Колосчуларга 3:16 - Ыдыктыг Библия

¹⁶ Христостуң сөзү ооң бүгү байлакшылы-биле силерниң араңарга амыдыразын. Силер ынчан бот-боттарыңарны чедишкен мерген угаан-биле өөредип база сургап, а ол ышкаш сеткилиңер ханызындан өөрүп четтирип чорууруңар Бурганга ыдыктыг ырлар, йөрээлдер болгаш Сүлдеге хамааржыр ырлар ырлап шыдаар силер.

Колосчуларга 3:16 Iomraidhean Croise

3 Хааннар 3:28

Хаанның үндүрген шииткелин дыңнааш, бүгү Израиль ону ханы хүндүлеп эгелээн, чүге дээрге аңаа шынныг шииткел үндүрерде хереглээр Бурганның мерген угаанын хайырлаан болган.

1 Чылдар 25:7

Олар ха-дуңмазы-биле кады Дээрги-Чаяакчыга ырлап бараалгаар талазы-биле дуржулгалыг турган. Оларның ниити саны 288 кижи чүве-дир.

Неемия 12:46

Шаг шаанда, Давид биле Асафтың үезинде, ыраажыларның башкарыкчылары-даа, Бурганны алгап-йөрээген, Аңаа өөрүп четтирген ырлар-даа бар турган болгай.

Иов 23:12

Ооң айтыышкыннарындан ойталаваан мен, Ооң сөстерин хөрек-чүрээмде шыгжап чоруур мен.

Ырлар 138:1

Дээрги-Чаяакчы, Сен мени шылгап көрген сен, эки билир сен.

Ырлар 28:7

Дээрги-Чаяакчының үнү чаңныкты кызаңнадыр.

Ырлар 32:7

Ол далайның сугларын чаңгыс черге бөле чыып каан, дүп чок ээремнерни шыгжамырларже дег кылдыр шыгжай суп каан.

Чугаалар 14:8

Кажараан кижиниң мерген угааны – бодунуң оруун билиринде, а мелегей улустуң сээдеңи – оп-мегезинде.

Чугаалар 18:1

Бодун бодаар кижи күзээн чүвезин кылырынче чүткүүр, угаанныг сүмелерге удурланыр.

Соломоннуң өндүр бедик ырызы 1:1

Өндүр бедик ыры. Соломоннуу. Эжимниң эриннери мени ошказын-на, ошказын! Ынакшылың арагадан тааланчыг-дыр.

Исайя 10:2

Силер мээң чонум иштинде ядыыларның эргезин казып турар, түреңги улуска шын шииткел көргүспес база дулгуяк херээженнерниң кошкулун былаап аар, өскүстерни үптеп турар улус-тур силер.

Исайя 26:1

Ол хүн иудей черге мындыг ыр ырлажыр: Бистиң хоорайывыс быжыглалдыг! Бурган биске камгалалды – ханалар биле камгаланыр чалды тургузуп турар.

Исайя 30:29

Бурганның чону, силер ыдыктыг байырлал демдеглээн дүне дег, ырлажыр силер. Дээрги-Чаяакчының даанче, Израильдиң Хаязынче лимби-биле ойнап бар чыдар улустуң чүрээ дег, силерниң чүрээңер өөрүп-байырлаар.

Исайя 5:1

Мен ынак Эжимге Ооң виноград шөлүнүң дугайында ырдан ырлап берейн. Мээң Эжим дүжүткүр тейге виноград тарыыр шөлдүг турган.

Иеремия 15:16

Сээң сөзүң мээң аъш-чемим апарып турду. Сээң сөстериң сеткил-чүрээмниң өөрүшкүзү, хөглээшкини апарды, чүге дээрге Сеңээ хамааржыр болгай мен, Дээрги-Чаяакчы, Аг-шериглиг Бурган!

Матфей 26:30

Олар ыдыктыг ырны ырлашкаш, Елеон даанче чорупканнар.

Лука 2:51

Оон Ол ада-иези-биле кады Назаретче чанып келгеш, оларның аайындан эртип көрбээн. А Ооң иези ол бүгү болган чүүлдү утпайн, бодунуң чүрээнге кадагалап алган.

