Колосчуларга 2:2 - Ыдыктыг Библия

² Бүгү ол улус Бурганның чажыды – Христосту билип алгаш, ол долу билиг-биле бажын ажыр байызыннар дээш, оларның чүректерин ынакшылдың чештинмес доңу-биле доңнап, сорук киирер дээш демисежип келдим.

Колосчуларга 2:2 Iomraidhean Croise

3 Хааннар 3:28

Хаанның үндүрген шииткелин дыңнааш, бүгү Израиль ону ханы хүндүлеп эгелээн, чүге дээрге аңаа шынныг шииткел үндүрерде хереглээр Бурганның мерген угаанын хайырлаан болган.

Ырлар 133:1

Дээрги-Чаяакчының өргээзинде дүне безин бараан бооп турар Ооң бүгү чалчалары, Ону алгап-йөрээңер!

Исайя 32:17

Чөптүг чоруктуң үре-түңнели амыр-тайбың болур, шынныг чорук оожургал биле айыыл чок чорукту кезээ мөңгеде доктаадыр.

Исайя 40:1

«Мээң чонумну аргалаңар-ла, аргалаңар! – деп, Бурганыңар чугаалап тур. –

Исайя 53:11

Ол сагыш-сеткили шагзырадыр ажылдаан соонда, чырыкты көрүп каар, билип алган чүвези дээш сеткили ханар. «Мээң чөптүг-шынныг чалчам хөй улусту агартып, оларның бачыттарын боду чүктээр.

Иеремия 9:24

Мактаныр бодаан кижи чүгле Мени танып, билип алганы дээш мактанзын. Чүге дээрге Мен – энерелди боттандырып чоруур, чер кырынга шын шииткел биле чөптүг-шынныг чорукту боттандырып чоруур Дээрги-Чаяакчы-дыр мен, Меңээ таарымчалыг чүүл ол-дур».

Матфей 11:25

Иисус ол өйде мынча дээн: «Ачай, дээр биле черниң Дээргизи! Бо чүүлдерни мерген угаанныглар болгаш эртем-билиглиглерден чажыргаш, чаштарга көргүскениң дээш, Сени алдаржыдып тур мен!

Матфей 11:27

Бүгү чүүлдү Адам Меңээ хүлээдип берген. Адазындан аңгы кым-даа Оглун билбес, Оглу болгаш Оглунуң ону айтып бээрин күзээн улузундан өске кым-даа Адазын база билбес».

Матфей 13:11

Иисус мынча деп харыылаан: «Силерге Дээрниң Чагыргазының чажыттарын билип алырын хайырлаан-дыр, а оларга ону хайырлаваан-дыр.

Лука 1:1

Бистиң аравыска болган болуушкуннар дугайында тоожуушкуннарны элээн хөй кижи бижип шенээн болгай.

Иоанн 10:30

А Адам биле Мен – тудуш чаңгыс бис».

Иоанн 10:38

А Мен ону кылып турар болзумза, Мээң чугаамга бүзүревейн-даа турзуңарза, Мээң ажыл-херээмге бүзүреңер! Адамны – Мээң-биле сырый харылзаалыг, а Мени – Адам-биле харылзаалыг дээрзин ынчан медереп билип алыр силер».

Иоанн 16:15

Адамда бар бүгү чүве Мээңии-дир. Ынчангаш Сүлдениң Менден алгаш, силерге дамчыдып бээрин чугааладым.

Иоанн 17:3

А мөңге амыдырал дээрге-ле дың чаңгыс алыс шын Бурган болур Сени база Сээң айбылап чорутканың Иисус Христосту билип алыры болгай.

Иоанн 5:17

Ынчаарга Иисус оларга: «Мээң Адам үргүлчү ажылдаар-дыр, Мен база ынчаар кылыр ужурлуг мен» – дээн.

Иоанн 5:23

Бүгү улустуң Адазын хүндүлеп көөрү дег, олар Оглун база хүндүлеп көрзүн дээш, Ооң ынчанганы ол-дур. Оглун хүндүлеп көрбес кижи Ону айбылап чоруткан Адазын база хүндүлеп көрбейн турар-дыр.

Иоанн 6:69

Бис ам Силерге бүзүрей бердивис база Силерни Бурганның Ыдыктыг Төлээлекчизи деп билип алдывыс».

Ажыл-чорудулга 4:32

Бүзүрээн улустуң сагыш-сеткил болгаш угаан-бодалы чаңгыс аай апарган. Оларның кайызы-даа бодунуң эт-хөреңгизин «Чүгле бодумнуу-дур» дивээн, харын оларда бар бүгү чүве ниити болуп турган.

