Колосчуларга 2:4 - Ыдыктыг Библия

⁴ Кым-даа силерни ааска чаагай оптуг сөстер-биле дуурайлап шыдавазын дээш, силерге ону чугаалап тур мен.

Колосчуларга 2:4 Iomraidhean Croise

Матфей 24:24

Чүге дээрге боттарын „Христос мен“ дээр азы „Медээчи мен“ дээр улус тыптып келгеш, болдунар-ла болза, Бурганның шилип алган улузун безин мегелээр дээш, өндүр улуг бадыткал демдектери болгаш кайгамчык чүүлдер көргүзер.

Матфей 24:4

Иисус оларга мынча деп харыылаан: «Кандыг-даа улуска дуурайладып аарындан кичээниңер.

Марк 13:22

Ол үеде боттарын „Христос мен“ база „Бурганның медээчизи мен“ дижип чоруур улус тыптып кээр. Болдунар-ла болза, Бурганның шилип алган улузун безин мегелээр дээш, олар силерге янзы-бүрү бадыткал демдектери болгаш кайгамчык чүүлдер көргүзер.

Ажыл-чорудулга 20:30

Бүзүрээннер оларны эдерзин дээш, алыс шынны соора өөреди бээр улус силерниң араңарга безин тыптып кээр.

1 Коринфичилерге 2:4

А мээң медеглээн сөзүм биле суртаалым мерген угаан болгаш бүзүренчиг сөстер-биле эвес, а Сүлдениң күчүзүн бадыткааны-биле салдарлыг бооп турган.

2 Коринфичилерге 11:3

Ынчалза-даа, Еваның авыяас чыланга мегеледип алганы дег, силерниң угааныңар база дуурайладыпкаш, Христоска ак сеткилдиг болгаш арыг бердиниишкинден чайлай бербес ирги бе деп сестир-дир мен.

Галатчыларга 2:4

Ол айтырыг чүгле бүзүрээн ха-дуңмавыс бооп баажыланган улус бистиң аравысче, шивишкиннер дег, шургуп кирип кээрге, көдүрлүп үндү. Олар Христос Иисустуң ачызында бисте бар хосталгавыс дугайында хайгыылдап билип алгаш, бисти катап-ла кулданып алыр бодадылар.

Эфесчилерге 4:14

Бис ынчан янзы-бүрү өөредиглерниң чалгыглары болгаш хаттарынга, кажарлап амдажаан улустуң оптуг мегезинге ужур шаптырткан бичии уруглар эвес боор бис.

Эфесчилерге 4:17

Ынчангаш мен ол бүгүнү чугаалап, Дээрги-Чаяакчының адындан ыяк чагып тур мен: хоозун бодал-сагыштыг бүзүрели чок улус дег амыдыраваңар.

Эфесчилерге 5:6

Силерни кым-даа хоозун сөстер-биле дуурайлавазын! Чүге дээрге чогум-на ол чүүлдер дээш, Бурганның килеңи Ону дыңнавастарже халдаар.

Колосчуларга 2:18

Томаараан бооп баажыланганындан мага ханып, дээрниң төлээлеринге мөгейип, көрген ажыдыышкыннарынга ооргаланып, өрү көрдүнүп чоруур улустуң силерни буруу шава бээрин болдурбаңар. Олар чүгле кижиниң угаан-бодалын барымдаалаар болгаш, хей-ле улуургаарлар.

Колосчуларга 2:8

Кичээниңер: силерни кандыг-бир кижи Христостан эвес, а улустуң чаңчылдарындан, бо делегейни башкарган хоойлу-дүрүмнеринден укталган меге хоозун угаашкыннар-биле дуурайлап кааптазын.

2 Тимофейге 2:16

А Бурганны дорамчылаан хоозун чугаалардан чайлап чор. Оларга алзыпкан кижи Бургандан улам-на ырап бар чыдар.

2 Тимофейге 3:13

А бузуттуглар болгаш хуурмак хейлер багынга улам өнемчип, өскелерни будулдурар, оон боттары база будулар.

1 Иоанн 2:18

Ажы-төлүм! Сөөлгү шаг-үе келген-дир. Христостуң удурланыкчызының кээриниң дугайында канчаар дыңнааныңар дег, Ооң хөй удурланыкчылары амдыгааштан ынчалдыр көстүп келгеннер. Сөөлгү шаг-үе келген дээрзин оортан билип алыр бис.

1 Иоанн 2:26

Силерни дуурайлаарын кызып турар улустуң дугайында мен ол бүгүнү силерге бижээним бо.

1 Иоанн 4:1

Ханы ынак эш-өөр, «Өттүр билип медеглээр сүлделиг мен» дээр кижи бүрүзүнге-ле бүзүревеңер, харын оларның сүлделери Бургандан келген бе дээрзин үргүлчү хынап көрүңер. Чүге дээрге бо делегейге хөй санныг меге медээчи келгеш, тарай берген-дир.

2 Иоанн 1:7

Иисус Христос чер кырынче кижи мага-боттуг чедип келген дээрзин хүлээп көрбес хөй санныг мегечилер бо делегейде чоруп турар. Олар дег кижи бүрүзү мегечи-дир база Христостуң удурланыкчызы-дыр.

Ажыдыышкын 12:9

Бүгү делегейни дуурайлаан, эрлик база удурланыкчы деп адаткан ол аажок улуг улу, шаандагы чылан бодунуң төлээлери-биле кады черже дүжүр октаттырыпты.

Ажыдыышкын 13:8

Чер кырында чурттаан хамык улус – өртемчейни чаяарының бетинде-ле өргүлге салган Хураганда бар амыдыралдың номунче аттарын киир бижээннеринден өскелери, араатанга мөгейдилер.

Ажыдыышкын 20:3

Дээрниң төлээзи улуну тамыже киир октааш, үнер черин хаггаш, таңмалап кагды. Ынчаар орта демги улу муң чыл төнмээнде, делегейниң чоннарын оон ыңай мегелээр харыы чок апарган. А ооң соонда ону үр эвес үеде хостаар ужурлуг.

Ажыдыышкын 20:8

Ол чер кырында тоо быдараан Гог биле Магогту дуурайлап чоруп каар. Эрлик оларны чаалажыры-биле чыып аар, олар далай эриинде элезин дег хөй болур.