Колосчуларга 3:25 - Ыдыктыг Библия

²⁵ Бак чүүл үүлгедип турар кижи харыы бак чүүлдү ол-ла хемчээл-биле алыр; Бурган улусту ылгай көрбес.

Колосчуларга 3:25 Iomraidhean Croise

2 Хааннар 14:14

Бис шупту өлүп каар бис. Черже төпкеш, дедир чыып алыры болдунмас сугга дөмей-дир бис. Ынчалза-даа Бурган бистиң амы-тынывысты үспейн, кагдырган кижиден безин Боду ойталавазын күзеп турар-дыр.

2 Чылдар 19:7

Ынчангаш Дээрги-Чаяакчыдан коргуп чоруңар. Оваарымчалыг шиидиңер, чүге дээрге бистиң Бурганывыс Дээрги-Чаяакчы чөптүг, Ол улусту ылгай көөрүн, хээли алырын чөпшээревес» – дээн.

Иов 34:19

Ол чагырыкчыларны тала-дугай тыртпас, ат-сураглыг кижини ядыы кижиден дээре деп санавас, олар шупту – Ооң холунуң чаяалгазы-ла болгай.

Иов 37:24

Ынчангаш улус Оон коргуп чорзун; Ол мерген угаанныг дирткеннерже сагыш салбас».

Левит 19:15

Улусту чөптүг эвес шиитпе. Ядыы-ла кижи-дир дээш, аңаа чымчак болба, күш-шыдалдыг-ла кижи-дир дээш, ооң күзелин хандырарын бодава. Өске кижини шынның туружундан шиидип чор.

Матфей 16:27

Кижи амытан Оглу Бодунуң Адазының өндүр чырыынга бүргеткен, Бурганның төлээлери-биле кады чедип келгеш, кижи бүрүзүн ооң кылган ажыл-херээниң аайы-биле шаңнаар азы шиидер.

Лука 20:21

Олар Иисустан мынча деп айтырган: «Башкы, бистиң билиривис-биле, Силер чөптүг шынны чугаалап база аңаа өөредип турар болгай силер. Кижилерни ылгай көрбейн, Бурганның алыс шын оруунга өөредир-дир силер.

Ажыл-чорудулга 10:34

Пётр ынчан чыылган улуска чугаалап эгелээн: «Бурган улусту ылгай көрбес дээрзин ам-на билдим.

Римчилерге 2:11

Чүге дээрге Ол кымны-даа дээре кылдыр санап, ылгай көрбес.

2 Коринфичилерге 5:10

Чүге дээрге черде мага-бодувуска амыдырап тура, кылган бүгү буянныг-даа, бузуттуг-даа херектеривис дээш, шаңналды азы кеземчени ап, бис шупту Шииткекчи Христостуң мурнунга турар ужурлуг бис.

Эфесчилерге 6:8

Кымның-даа: кул-даа, хостуг-даа кижиниң кылган буянныг ажыл-херээ дээш, Дээрги-Чаяакчы шаңнал бээрин билип алыңар.

Эфесчилерге 6:9

А ээлер силер, кулдарыңарга база шак ындыг хамаарылгалыг болуңар, кыжаныгдан туттунуңар. Оларда-даа, силерде-даа дээрде чаңгыс Дээрги-Чаяакчы бар, а Ол кымны-даа өскелерден ылгай көрбес дээрзин утпаңар.

Ы. х. к. 1:17

Шииткел үндүрүп тура, улусту ылгай көрбеңер, аргажок ынай-даа, өндүр улуг-даа кижини деңге дыңнаңар, кандыг-даа кижиден кортпаңар, чүге дээрге силер улусту Бурганның өмүнээзинден шиидип турар силер; а шиитпирлээри эмин эрттир берге херекти меңээ эккелиңер, ону дыңнап көргеш, бодум шиитпирлээр мен“.

Ы. х. к. 10:17

Чүге дээрге Дээрги-Чаяакчы Бурганыңар – бурганнарның Бурганы, дээргилерниң Дээргизи-дир, өндүр улуг, күчү-күштүг, сүртенчиг Бурган-дыр. Ол улусту ылгай көрбес база хээли албас;

Колосчуларга 4:1

Ээлер, силер база кулдарыңарны ак сеткилдиг болгаш чөптүг аажылаңар. Силерниң база дээрде Ээңер барын утпаңар.

1 Фессалоникчилерге 4:6

Ындыг таварылгада эр кижи бүзүрээн эжин карак ажыттап, ооң бүзүрелин ажыглай бербезин халак. Чүге дээрге мооң мурнунда-ла силерге чугаалап база кичээндирип турганывыс дег, шак ындыг бачыттар дээш, Бурган кеземче онаар.

2 Фессалоникчилерге 1:6

Бурган чөптүг: хилинчээңер дээш буруулуг улуска Ол хилинчек-биле орнун эгидер,

Филимонга 1:18

Ол сени кандыг-бир чүве ужун хомудадыпкан азы сеңээ өрелени берген болза, ол түңнү мээң адым дужунга бижип каг.

Еврейлерге 2:2

Чүге дээрге дээрниң төлээлерин дамчыштыр медеглээн сөс ылап күштүг бооп, ону хажыткан база дыңнаваан чорук бүрүзү чөптүг кеземчеге онаажыр болганда,

1 Пётр 1:17

Шупту улусту оларның кылган ажыл-херээниң аайы-биле, кымны-даа ылгай көрбейн, шын шиидип турар Бурганга мөргүп тура, Ону Адавыс деп адаар-дыр силер. Ынчангаш чер кырынга түр амыдыраар үеңерде Бургандан коргуп, Ону хүндүткеп чурттаңар.

Иуда 1:16

Ол улус үргүлчү химиренип, өскелерни буруудаткан чоруур. Олар дээрге бачыттыг күзээшкиннериниң аайындан эртпес, ал-бодун мактап, адыыргаар улус-тур. Олар амы-хууда ажык-кончаа алыксааш, өске улуска чашпаалап чоруурлар.