Иоанн 15:7

Силер Мээң-биле тудуш харылзаалыг болзуңарза база Мээң сөстерим силерде бар болза, күзээн-не чүвеңерни ынчан дилеңер, шуптузу бүде бээр.

Римчилерге 10:17

Ынчангаш бүзүрел Буянныг Медээни дыңнап турар улуска чедип кээр-дир. А Буянныг Медээ Христос дугайында суртаал дамчыштыр чедип кээр.

Римчилерге 15:14

Ха-дуңма, силерни буянга бүргеткен, бүгү чүвени билип алган, бот-боттарыңарны өөредип шыдаар апарган деп, бодум ыяк бүзүрээр мен.

1 Коринфичилерге 14:15

Ынчаарга канчалзымза экил? Сеткил-хөңнүм-биле мөргүүйн, а ол ышкаш угаан-сарыылым-биле база мөргүүйн! Бурганны сеткил-хөңнүм-биле алгап ырлаайн, а ол ышкаш угаан-сарыылым-биле база алгап ырлаайн!

1 Коринфичилерге 14:26

Ынчаарга ам канчалза экил, ха-дуңма? Чыглып кээриңерге, силерниң бирээңерде – ыдыктыг ыры, өскеңерде – сургаал сөзү азы Бургандан ажыдыышкын бар болзун; база бирээңер билдинмес дылга чугаалазын, а өскеңер ол дылды тайылбырлазын. Ол бүгүнүң сорулгазы – бот-боттарын быжыктырары боор ужурлуг.

Эфесчилерге 1:17

Дээргивис Иисус Христостуң Бурганы – өндүр бедик Ада мерген угаан болгаш ажыдыышкын бээр Сүлдени силерге хайырлап, Ону эки билип аар арга берзин деп мөргүп тур мен.

Эфесчилерге 5:17

Ынчангаш сарыыл чок болбаңар, а Дээрги-Чаяакчының күзел-соруун билип аарын оралдажыңар.

Эфесчилерге 5:19

Ыдыктыг ырлар, йөрээлдер болгаш Сүлдеден кээр ырлар күүседип, араңарда ынчалдыр харылзажыңар. Ырлажыңар, чүректериңер ханызындан Дээрги-Чаяакчыны алгап-йөрээңер.

Эфесчилерге 5:26

Христиан ниитилелди сугга чуп, арыглааш, Бодунуң сөзү-биле ыдыктап, аңгылап алыр дээш,

Колосчуларга 1:28

Кижи бүрүзүн Христос-биле харылзаазының ужун чедишкен кылдыр Бурганның мурнунга эккеп көргүзер дээш, улусту бисте бар-ла мерген угаан-биле айтып-сургап, өөредип, Христосту оларга суртаалдап турар бис.

Колосчуларга 1:9

Ынчангаш ол бүгүнүң дугайында дыңнап каан хүнүвүстен бээр силер дээш үзүк-соксаал чок мөргүп тур бис. Бурган силерге Сүлдеге башкарткан мерген угаан болгаш тодаргай угаашкын-биле Ооң күзел-соруун эң долу билип аар аргадан бээрин дилеп тур бис.

Колосчуларга 4:6

Кижи бүрүзүнге херектиг харыы тудуп шыдаар кылдыр, чугааңар үргүлчү чедингир болгаш чечен-мерген болзун.

1 Фессалоникчилерге 1:8

Дээрги-Чаяакчының медээзи ам силерни дамчып, чүгле Македония болгаш Ахаияга эвес, а чер болганга нептерей берген. Бурганга бүзүрээниңер кайда-даа билдингир апарган, бис ам ол дугайында чүнү-даа чугаалавайн барып боор бис.

1 Фессалоникчилерге 4:18

Ынчангаш ол сөстер-биле бот-бодуңарны аргалап чоруңар.

2 Фессалоникчилерге 3:15

Ындыг-даа болза, аңаа дайзыныңарга дег хамаарылга көргүспеңер, а ха-дуңмаңарны дег, билиндир сургаңар.

1 Тимофейге 6:17

Амгы амыдыралынга бай улусту таптыг сурга: адыыргавазыннар, идегел чок эртине-байлакка ынанмазыннар, харын бистиң сеткил ханар бүгү чүүлүвүстү элбээ-биле хандырып бээр Бурганга ынанзыннар.

