Колосчуларга 4:6 - Ыдыктыг Библия

⁶ Кижи бүрүзүнге херектиг харыы тудуп шыдаар кылдыр, чугааңар үргүлчү чедингир болгаш чечен-мерген болзун.

Колосчуларга 4:6 Iomraidhean Croise

1 Чылдар 16:24

Шупту чоннарга – Ооң алдарын, бүгү аймактарга – Ооң кылган кайгамчык чүүлдерин чугаалап чедиңер.

Ырлар 105:2

Дээрги-Чаяакчының күчү-күжүн чугаалап шыдаар, Ооң макталга төлептиг шупту ажыл-херээн медээлеп шыдаар кижи бар бе?

Ырлар 45:2

Бурган – бистиң хоргадалывыс болгаш күчү-күжүвүс, айыыл-халаптар үезинде албан кээр дузавыс.

Чугаалар 10:21

Чөптүг-шынныг кижиниң аас-сөзү хөй улусту кадагалаар, а мелегей улус угааны четпезинден узуткаттынып каар.

Чугаалар 15:4

Буянныг чугаа – амыдыралдың ыяжы-дыр, а меге чугаа – сеткил-сагышты муңгарадыр.

Чугаалар 15:7

Мерген угаанныгларның аксы-сөзү билиг нептередир, а мелегей улустуң чүрээ шынчы эвес болур.

Экклесиаст 10:12

Мерген угаанныг кижиниң аксындан үнген сөстер буянныг чаагай, а мугулайның чугаа-сөзү ооң бажын чиир.

Иезекиил 43:24

Оларны Дээрги-Чаяакчының мурнунга тургузуп каг. Бурганның бараалгакчылары оларже дустан чашкаш, Дээрги-Чаяакчыга бүрүн өрттедир өргүл кылдыр салзын.

Левит 2:13

Далган-тарааңның кандыг-даа өргүлүн дузап ал, өргүлүңнү Бурганыңның чагыг-керээзин шынзыдып турар дус-биле дузаарын утпа: өргүлдериңниң шуптузун дузап каан болзун.

Матфей 5:13

«Силер – кижи төрелгетенниң дузу силер. Дус ажыг эвес апарза, ооң амданын чүнүң-биле дедир эгидерил? Ол ам чүге-даа херек чок апаар база ону чүгле улус таптай бассын дээш, үндүр октаары артар.

Марк 9:50

Дус – эки бүдүмел, ынчалза-даа ол ажыг эвес апаар болза, ооң амданын чүнүң-биле дедир эгидерил? Силерде дус бар болзун, араңарда эп-найыралдыг амыдыраңар».

Лука 4:22

Шупту улус Ооң дугайында эки херечилел кылып, Ооң чугаалаан сөзүнүң чеченин аажок магадап: «А Ол Иосифтиң оглу эвес ийикпе?» – дижип турган.

Эфесчилерге 4:29

Аксыңардан кандыг-даа бак сөс үнмезин, а чүгле кандыг-даа байдалдарда улустуң хереглелдерин хандырарынга ажыктыг, дыңнакчыларга ачылыг сөстер үнзүн.

Ы. х. к. 11:19

Бажыңыңарга олургаш-даа, орукка чорааш-даа, удуп чыдып аарда-даа, оттуп келгеш-даа, ол сөстерим дугайында чугаалап, оларны ажы-төлүңерге өөредип калыңар.

Колосчуларга 3:16

Христостуң сөзү ооң бүгү байлакшылы-биле силерниң араңарга амыдыразын. Силер ынчан бот-боттарыңарны чедишкен мерген угаан-биле өөредип база сургап, а ол ышкаш сеткилиңер ханызындан өөрүп четтирип чорууруңар Бурганга ыдыктыг ырлар, йөрээлдер болгаш Сүлдеге хамааржыр ырлар ырлап шыдаар силер.

1 Пётр 3:15

Чүректериңерге Дээрги-Чаяакчы Христостуң ыдыктыын хүндүлеңер. Силерниң Аңаа идегелиңер дугайында айтырыг салган улуска харыы бээринге кезээде белен болуңар.