Левит 22:2 - Ыдыктыг Библия

² «Ааронга болгаш ооң оолдарынга мону чугаала. Мээң ыдыктыг адымны бужартатпас дээш, олар израиль чоннуң Меңээ бараалгадып салган ыдыктыг өргүлдери-биле оваарымчалыг бооп көрзүннер. Мен – Дээрги-Чаяакчы-дыр мен!

Левит 22:2 Iomraidhean Croise

Эзра 8:28

Мен оон ыңай оларга: «Силер – Бурганга бараалгаткан улус-тур силер, бо эт-херексел база ыдыктыг. Бо алдын-мөңгүн дээрге ада-өгбеңерниң Бурганы Дээрги-Чаяакчыга эки тура-биле берген өргүл-дүр.

Хосталыышкын 13:12

баштай төрүттүнген эр хиндиктиг төл бүрүзүн Дээрги-Чаяакчыга бараалгат, сенде бар мал-маганның эр дун төлдериниң шуптузун база Аңаа бараалгат.

Хосталыышкын 28:38

Ол каасталга Аароннуң хаваанга турзун. Аарон израиль чоннуң Бурганга бараалгадып турар ыдыктыг өргүлдериниң – улустуң эккеп салып турар бүгү өргүлдериниң четпес талалары дээш бурууну боду чүктээр. Дээрги-Чаяакчыга ол өргүлдер таарымчалыг болур кылдыр, ыдыктыг каасталга үргүлчү Аароннуң хаваанга чоруур ужурлуг.

Исайя 52:11

Чоруңар, чоруңар, Вавилондан үнүп чоруңар! Арыг эвес чүүлге дегбеңер! Оон үне бериңер, Дээрги-Чаяакчының өргээзиниң саваларын ап чоруур улус, арыг болуңар!

Иезекиил 44:8

Мээң ыдыктыг чүүлдеримни кадарар хүлээлгеңерни күүсетпейн, Мээң ыдыктыг черимге ону күүседир кылдыр боттарыңар орнуңарга даштыкы улусту томуйлап каан-дыр силер».

Левит 15:31

Израиль чон ооң аразында турар Мээң ыдыктыг өргээмни бужартадып, бодунуң арыг эвезинден өлү бербес кылдыр, „Арыг эвес болбаңар!“ деп сагындырып көрүңер!»

Левит 18:21

Ажы-төлүңнүң кайы-бирээзин Молох бурганга өргүве, Бурганыңның адын бужартатпа. Мен – Дээрги-Чаяакчы-дыр мен!

Левит 19:12

Мегелеп Мээң адым-биле даңгыраглаваңар: Бурганыңарның адын баксыратпаңар. Мен – Дээрги-Чаяакчы-дыр мен!

Левит 20:3

Мен Бодум ол кижиге удур боор мен. Мээң ыдыктыг черимни бужартадыры-биле база Мээң адымны дора көөрү-биле ажы-төлүнүң кайы-бирээзин Молохка бергени дээш, Мен ону чонунуң аразынга амылыг арттырбас мен.

Левит 21:6

Олар Бурганынга хамааржыр дээш ыдыктыг болур база Бурганының адын дора көрбес ужурлуг; олар Дээрги-Чаяакчыга өргүлдү, Бурганынга аъш-чемни эккеп салып турар болгаш, ыдыктыг болур ужурлуг.

Левит 22:1

Дээрги-Чаяакчы Моисейге мынча деп чугаалаан:

Левит 22:32

Израиль чоннуң аразынга Мени ыдыктай көрзүн дээш, Мээң ыдыктыг адымны бужартатпаңар. Мен – силерни ыдыктап турар Дээрги-Чаяакчы-дыр мен!

Саннар 18:32

Үлүүңерниң эң эки кезиин Дээрги-Чаяакчыга өргүп турзуңарза, ооң арткан кезиин чигениңер дээш бачыт чүктевес силер, ынчалдыр кылыр болзуңарза, израиль чоннуң Бурганга салган ыдыктыг өргүлдерин бужартатпас силер база өлбес силер».

Ы. х. к. 15:19

«Бода-даа, шээр-даа малыңның эр дун төлдерин Дээрги-Чаяакчы Бурганыңга бараалгадып, ыдыктап бер: баштай төрүттүнген бугаңны ажылдадып ажыглава, баштай төрүттүнген шээр малыңның дүгүн кыргыва.