2 Тимофейге 3:15

Ыдыктыг Бижилгелерни база чажыңдан-на билир сен. А Бижилгелер Христос Иисуска бүзүрээрин дамчыштыр кээр камгалалче аппаар мерген угаанны сеңээ берип шыдаар.

Титке 3:6

Бистиң Камгалакчывыс Иисус Христосту дамчыштыр Бурган бисти Ыдыктыг Сүлде-биле сиңниктир бүргээн.

Иаков 1:5

А кайы-бирээңерге мерген угаанны чедир бербээн болза, ол кижи Бургандан мөргүп дилезин. Бурган мерген угаанны хамык улуска чүрээниң ханызындан, чеме-хала чокка хайырлап турар болгаш, аңаа база бээр.

Иаков 3:17

А дээрден кээр мерген угаан, чүнү-даа мурнай, арыг, ол ышкаш тайбыңзырак, биче сеткилдиг, дыңнап билир, өршээлдиг, буянныг ажыл-херектери-биле бай, кымны-даа ылгай көрбес, ак сагыштыг боор.

Иаков 5:13

Кайы-бирээңер хилинчек көрген дижик? Ол кижи мөргүзүн. Кайы-бирээңер аас-кежиктиг болган дижик? Ол кижи Бурганга өөрүп четтирген ыдыктыг ырлар ырлазын.

1 Иоанн 2:14

Ада-иелер, силерге бижээн мен, чүге дээрге эң эгезинде бар турган Кижини билип алган-дыр силер. Аныяк оолдар, силерге бижээн мен, чүге дээрге күштүг-дүр силер, Бурганның сөзү силерде артып калган-дыр база эрликти тиилээн-дир силер.

1 Иоанн 2:24

Силерге хамаарыштыр алыр болза, ооң дугайында эң эгезинде-ле дыңнааныңар медээ сеткилиңерге артар ужурлуг. Ооң дугайында эң эгезинде-ле дыңнааныңар ол медээ сеткилиңерге артар болза, Оглу болгаш Адазы-биле тудуш харылзаалыг артар силер.

1 Иоанн 2:27

Ынчаарга Христостан алганыңар Ыдыктыг Сүлде силер-биле кады артар, ынчангаш улустуң силерни сургаан херээ чок; харын ол Сүлде силерни бүгү чүвеге өөредип турар. (Ол Сүлдениң өөредии меге эвес, а шынныг деп билиңер.) Ооң силерни өөреткени дег, Христос-биле харылзаалыг артар ужурлуг силер.

2 Иоанн 1:2

Ийе, бисти бүргеп турар шынның ачызында силерге ынак-тыр бис. Ол шын бистиң-биле кезээ мөңгеде тудуш харылзаалыг.

Ажыдыышкын 14:3

Дүжүлгениң баарынга, дөрт дириг амытан болгаш ирейлерниң мурнунга улус чаа ырны ырлажы берди. Ол ырны чүгле черниң улузундан адыргаш, хостап каан 144 000 кижи өөренип ап шыдаар турган.

Ажыдыышкын 15:3

Бурганның чалчазы Моисейниң ырын база Хураганның ырын ырлажып турдулар: «Бүрүн Күчүлүг Дээрги-Бурган-Чаяакчы, Сээң ажыл-херээң өндүр улуг, кайгамчык-тыр! Сээң оруктарың чөптүг болгаш алыс шынныг-дыр, бүгү чоннарның Хааны!

Ажыдыышкын 19:10

Мен ооң буттарынче доңгая кээп дүжүп, мөгеер деп чыттым, ынчалза-даа ол меңээ мынча диди: «Ынчанма, мен база-ла, сен дег, Иисусту шынныы-биле херечилээн акы-дуңмаларың дег, Бурганга бараан бооп чор мен. Бурганга мөгей!» (Иисусту шынныы-биле херечилээри – Бурганның медээчилерин сорук киирер чүве ол-дур.)

Ажыдыышкын 5:9

Олар чаа ырны ырлажы берди: «Дүрүгнү холга туткаш, таңмаларны адырарынга төлептиг сен! Чүге дээрге Сен өргүлге салдырткаш, Бодуңнуң ханың-биле төлээш, янзы-бүрү дылдарлыг аймак, чон, сөөк-язы бүрүзүнден улусту Бурганга дээш хостап алган сен!