Левит 10:10 - Ыдыктыг Библия

¹⁰ Силер ооң ачызында ыдыктыг болгаш ыдыктыг эвес чүүлдү, ол ышкаш арыг болгаш арыг эвес чүүлдү ылгап шыдаар силер

Левит 10:10 Iomraidhean Croise

Иезекиил 22:26

Ында Бурганның бараалгакчылары Мээң хоойлумну үреп, ыдыктыг чүүлдеримни бужартадып турар-дыр; олар ыдыктыг чүүлдү ыдыктыг эвес чүүлден аңгылавайн, арыг база арыг эвес чүүлдүң аразында ылгал барын айытпайн турар-дыр; олар Меңээ тураскааткан амыр-дыш хүннерин канчаар сагып турарынче сагыш салбас-тыр. Ынчангаш Мен оларның аразында бужартаашкынга таваржып турар-дыр мен.

Левит 11:47

Ону силерге арыг, чип болур база арыг эвес, чип болбас дириг амытанны аңгылазын дээш берген».

Титке 1:15

Арыг улуска шупту чүве арыг, а бүзүревээн, үрелген улуска арыг чүү-даа чок – оларның боттарының угаан-бодалы болгаш арын-нүүрү үрелген-дир.

Иезекиил 44:23

Олар Мээң чонумга ыдыктыг чүүлдү ыдыктыг эвезинден, арыг чүүлдү арыг эвезинден канчаар ылгаарын көргүссүн.

Иеремия 15:19

Ынчан Дээрги-Чаяакчы: «Менче эглип кээр болзуңза, Мээң мурнумга бараан болур кылдыр сени база катап тургузуп каар мен. Үнелиг сөстү хоозун сөстен аңгылап шыдаар болзуңза, Мээң аксы-сөзүм дег апаар сен. Улус боттары сээң аайыңче кирер, а сен оларның аайынче кирбес сен!

Левит 13:43

Бурганның бараалгакчызы аарыг кижини шинчилеп көөрге, ооң бажының калчан азы тас черинде ыжыы кызылзымаар ак өңнүг, а ол ыжыкты даштындан көөрге, улустуң кежинде кеш аарыы ышкаш көстүр болза,

Левит 14:57

Ол бүгү дүрүм-хоойлу арыг азы арыг эвес болурун илередиринге херек.