Колосчуларга 2:13 - Ыдыктыг Библия

¹³ Бир шагда кыртыжап демдектеттирбээн бачыттыглар турганыңар ужун өлүг чордуңар. Ынчалза-даа Бурган ам силерни Христос-биле кады тынгарыпкан. Ол бистиң бүгү бачыттарывысты өршээген.

Колосчуларга 2:13 Iomraidhean Croise

Ырлар 32:1

Чөптүг-шынныг улус, Дээрги-Чаяакчы дээш өөрүп-байырлаңар! Бурганны алгап-мактаан сөстер ак сагыштыг улустуң аксы-дылынга эптежир.

Ырлар 71:20

Иессейниң оглу Давидтиң мөргүлдери мооң-биле төнген-дир.

Исайя 1:18

Чедип келиңер, бо бүгүнү кады үзе шиитпирлеп көрээли – деп, Дээрги-Чаяакчы чугаалап тур. – Силерниң бачыттарыңар кып-кызыл өңнүг-даа болза, хар ышкаш ак апаар; бачыттарыңар хүрең-кызыл будук дег-даа болза, ак хой дүгү дег апаар!

Исайя 55:7

Бузуттуг кижи бодунуң оруундан, бачыттыг кижи – бодунуң кара сагыжындан ойталазын; олар Дээрги-Чаяакчыже ээлзиннер – Ол оларны кээргээр, Бурганывысче ээлзиннер – Ооң өршээли элбек болгай.

Иеремия 31:34

Моон соңгаар кым-даа өске кижини, бодунуң ха-дуңмазын, сургап: „Дээрги-Чаяакчыны билип алыңар!“ – дивес, чүге дээрге олар шупту, улуг-бичези чокка, Мени билген турар – деп, Дээрги-Чаяакчы медеглээн. – Мен оларның кем-буруузун өршээр мен, оларның бачыттарының дугайында оон ыңай сагынмас мен».

Лука 15:24

Чүге дээрге мээң бо оглум өлүг тургаш, ам дирлип келген-дир, чидип чорааш, ам тыптып келген-дир“. Ынчангаш олар байырлап-дойлап эгелээн.

Лука 15:32

Сээң бо дуңмаңның өлүг тургаш, ам дирлип келгени дээш база чидип чорааш, ам тыптып келгени дээш өөрүп-хөглевейн, чүү дээш өөрүп-хөглээр бис?!“»

Лука 9:60

А Иисус аңаа: «Өлүглер боттарының өлүг кижилерин хөөржүдүп тургай аан, а сен чоруткаш, Бурганның Чагыргазының дугайында медегле» – деп харыылаан.

Иоанн 5:21

Адазының өлүглерни канчаар диргизип, оларга амы-тынны хайырлап турары дег, Оглу база-ла күзээн улузунга амы-тынны хайырлаар.

Иоанн 6:63

Амы-тынны чүгле Сүлде бээр, а кижиниң күжү ынай-даа ажыглаттынмайн турар. Мээң силерге чугаалаан сөстерим – амы-тынны бээр Сүлде ол-дур.

Римчилерге 4:17

Бижилгеде Бурган аңаа мынча дээн болгай: «Мен сени хөй чоннарның адазы кылып кагдым». Ынчангаш өлүглерни тынгарыптар, чок чүвени Бодунуң күзел-соруу-биле бар кылыптар Бурганга Авраам бүзүрей берген.

Римчилерге 6:13

Мага-бодуңарның кандыг-бир кезектери, бузуттуң чепсектери бооп, бачытка ажыглаттырып аарын соксадыңар. Ооң орнунга, өлүмден амыдыралче ээлген улусту дег, бүгү бодуңарны Бурганның бүрүн ажыглаар эргезинге бериптиңер. Мага-бодуңарның кезектери база буянның чепсектери бооп, Ооң ажыглалынче кирзиннер.

Римчилерге 8:11

Иисусту өлүглер аразындан катап диргискен Бурганның Сүлдези силер-биле кады амыдырай берген болза, Христосту катап диргискен Бурган силер-биле кады амыдырай берген Бодунуң Сүлдезин дамчыштыр өлүр салымныг мага-бодуңарны тынгарыптар.

