Левит 2:2 - Ыдыктыг Библия

² Оон өргүлге салыр далган-тараазын Аароннуң оолдарынга – Бурганның бараалгакчыларынга аппарып берзин. Бурганның бараалгакчызы оортан бир адыш ишти далганны, олива үзүн болгаш ладанның шуптузун ап алзын – өргүлдүң сагындырыг болур кезээ ол-дур. Оон ону өргүл бедигээжинге өрттетсин: Дээрги-Чаяакчыга таарымчалыг чаагай чыт, отка өрттедир өргүл ол-дур.

Левит 2:2 Iomraidhean Croise

Неемия 13:14

Бурганым, ол дээш мени бодап чоруп көрем, Сээң өргээң дээш база аңаа бараан болуушкуннар дээш кылган буянныг херектеримни балавайн көрем!

Неемия 13:22

Мен оон левиттерге ыдыктанып-арыгланып алгаш, амыр-дыш хүнүн ыдыктыг кылдыр арттырары-биле хаалганы барып кадарарын дужааган мен. Бурганым, ол бүгү дээш, мени бодап чоруп көрем, Бодуңнуң өндүр улуг энерелдииң-биле мени кээргеп көрем!

Хосталыышкын 30:16

Израильчилерниң шак ол төлевир акшазын чыып алгаш, ону Ужуражылга майгынынга хереглээри-биле ажыгла. Ол дээрге Дээрги-Чаяакчыга израиль чон дугайында сагындырыг-дыр, силер дээш долаа-дыр».

Исайя 66:3

А бузуттуг боду-ла, шары өргүп турар кижи – кижи өлүрүп турар кижиге дөмей, хураган дөгергеш, өргүп турар кижи – ыт мойну сыйып турар кижиге дөмей, далган-тараа өргүлү кылып турар кижи – хаван ханы өргүп турар кижиге дөмей, чаагай чыттыг чүүлдер кыпсып турар кижи – дүрзү-бурганга мөргүп турар кижиге дөмей. Ындыглар – оруктарын боттары шилип алган, боттарының чүдек-бужар чүүлдеринге ынак улус-тур.

Левит 1:13

Оон ол кижи малдың ишти-хырны болгаш чодаларын сугга чуп каапсын, а Бурганның бараалгакчызы ол бүгүнү өргүл бедигээжинге эккеп салгаш, өрттетсин: Дээрги-Чаяакчыга таарымчалыг чаагай чыт, отка бүрүн өрттедир өргүл ол-дур.

Левит 1:17

Ол ооң соонда кушту ийи чалгынындан туткаш, чара тыртыпсын, ынчалза-даа шуут ийи чара үзе тыртпазын, оон өргүл бедигээжинде салган отта чыдар ыяштарга өрттетсин: Дээрги-Чаяакчыга таарымчалыг чаагай чыт, отка бүрүн өрттедир өргүл ол-дур».

Левит 1:9

Өргүл кылып турар кижи бода малдың ишти-хырны болгаш чодаларын сугга чуп каапсын, а Бурганның бараалгакчызы ол бүгүнү өргүл салыр бедигээшке өрттетсин: Дээрги-Чаяакчыга таарымчалыг чаагай чыт, отка бүрүн өрттедир өргүл ол-дур.

Левит 2:16

Бурганның бараалгакчызы үүредир соктаан тарааны, олива үзүн болгаш бүгү ладанны өрттетсин: Дээрги-Чаяакчыга салган отка өрттедир өргүл ол-дур».

Левит 2:9

Оон ооң сагындырыг болур кезээн аңгылааш, өргүл бедигээжинге өрттетсин: Дээрги-Чаяакчыга таарымчалыг чаагай чыт, отка өрттедир өргүл ол-дур.

Левит 24:7

Одуруг бүрүзүнге кончуг эки ладанны салып каг. Ол ладанны хлебтер орнунга, өргүлдүң сагындырыг болур кезээ дег кылдыр өрттетсин.

Левит 4:31

Оон Бурганның бараалгакчызы өшкүнүң хамык чаан, эп-найырал өргүлүнүң чаа дег, аңгылап ужулзун база Дээрги-Чаяакчыга таарымчалыг чаагай чыт болзун дээш өргүл салыр бедигээшке өрттетсин; Бурганның бараалгакчызы демги кижини ынчалдыр арыглаарга, ол кижи Бурганның өршээлин алыр.

Левит 5:11

Бир эвес ол кижи ийи көге-буганы азы ийи көгээзинни эккеп салып шыдавас болза, үүлгеткен бачыды дээш бир эфа иштиниң оннуң бир кезээ эң шынарлыг далганны эккеп салзын; ооң бачыт дээш өргүлү ол-дур. Ол кижи өргүлүнүң далганынче олива үзү кутпазын база ладанны салбазын – ындыг чүүлдер өргүлге турбас ужурлуг.

Левит 5:12

Оон өргүлүн Бурганның бараалгакчызынга эккеп берзин. А Бурганның бараалгакчызы өргүлдүң сагындырыг боор кезээ кылдыр бир долу адышты уруп алгаш, өргүл бедигээжинге Дээрги-Чаяакчыга салып, отка өрттетсин: бачыт дээш өргүл ол-дур.

Левит 6:15

Бурганның бараалгакчызы далган-тараа өргүлүнден олива үзү холаан далганны болгаш өргүлде бар бүгү-ле ладанны адыжын долдур ап алгаш, өргүлдүң сагындырыг болур шак бо кезээн Дээрги-Чаяакчыга таарымчалыг чаагай чыт кылдыр өргүл бедигээжинге өрттетсин.

Саннар 5:18

Бараалгакчы демги херээженни Дээрги-Чаяакчының мурнунга тургускаш, ооң бажының дүгүн часкаш, сактыышкын өргүлүн ооң холунга тутсуп берзин – ол дээрге хүннээшкин өргүлү-дүр, а бараалгакчының холунга херээжен кижиже каргыш халдадыр ажыг суг турар.

Саннар 5:26

Бараалгакчы далган-тараа өргүлүнден бир адыш ишти – сагындырыг болур кезээн ап алгаш, ону өргүл бедигээжинге өрттедипсин, а ооң соонда демги херээженге сугну ижиртсин.

Ажыл-чорудулга 10:4

Корнилий корга берип, олче көрүнгеш: «Дээрги-Чаяакчы, чүү ирги?» – дээн. Бурганның төлээзи: «Мөргүлдер болгаш ядыыларга хайырлалдарыңны Бурган бодап алган-дыр.