Колосчуларга 2:6 - Ыдыктыг Библия

⁶ Бир-тээ Христос Иисусту Дээргивис деп хүлээп көрген болганыңарда, Ооң-биле харылзаалыг амыдыраңар.

Колосчуларга 2:6 Iomraidhean Croise

Исайя 2:5

О, израиль чон, Дээрги-Чаяакчының чырыынга бүргедип чурттаалы че!

Михей 4:2

эңдерик чоннар аңаа чыглып кээр. Олар бот-боттарынга: «Барып, Дээрги-Чаяакчының даанче, Иаковтуң Бурганының өргээзинче үне берээли. Бурган бисти Ооң оруктары-биле чоруурунга өөредип каар, бис Ону эдерер бис» – дижир. Сиондан ыдыктыг хоойлу дүжүп кээр, Иерусалимден Дээрги-Чаяакчының сөзү тараар.

Матфей 10:40

Силерни хүлээп аар кижи Мени хүлээп ап турары ол, а Мени хүлээп аар кижи Мени айбылап чоруткан Адамны хүлээп ап турары ол.

Иоанн 13:20

Алыс шынны силерге чугаалап тур мен: Мээң айбылап чоруткан кижимни хүлээп аар кижи Мени хүлээп ап турары ол, а Мени хүлээп алган кижи Мени айбылап чоруткан Адамны хүлээп ап турары ол».

Иоанн 14:6

Иисус: «Мен дээрге орук, алыс шын база амыдырал-дыр мен. Чүгле Мени таварты дээрден башка, кым-даа Адамга кээп шыдавас – деп харыылаан. –

1 Коринфичилерге 1:30

Бурганның ачызында силер ам Христос Иисуска башкарты берген силер. Бурганның мерген угааны биске Ону дамчыштыр боттанган. А ол мерген угаан бисти актыг болгаш ыдыктыг кылып кааш, бачыттардан хостаан.

2 Коринфичилерге 5:7

(Бис каракка көстүр чүүл-биле эвес, а бүзүрел-биле амыдырап турар болгай бис.)

Галатчыларга 2:20

Ынчангаш ам мен бодум эвес, а мээң-биле сырый харылзаа туткан Христос амыдырай берген. Бо мага-бодумга амгы амыдыралым дээрге меңээ ынак болгаш, мен дээш Бодун өргүлге салган Бурганның Оглунга бүзүрээним ачызында амыдырап чоруурум-дур.

Галатчыларга 3:26

Христос Иисуска бүзүрээниңерниң ачызында силер шупту Бурганның оолдары апарган силер.

Эфесчилерге 4:1

Ынчангаш мен, Дээрги-Чаяакчыга хамааржырым дээш хоругдаттырган кижи, силерден дилеп тур мен: Бурганның силерни ол дээш кый деп алганы хүлээлгеңерге төлептиг амыдыраңар.

Филипчилерге 1:27

Чүү-даа болур болза, Христостуң Буянныг Медээзинге төлептиг бооп амыдыраңар. Силерни суглуг караам-биле кээп көргеш-даа азы силерниң дугайыңарда чүгле ырактан дыңнааш-даа билип алыр болзумза, сагыш-сеткилиңер эви чайгылыш чогун база Буянныг Медээде медеглээн бүзүрел дээш эгин кожа турарыңарны билип ап чорууйн.

Колосчуларга 1:10

Дээрги-Чаяакчыга төлептиг амыдырал-биле амыдыраарыңар дээш; Ооң сеткили ханар бүгү чүүлдерни кезээде кылырыңар дээш; кандыг-даа буянныг ажыл-херээңерниң үре-түңнелдиг боору дээш база Бурган дугайында билииңерниң өзери дээш, мөргүп келдивис.

Колосчуларга 3:17

Кылып турар бүгү чүүлдериңер – сөстер-даа, ажыл-херек-даа Дээрги Иисустуң ады-биле болуп турзун, Бурган Адага Ону дамчыштыр өөрүп четтириңер.

1 Фессалоникчилерге 4:1

Түңнелинде, ха-дуңма, Дээрги Иисустуң ады-биле силерден ээрежип база кыйгырып тур бис: Бурганга таарымчалыг кылдыр канчаар амыдыраар ужурлуун силерге өөредип каанывыс дег, улаштыр ынчалдыр амыдыраңар. Ам безин ынчалдыр амыдырап турар силер, ындыг-даа болза, ынчаар амыдыраарын оон-даа чүткүлдүг уламчылаңар.

Еврейлерге 3:14

Эгезинде бар турган бүзүреливисти эчизинге чедир сагыыр болзувусса, Христос-биле кады чаңгыс баг апарганывыс ол-дур.

1 Иоанн 2:6

«Бурган-биле харылзаалыг амыдырап чор мен» дээр кижи Иисустуң амыдырап чорааны дег амыдыраар ужурлуг.

1 Иоанн 5:20

Ол ышкаш Бурганның Оглунуң келгенин база алыс шын Бурганны билип алзыннар дээш, биске угаап билиишкинни эккелгенин билир бис. Ынчангаш бис алыс шын Бурган-биле сырый харылзаалыг амыдыраар бис, чүге дээрге Ооң Оглу Иисус Христос-биле харылзаалыг-дыр бис. Ол дээрге алыс шын Бурган-дыр, Ол дээрге мөңге амыдырал-дыр.

Иуда 1:3

Ханы ынак эш-өөр, бистиң ниитизи-биле алганывыс камгалал дугайында бижиирин аажок күзеп турдум, ынчалза-даа Бурганның Бодунуң улузунга чаңгыс удаа болгаш кезээ мөңгеде хайырлааны бүзүрел дээш чүткүлдүг туржурун силерден күштүү-биле дилеп, чагаа бижиири эргежок чугула деп көрдүм.