Левит 19:3 - Ыдыктыг Библия

³ Кижи бүрүзү бодунуң авазы биле ачазын хүндүлезин база Мээң доктаатканым амыр-дыш хүннерин сагызын. Мен – Дээрги-Чаяакчы Бурганыңар-дыр мен.

Левит 19:3 Iomraidhean Croise

Эге дөс 48:12

Кырган-ачазының хойнунга олурган оолдарын тургузуп алгаш, Иосиф ачазынга черге чедир мөгейип каан.

Неемия 9:14

Оларга Сеңээ тураскааткан амыр-дыш хүнүн айтып берип, Бодуңнуң чалчаң Моисейни дамчыштыр айтыышкыннар, дүрүмнер, хоойлуңну берген сен.

Хосталыышкын 16:29

Дыңнаңар, Дээрги-Чаяакчы силерге амыр-дыш хүнүн хайырлаан-дыр, ынчангаш Ол алдыгы хүнде ийи хүн дургузунда чиир далган-тарааны берип турар-дыр: чедиги хүнде кижи бүрүзү аалынга артып калзын, кым-даа турар черинден ырап чорбазын».

Хосталыышкын 20:12

Ачаң биле аваңны хүндүлеп чор, ынчан Дээрги-Чаяакчы Бурганыңның сеңээ берип турары чер кырынга амыдыралың узаар.

Хосталыышкын 20:8

Амыр-дыш хүнүн ыдыктап, утпайн чор.

Хосталыышкын 21:15

Ачазын азы авазын шанчар кижини өлүрүп каар ужурлуг.

Хосталыышкын 21:17

Ачазын азы авазын бак сөглээр кижини өлүмге онаар херек.

Чугаалар 1:8

Оглум, ачаңның сургаалын дыңна, аваңның өөредиин сагы,

Чугаалар 23:22

Төрүдүп каан адаңны дыңна, иең кырый берзе-даа, ону тоовайн барба.

Чугаалар 30:11

Ачазынга каргыш салыр, авазын алгап-йөрээвес улус турар;

Чугаалар 30:17

Ачазын шоодар болгаш авазын дыңнаар хөңнү чок кижиниң карактарын кускун-сааскан соктап чиптер база сек чиир куштар дойлап кааптар.

Исайя 58:13

Бир эвес сен амыр-дыш хүнүн будуң-биле таптай баспас болзуңза, Мээң ыдыктыг хүнүмде сагыжыңга кирген-не чүве кылып турбас болзуңза, бир эвес амыр-дыш хүнүн тааланчыг деп санаар, Дээрги-Чаяакчының ол ыдыктыг хүнүн „Хүндүткелдиг хүн“ деп адаар болзуңза база бодуңнуң хүннүң-не кылыр ажыл-херээңден, сагыжыңга кирген-не чүведен, хоозун чугаадан ойталап, амыр-дыш хүнүн сагыыр болзуңза,

Иезекиил 20:12

Бистиң аравыста харылзааның демдээ кылдыр, оларны Мен, Дээрги-Чаяакчы, ыдыктап турарымны билип алзын дээш, Меңээ тураскааткан амыр-дыш хүннерин оларга берген мен.

Левит 11:44

Чүге дээрге Мен – Дээрги-Чаяакчы Бурганыңар-дыр мен! Мен ыдыктыг болганымда, силер база ыдыктыг болу бериңер. Бодуңарны чер кырында көжүп-шимчээн үүрмек дириг амытан-биле арыг эвес болдурбаңар.

Левит 19:25

Бешки чылда ооң хамык чимистерин чип болур силер база ооң силерге бээр чимистери өзүп-көвүдээр. Мен – Дээрги-Чаяакчы Бурганыңар-дыр мен!

Левит 19:30

Мээң доктаатканым амыр-дыш хүннерин сагыңар база Мээң ыдыктыг черимни хүндүлеңер. Мен – Дээрги-Чаяакчы-дыр мен!

Левит 19:31

Өлүг улустуң сүнезиннерин кый дээр-даа, караң көрнүр-даа улуска барбаңар, арга-сүме айтырбаңар. Бодуңарны олардан бужартаарынга чедирбеңер. Мен – Дээрги-Чаяакчы Бурганыңар-дыр мен!

Левит 19:34

Араңарда чурттай берген өскээртен келген кижи силерге үндезин чурттакчы ышкаш болзун: аңаа бодуңга дег ынак бол, чүге дээрге силер база египет черге өскээртен келген улус бооп чораан болгай силер. Мен – Дээрги-Чаяакчы Бурганыңар-дыр мен!

Левит 23:3

Алды хүн дургузунда ажылдаңар, а чедиги хүн – онзагай амыр-дыш хүнү, ыдыктыг чыыш хүнү-дүр. Ынчан кандыг-даа ажыл кылбаңар, ол хүн – чурттап турар бүгү аал-ораныңарга Дээрги-Чаяакчыга бараалгаткан амыр-дыш хүнү-дүр.

Левит 26:2

Мээң доктаатканым амыр-дыш хүннерин сагыңар база Мээң ыдыктыг черимни хүндүлеңер. Мен – Дээрги-Чаяакчы-дыр мен!

Малахия 1:6

«Оглу адазын, а чалча кижи – дээргизин хүндүлээр. Бир эвес Мен Адаңар болзумза, Меңээ хүндүткелиңер кайыл? Бир эвес Мен Дээргиңер болзумза, чүге Мени хүндүлевес силер?» Бурганның адын баксырадып чоруур бараалгакчылар, Аг-шериглиг Дээрги-Чаяакчының силерге чугаалаан чүвези ол-дур. А силер: «Сээң адыңны канчаар баксыраттывыс?» – деп тур силер.

Ы. х. к. 27:16

„Ада-иезин бак көөр кижи каргаттырар!“ Бүгү чон: „Аминь!“ – деп харыылаар.

Ы. х. к. 5:16

Дээрги-Чаяакчы Бурганыңның сеңээ дужааганын ёзугаар ачаң биле аваңны хүндүлеп чор, ынчан сээң назының узаар база Дээрги-Чаяакчы Бурганыңның сеңээ берип турары черге буян-кежиктиг чурттаар сен.

Еврейлерге 12:9

Ам артында шуптувус чер кырынга төрээн ачаларлыг бооп, бисти кижизиткен дээш, оларны хүндүлеп чораан бис. Дээрде Адавысты тооп дыңнаарывыс оон оранчок артык болбас деп бе?! Ону тооп дыңнааш, мөңге амыдыралды алыр болгай бис!