1 Коринфичилерге 15:36

Сээдеңиңни! Сээң тарып турар үрезиниң, өлбээн шаанда, тынгарлып, өзүп үнмес.

1 Коринфичилерге 15:45

Бижилгеде: «Баштайгы кижи боор Адам амылыг апарган» деп бижээн-даа болгай. А сөөлгү Адам мөңге амыдыралдың үнер дөзү апарган.

2 Коринфичилерге 3:6

Ол биске Чаа Чагыг-керээге бараан боор арга-шинекти хайырлаан. Чаа Чагыг-керээде үжүк азы бижимел ыдыктыг хоойлу эвес, а Сүлде кол черни ээлеп турар. Чүге дээрге үжүк өлүмге чедирер, а Сүлде амы-тынны хайырлаар.

2 Коринфичилерге 5:19

Бурган кижи төрелгетенниң кем-буруузун ооң кырынче дүжүрбейн, Христосту дамчыштыр Бодун бо делегей-биле эптештиргеш, эптежилге дугайында медээни тарадырын биске дааскан.

Эфесчилерге 2:1

Боттарыңарның кемниг херектериңер ужун база бачыттарыңар ужун өлүг чораан силер.

Эфесчилерге 2:11

Ынчангаш силер, төрүмелинден «кыртыжап демдектетпээннер» деп адаткан өске чоннар улузу (мага-ботту кижи холу-биле кыртыжап демдектээр ёзулалды эртип алган иудейлер силерни ынча дээр), мону утпаңар:

Эфесчилерге 5:14

А чырыктың көскү кылыпканы бүгү чүүл боду база чырык апаар. Ынчангаш мынча деп чугаалаар бис: «Удаан кижи, оттуп кел! Өлүг кижи, дирлип кел, сени ынчан Христос херелдендир чырыдыптар!»

Колосчуларга 2:12

Силер сугга суктуруп тура, Христос-биле кады ажааттыргаш, а оон Ону өлүглер аразындан ковайтыпкан Бурганның күчүзүнге бүзүрээниңер дамчыштыр Ооң-биле кады катап дирилген силер.

1 Тимофейге 5:6

А бодунуң таалалын сүрүп чурттаан дулгуяк херээжен диригге-ле өлүп калган боор.

1 Тимофейге 6:13

Бүгү чүүлдерни тынгарган Бурганның база ол-ла бүзүрелди Понтий Пилаттың мурнунга ажыы-биле тулган эки херечилээн Христос Иисустуң мурнунга сеңээ чагып тур мен:

Еврейлерге 6:1

Ынчангаш Христос дугайында өөредигниң эге билиглерин артывыска арттырып кааш, чедишкен улуг улус апарып көрээли. База катап эге үндезин салбаалы: өлүмче аппаар херектерден ойталааш, Бурганга бүзүрээрин катап шиңгээтпээли;

Еврейлерге 9:14

четпес-дудуу эвес өргүл кылдыр Бодун мөңге Сүлде дамчыштыр Бурганга салган Христостуң ханы оон кайы хире дээштиг деп?! Ооң ханы арын-нүүрүвүстү өлүмче эдертип аппаар херектерден арыглааш, дириг Бурганга бараан боор арганы биске хайырлаар болгай.

Иаков 2:17

А Бурганга бүзүрел база ындыг – ол чүгле боду, ажыл-херектер чокта, өлүг боор.

Иаков 2:20

Хос баштыг сени-даа! Бүзүрел ажыл-херек чокта ажык чок дээрзин көрбейн турарың ол бе?

Иаков 2:26

Шак-ла ынчаар, мага-боттуң амы-тын чокта өлүү дег, Бурганга бүзүрел база ажыл-херек чокта өлүг.

1 Иоанн 2:12

Ажы-төл, силерге ол дугайында бижидим, чүге дээрге Христостуң ачызында бачыттарыңар өршээттинген-дир.