Левит 12:2 - Ыдыктыг Библия

² «Израиль чонга дараазында чүүлдү чугаала. Бир эвес херээжен кижи иштелгеш, оол уруг божуп аар болза, боду чеди хүн дургузунда арыг эвес болур; ай демдээ көрүп турар үезинде дег, арыг эвес болур.

Левит 12:2 Iomraidhean Croise

Эге дөс 1:28

Алгап-йөрээвишаан, Бурган оларга мынча дээн: «Өзүп-көвүдеңер, черниң кырын ээлеңер, далай-сугнуң амытаннарын, дээрниң куштарын, соястаарларны болгаш черниң бүгү-ле дириг амытаннарын чагырып тергиидеңер».

Эге дөс 3:16

Дээрги-Бурган-Чаяакчы херээженге мынча дээн: «Сээң иштиг-сааттыг үеңни аажок хилинчектиг кылып каар мен, ажы-төлүңнү хилинчектенип чыткаш божуур сен. Ашааңны аажок күзеп, аңаа хандыкшыыр сен, ынчалза-даа ол сени чагырар».

2 Хааннар 11:4

Херээженни эккээри-биле бодунуң айбычыларын чорудуптарга, олар ону эккелген. Давид ооң-биле удуп чыдып алган. (Херээжен бодунуң арыг эвезинден чаа-ла адырлып алган турган чүве-дир.) Ооң соонда херээжен чана берген.

Иов 14:4

Арыг эвес чүүлден арыг чүүлдү кым боттандырарыл? Кым-даа эвес!

Иов 15:14

Кижи амытан деп кымыл, ол канчап арыг боорул, херээженден төрүттүнген кижи канчап актыг боорул?

Иов 25:4

Ынчан кижи амытан канчап Бурганның мурнунга агартынарыл, херээженден төрүттүнген кижи канчап арыг боорул?

Ырлар 51:5

Буянга көөрде, бузутка ынак апарган-дыр сен, шынын чугаалаарынга көөрде, мегелеп чугаалаарынга ынак апарган-дыр сен. Сэла

Левит 12:1

Дээрги-Чаяакчы Моисейге мынча деп чугаалаан:

Левит 12:5

Бир эвес херээжен кижи кыс уруг божуп аар болза, ай демдээ көрүп турар үезинде дег, арыг эвес болур, чүгле ийи чеди хонук хуусаада; а ооң соонда ол херээжен төгүлген ханы дээш, алдан алды хүн дургузунда арыгланыр ужурлуг.

Левит 15:19

Бир эвес херээжен кижи ай демдээ көрген үезинде мага-бодундан ханы төктүп турар болза, чеди хүн дургузунда арыг эвес болур. Аңаа дегген кижи бүрүзү кежээге чедир арыг эвес болур.

Левит 18:19

Кадайың ай демдээ көрүп турар өйде, холбажыр бодап, олче чоокшулава.

Левит 5:3

Азы бир кижи арыг эвес өске кижиге (оон кээп турар, бужартап боор янзы-бүрү арыг эвес чүүлдерниң кандыызы-даа хамаан чокка) деггеш, ону билип кааш, база буруулуг болур.

Лука 2:22

Моисейниң хоойлузунда айыткан арыгланыр хуусаа доостурга, Мария биле Иосиф Чаш төлдү Дээрги-Чаяакчыга бараалгадыр дээш, Иерусалимге эккелгеннер.