча деп чугаалаан: «Дээрги-Чаяакчыны дыңнаңар, Ол: „Даарта амыр-дыш хүнү, Дээрги-Чаяакчыга бараалгаткан ыдыктыг хүн болур-дур, быжырар аъш-чемиңерни бөгүн быжырып, хайындырар аъш-чемиңерни бөгүн хайындырып алыңар, а артып калганын даартага чедир кадагалай салып алыңар“ – дээн болгай».

Хосталыышкын 16:29

Дыңнаңар, Дээрги-Чаяакчы силерге амыр-дыш хүнүн хайырлаан-дыр, ынчангаш Ол алдыгы хүнде ийи хүн дургузунда чиир далган-тарааны берип турар-дыр: чедиги хүнде кижи бүрүзү аалынга артып калзын, кым-даа турар черинден ырап чорбазын».

Хосталыышкын 16:30

Чон ынчан чедиги хүнде дыштанып эгелээн.

Хосталыышкын 23:12

Алды хүн дургузунда ажыл-херектериң кыл, а чедиги хүнде дыштанып ал, сээң бугаң биле элчигениң дыштанзын; эр, херээжен кулдарың биле өскээртен келген ажылчының дыштанзын.

Хосталыышкын 34:21

Алды хүн дургузунда ажылда, а чедиги хүнде дыштан; тараа тарыыр, дүжүт ажаар үелерде безин чедиги хүнде дыштан.

Исайя 56:2

Амыр-дыш хүнүн сагыңар, ону бужартатпаңар база бузут үүлгетпес дээш, холуңар тыртып чоруңар. Ынчаар кылып чоруур кижи, ол бүгүнү шыңгыы сагып чоруур кижи амытан амыр-чыргалдыг болур» – дээн.

Исайя 56:6

Бир эвес Дээрги-Чаяакчыга каттыжып келген даштыкы улус Мээң чалчаларым апарган, Меңээ бараан бооп чоруур, Мээң адымга ынак, амыр-дыш хүнүн сагып чоруур, ону бужартатпас болгаш Мээң чагыымны күүседип турар болза,

Исайя 58:13

Бир эвес сен амыр-дыш хүнүн будуң-биле таптай баспас болзуңза, Мээң ыдыктыг хүнүмде сагыжыңга кирген-не чүве кылып турбас болзуңза, бир эвес амыр-дыш хүнүн тааланчыг деп санаар, Дээрги-Чаяакчының ол ыдыктыг хүнүн „Хүндүткелдиг хүн“ деп адаар болзуңза база бодуңнуң хүннүң-не кылыр ажыл-херээңден, сагыжыңга кирген-не чүведен, хоозун чугаадан ойталап, амыр-дыш хүнүн сагыыр болзуңза,

Левит 19:3

Кижи бүрүзү бодунуң авазы биле ачазын хүндүлезин база Мээң доктаатканым амыр-дыш хүннерин сагызын. Мен – Дээрги-Чаяакчы Бурганыңар-дыр мен.

Лука 13:14

Синагога даргазы ынчан Иисустуң амыр-дыш хүнүнде кижи экирткенинге хорадап, чонга: «Ажылдазын дээн алды хүн бар-дыр, эмненири-биле амыр-дыш хүнүнде эвес, а ол хүннерде кээп туруңар» – дээн.

Лука 23:56

Оон ээп келгеш, чаагай чыттыг үстер биле чаар чүүлдерни белеткеп алганнар. Ыдыктыг хоойлунуң айытканын ёзугаар амыр-дыш хүнүн олар дыштанып эрттирген.

Ажыл-чорудулга 15:21

Чүге дээрге Моисейниң хоойлузун хоорай бүрүзүнге суртаалдаар база амыр-дыш хүнүнде-ле синагогаларга номчуур улус шагдан бээр бар болгай».

Ажыдыышкын 1:10

Дээргиниң хүнүнде Сүлдениң күжүнге башкартыпкан тургаш, артымда труба үнү дег ыыткыр үннү дыңнап кагдым.