Левит 10:12 - Ыдыктыг Библия

¹² Моисей Ааронга болгаш ооң дириг арткан оолдары Элеазар биле Ифамарга мынча дээн: «Дээрги-Чаяакчыга салган өргүлдерден артып калган далган-тараа өргүлүн алгаш, өргүл бедигээжиниң чанынга ажыткы-биле хөөтпейн хаарган хевээрзин чиңер: аажок ыдыктыг өргүл ол-дур.

Левит 10:12 Iomraidhean Croise

2 Чылдар 31:14

Левит Имнаның оглу Коре – өргээниң чөөн талазында хаалгачы – улустуң Бурганга эки тура-биле салган өргүлдери дээш харыылап, Дээрги-Чаяакчыга эккелген өргүлдерни, аажок ыдыктыг чүүлдерни үлеп берип турган.

Эзра 7:5

Буккий – Авишуйнуң оглу, Авишуй – Финеестиң оглу, Финеес – Элеазарның оглу, Элеазар – Бурганның дээди бараалгакчызы Аароннуң оглу болур чүве-дир) Вавилондан үнгеш, Иерусалимге чедип келген.

Хосталыышкын 29:2

эң эки шынарлыг кызыл-тас далганындан быжырган дараазында аъш-чемден: ажыткы-биле хөөтпейн быжырган хлебтен, олива үзү холаан, ажыткы-биле хөөтпейн быжырган боовалардан болгаш олива үзү-биле кырын чаап каан хаарган далганнардан ап ал.

Хосталыышкын 29:33

Оларны арыглап, Бурганның бараалгакчылары болур кылдыр ыдыктап турда эккеп салган өргүлдерни олар боттары чиир ужурлуг. Өргүлдерни өске кижи чип болбас, ол дээрге Дээрги-Чаяакчыга хамааржыр ыдык аъш-чем-дир.

Хосталыышкын 6:23

Аарон бодунга кадай кылдыр Аминадавтың уруу, Наассоннуң дуңмазы Елисаветаны ап алган. Елисавета Ааронга Надав биле Авиудту, Элеазар биле Ифамарны божуп берген.

Иезекиил 44:29

Олар далган-тараа өргүлүнден, бачыт дээш өргүлден болгаш кем-буруу дээш өргүлден чемненир. Израильде Дээрги-Чаяакчыга кезээ мөңгеде тураскааткан бүгү чүве оларга хамааржыр.

Левит 10:13

Ону ыдыктыг черге тургаш, чиңер, чүге дээрге Дээрги-Чаяакчыга салган өргүлдерден сээң база оолдарыңның алыр үлүүңер ол-дур: Дээрги-Чаяакчы меңээ ынчаар дужааган чүве.

Левит 21:22

Ол кижи ыдыктыг өргүлдерден база аажок ыдыктыг өргүлдерден Бурганынга салган аъш-чемни чип болур.

Левит 24:9

Шак ол хлеб Ааронга болгаш ооң оолдарынга хамааржыр, олар ону ыдыктыг черге чиир ужурлуг, чүге дээрге Дээрги-Чаяакчыга салган өргүлдерден оларга аажок ыдыктыг өргүл ол-дур: оларның үргүлчү алыр үлүү ол-дур».

Левит 7:9

Ол ышкаш суугуга хаарган ийикпе, азы борбак пашка болгаш калбак тавак-пашка быжырган бүгү-ле далган-тараа өргүлдерин оларны эккеп салып турар бараалгакчы алыр.

Саннар 3:2

Аарон дараазында оолдарлыг болган: дун оглу Надав, Авиуд, Элеазар болгаш Ифамар. Оларны Бурганга бараан боор кылдыр ыдыктап, шилип чаап каан турган.