Левит 11:2 - Ыдыктыг Библия

² «Израиль чонга мону чугаалаңар. Чер кырында бар, силерге чиирин чөпшээрээн дириг амытаннар бо-дур.

Левит 11:2 Iomraidhean Croise

Иезекиил 4:14

Мен ынчан: «О, Дээрги-Бурган-Чаяакчы! Мен кажан-даа арыг эвес аъш-чем чип көрбээн мен. Бодунуң өлүмү-биле өлген азы араатан аң үзерлеп каан дириг амытан эъдин аныяамдан бээр, амдыгаа чедир чип көрбээн мен. Бужартаан эът черле мээң аксымче кирбээн» – дээн мен.

Даниил 1:8

Даниил хаанның хандырганы чем-биле-даа, арага-биле-даа бодун бужартатпас деп ыяк шиитпирлеп алган. Ынчангаш ол дүжүметтер даргазындан арыг эвес чем чивезин чөпшээрээрин дилээн.

Левит 11:1

Дээрги-Чаяакчы Моисей биле Ааронга мынча деп чугаалаан:

Левит 11:11

Олар силерге бужар чүүл болзун: оларның эъдин чивеңер, сектеринден ческиниңер.

Левит 11:13

А куштарның иштинден дараазында куштардан ческиниңер (чип болбас, бужар амытаннар-дыр ол): эзирден, дастан, кара-дастан;

Левит 11:21

Ынчалза-даа дөрт-даяктап кылаштаар, ужар чалгынныг курт-кымыскаяк аразындан шураар буттарлыг курт-кымыскаякты чип болур силер.

Левит 11:29

Чер кырында көжүп-шимчээн үүрмек дириг амытаннардан силерге арыг эвес амытаннар бо-дур: дедир-даван, күске, улуг селескениң янзы-бүрү хевирлери;

Левит 11:3

Кандыг-даа адыр дуюглуг, кегженир дириг амытанны чип болур силер.

Левит 11:34

Шак ындыг савага турган суг дегген кандыг-даа аъш-чем арыг эвес болур; ындыг савадан кудуп ижип турар кандыг-даа суксун база арыг эвес болур.

Левит 11:39

Аъш-чемге ажыглап турарыңар кандыг-бир малыңар бодунуң өлүмү-биле өлүр болза, ооң сегинге дегген кижи кежээге чедир арыг эвес болур.

Левит 11:4

Адыр дуюглуг азы кегженир дириг амытаннардан чүгле дараазында дириг амытаннарны чип болбас силер: тевени, чүге дээрге ол кегженир-даа болза, адыр дуюу чок-тур, ынчангаш силерге арыг эвес боор-дур;

Левит 11:9

Сугга чурттаар бүгү дириг амытаннардан далайга азы хемге чоруур чакпалыг база казырыктыг амытаннарны чип болур силер.

Матфей 15:11

Кижини аас дамчып кирип кээр чүве бужартатпас, харын аксындан үнер чүве бужартадыр».

Еврейлерге 13:9

Ынчангаш янзы-бүрү болгаш хары өөредиглер сонуургаваңар. Чүректериңерни тускай чемнер чиири эвес (ону барымдаалаары кымга-даа ажык-дуза чедирбээн), а Бурганның авыралы быжыктырзын.

Еврейлерге 9:10

Ол өргүл белектери-биле катай чем, суксун база янзы-бүрү арыглал чугдунуушкуннары чүгле кижиниң мага-бодунга хамааржыр. Олар шупту чүгле бо ёзу-чурумну эдип-чазаар үеге чедир доктааткан дүрүмнер болур.