Римчилерге 15:13

Идегелдиң үнер дөзү боор Бурган силерни бүзүрелиңер дамчыштыр өөрүшкү болгаш амыр-тайбың-биле бүргезин, ооң уламында Ыдыктыг Сүлдениң күжү-биле идегелиңер соксаал чок өзүп-көвүдезин.

Римчилерге 16:25

Мээң медеглээним Буянныг Медээни база Иисус Христос дугайында суртаалымны дамчыштыр силерни бүзүрелге быжыктырып шыдаар Бурганга алдар. Христостуң ол Буянныг Медээзи дээрге хамык үелерниң мурнундан бээр чажырып келген чажыт-тыр,

Римчилерге 2:4

Азы сен Ооң өндүр улуг ачы-буянын, кеземче онаавас өршээлдиин, шыдамыын тооп көрбезиң ол бе? Бурганның буянныг сеткили сени бачыдың миннип, Олче эглиринче эккел чыдарын билбезиң ол бе?

1 Коринфичилерге 14:31

Чүге дээрге бүгү улус өөрензин дээш база бүгү улуска аргалал бээр дээш, шуптуңар ээлчег аайы-биле өттүр билип медеглеп боор силер.

1 Коринфичилерге 2:12

А бис бо делегейге хамааржыр сүлдени хүлээп албаан бис. Харын Бурганның Сүлдезин хүлээп алган бис, ынчангаш Ооң биске хайырлаан чүүлдерин билип ап шыдаар бис.

Галатчыларга 3:28

Моон соңгаар иудей биле өске чоннар кижизиниң, кул биле хостуг кижиниң, эр биле херээжен кижиниң аразында ылгал чок – силер шупту Христос Иисус-биле сырый харылзаалыг чаңгыс чаа улус силер.

Эфесчилерге 1:7

Бис Христостуң өлүмүн дамчыштыр хосталып, бачыттарывыс дээш өршээл алдывыс. Бурганның авыралы ындыг элбекшилдиг-дир!

Эфесчилерге 3:16

Бурган Бодунуң өндүр-чаагай эртине-байлаандан силерге күштү хайырлазын дээш, Бодунуң Сүлдезин дамчыштыр угаан-сагыжыңарны быжыктырзын дээш, мөргүп тур мен.

Эфесчилерге 3:3

Мээң үстүнде каксы бижээним дег, Ооң ол чажыдын ажыдыышкын дамчыштыр билип алган мен.

Эфесчилерге 6:22

Бистиң дугайывыста дыңнааш, чүректериңер сорук кирзин дээш, мен ону силерже ылап-ла ол сорулга-биле чорудуп тур мен.

Филипчилерге 2:1

Ынчангаш Христоска башкарткан амыдырал силерни канчаар-даа сорук киирер болза, Ооң ынакшылы силерге кандыг-даа аргалалды хайырлаар болза, Сүлде-биле кандыг-даа харылзаалыг болзуңарза, кандыг-даа энерел болгаш кээргээр сеткил силерде бар болза,

Филипчилерге 3:8

Ол туржук, мээң Дээргим Христос Иисусту билип алырының өндүрүнге деңнээрге, өске бүгү чүүл шуут херек чок деп санап тур мен. Иисусту бодааш, өске бүгү чүүлдү өдек дег үндүр октапкан мен. Чүгле Христос-биле харылзаам бар болзун,

Колосчуларга 1:26

А ол медээ – бүгү салгалдардан бүгү үелерде чажырып келген чажыт-тыр. Бурган ам ол чажытты Бодунуң улузунга ажыдып берген.

Колосчуларга 1:27

Өске бүгү чоннарның аразынга кайы хире өндүр-чаагай эртине-байлак ол чажытта барын Бурган Бодунуң улузунга ажыдар бодаан. А ук чажыт – Христостуң силер-биле сырый харылзаалыында. Христос дээрге Бурганның өндүр-чаагайындан үлүг алыр идегелиңер-дир.

Колосчуларга 1:9

Ынчангаш ол бүгүнүң дугайында дыңнап каан хүнүвүстен бээр силер дээш үзүк-соксаал чок мөргүп тур бис. Бурган силерге Сүлдеге башкарткан мерген угаан болгаш тодаргай угаашкын-биле Ооң күзел-соруун эң долу билип аар аргадан бээрин дилеп тур бис.

Колосчуларга 2:19

Ындыгларда мага-боттуң Бажы-биле харылзаа чок. А ол Баштың бүгү кезектери сиирлер болгаш чүстер дузазы-биле каттыжып тудушкан бүдүн мага-ботту башкарарга, мага-бот бүрүнү-биле Бурганның күзеп-бодаанын ёзугаар өзүп-мандыыр.

Колосчуларга 3:14

А чүнүң-даа кырынга бүгүдени дээди чаңгыс эп кылдыр тудуштурар ынакшыл турар болзун.

Колосчуларга 4:3

Бис дээш база Бурган медээвиске орукту ажыдып берип, Христостуң чажыдын суртаалдаар арганы биске берзин дээш, мөргүңер. Ол суртаал ужун мен ам хоругдал адаанда тур мен.

Колосчуларга 4:8

Ону силерже чорудуп турар сорулгам мындыг: ол бистиң канчаар амыдырап-ажылдап турарывысты силерге дыңнаткаш, сеткил-сагыжыңарны сорук киирзин.

1 Фессалоникчилерге 1:5

Чүге дээрге бистиң эккелгенивис Буянныг Медээ силерге чүгле сөс кырында эвес, а күчүлүү-биле, Ыдыктыг Сүлдениң шынзыткан бадыткалы-биле чедип келген. Араңарга тургаш, силерге буянныг болзун дээш, канчаар амыдырап келгенивисти көрген болгай силер.

1 Фессалоникчилерге 3:2

А силерже Тимофейни, Христостуң дугайында Буянныг Медээни суртаалдаар кижини, Бурганның ажыл-херээнге бистиң-биле деңге ажылдаан дуңмавысты, чоруттувус. Ол силерни сорук киирзин база бүзүрелиңер быжыктырзын деп бодаан бис.

1 Фессалоникчилерге 5:14

Ха-дуңма, күштүү-биле дилеп тур бис: ажыл кылбас чалгааларны билиндириңер, кортуктарны сорук киириңер, кошкактарга чөленгииш болуңар, хамык улус-биле чымчак, чазык болуңар.

1 Тимофейге 3:16

Ийет, маргыш чок, чүдүлгевистиң чажыды өндүр улуг: Христос кижи мага-боттуг бооп чедип келген, Ооң чөптүг-шынныын Сүлде көргүскен, Ону дээрниң төлээлери көрген, Ооң дугайында Буянныг Медээни элчиннер аймак-чоннарга суртаалдаан, бо делегейниң улузу Аңаа бүзүрей берген база Ол Бодунуң өндүр бедиин көргүзүп, дээрже көдүрлүп үне берген.

Еврейлерге 10:22

Ындыг болганда, ажыт-чажыт чок чүректерлиг; бүзүрелинге бүргедипкен; чүректеривисти кем-буруулуг арын-нүүрден бызай чажып туруп арыглап алган база мага-бодувусту арыг суг-биле чуп алган бооп, Бурганче чоокшулап көрээлиңер.

Еврейлерге 6:11

Шак ындыг кызымааңарны кайыңар-даа эчизинге чедир көргүзерин күзеп тур мен. Ынчан идегелиңер бүрүн боттаныр деп магадылалды алыр силер.

2 Пётр 1:10

Ха-дуңма, ынчангаш Бурганның силерни кыйгырганын база шилип алганын бадыткаар дээш, улам чүткүлдүг болуңар. Ынчаар кылзыңарза, кажан-даа илдигип кээп дүшпес силер.

2 Пётр 1:3

Амыдыраарынга база Бурганны хүндүлээринге херек бүгү чүүлдү биске Ол Бодунуң күжү-биле хайырлаан, чүге дээрге бисти өндүр-чаагай, буянныг сеткили-биле кыйгырган Бурганны билип алган бис.

2 Пётр 3:18

Авыралга база Дээргивис болгаш Камгалакчывыс Иисус Христосту билип аарынга улам өзүп-мандыңар. Ам-даа, кезээ мөңгеде-даа Аңаа алдар доктаазын! Аминь.

1 Иоанн 3:19

Ооң ачызы-биле алыс шындан төрүттүнгенивис билдине бээр база арын-нүүрүвүс бисти буруудадып-даа турар болза, Бурганның мурнунга дөмей-ле сорук кирип шыдаар бис, чүге дээрге Бурган бистиң арын-нүүрүвүстен артык улуг база Ол бүгү чүүлдү билир.

1 Иоанн 5:7

Ындыг-дыр деп херечилээн үш херечи бар: