Колосчуларга 2:12 - Ыдыктыг Библия

¹² Силер сугга суктуруп тура, Христос-биле кады ажааттыргаш, а оон Ону өлүглер аразындан ковайтыпкан Бурганның күчүзүнге бүзүрээниңер дамчыштыр Ооң-биле кады катап дирилген силер.

Колосчуларга 2:12 Iomraidhean Croise

Лука 17:5

Дээрги Иисустуң элчиннери бир-ле катап Аңаа: «Бүзүреливисти өстүрүп көрүңер» – дээннер.

Ажыл-чорудулга 14:27

Олар дедир ээп келгеш, христиан ниитилелин чыггаш, Бурганның оларны дамчыштыр кылган бүгү ажыл-херээниң дугайында база Ооң өске чоннар улузунга бүзүрелдиң оруун канчаар изээнин чугаалап бергеннер.

Ажыл-чорудулга 2:24

Ынчалза-даа Бурган Ону катап диргискеш, өлүмнүң туттуруундан хостап кагды, чүге дээрге өлүм Аңаа күш четпес болган-дыр.

Ажыл-чорудулга 2:32

Бурган Иисусту катап диргискен, а бис шупту ооң херечилери болдувус!

Римчилерге 4:24

а биске база хамааржыр. Дээргивис Иисусту өлүглер аразындан катап диргискен Бурганга бүзүрээнивис ачызында бис база Ооң мурнунга актыг деп санаттырар бис.

Римчилерге 7:4

Силер-биле база ындыг боор, ха-дуңма. Өлүглер аразындан катап дирилген өске Кижиге хамааржыр дээш база Бурганга шынчыңарның үре-түңнелин көргүзер дээш, Христостуң мага-бодунуң кезик-чамдыызы апарып, ыдыктыг хоойлуга хамаарыштыр өлген силер.

1 Коринфичилерге 12:13

Иудейлер азы өске чоннар улузу-даа, кулдар азы хостуг улус-даа, шуптувус чаңгыс мага-бот болур дээш, чаңгыс Сүлдеге суктурган бис. Шуптувус чаңгыс-ла ол Сүлдеден «ижип алган бис».

1 Коринфичилерге 15:20

Ынчалза-даа Христос херек кырында өлүглер аразындан катап дирилген. Ындыг чоруктуң Эгелекчизи ол болган!

Галатчыларга 3:27

Христостуң ады-биле сугга суктургаш, силер шуптуңар Христосту «кедип алдыңар».

Эфесчилерге 2:8

Ийе, силер Бурганның авыралы-биле бүзүрелиңер дамчыштыр камгалал алган силер. Ол дээрге силерниң ачы-хавыяаңар эвес, а Бурганның белээ-дир!

Эфесчилерге 3:17

Бүзүрелиңер ачызында, Христос чүректериңерге амыдырай берзин дээш, а ынакшыл – дазылыңар болгаш үндезиниңер болзун дээш, мөргүп тур мен.

Эфесчилерге 3:7

Ооң күчү-күжүнүң салдарын дамчыштыр меңээ элбээ-биле хайырлаан Бурганның авыралының ачызында, ол Буянныг Медээниң бараан болукчузу апарган мен.

Эфесчилерге 4:5

Чүгле чаңгыс Дээрги-Чаяакчы, чаңгыс бүзүрел база чаңгыс сугга суктурары бар.

Эфесчилерге 5:14

А чырыктың көскү кылыпканы бүгү чүүл боду база чырык апаар. Ынчангаш мынча деп чугаалаар бис: «Удаан кижи, оттуп кел! Өлүг кижи, дирлип кел, сени ынчан Христос херелдендир чырыдыптар!»

Филипчилерге 1:29

Чүге дээрге силерге Христоска чүгле бүзүрээр эвес, а Ол дээш хилинчек көөр онза эргени хайырлаан.

Колосчуларга 1:29

Ол сорулганы боттандырар дээш карак кызыл ажылдап, Христостуң меңээ бергени бүгү чүткүл-күжүм-биле демисежип чоруурум бо-дур.

Колосчуларга 2:13

Бир шагда кыртыжап демдектеттирбээн бачыттыглар турганыңар ужун өлүг чордуңар. Ынчалза-даа Бурган ам силерни Христос-биле кады тынгарыпкан. Ол бистиң бүгү бачыттарывысты өршээген.

Еврейлерге 12:2

Бүзүреливистиң Баштакчызы болгаш Эчизинге чедирикчизи Иисустан карак салбаалы. Ону манап турар өөрүшкү дээш, Ол белдир-ыяшка өлүмнү шыдажып эртип, бужар байдалга киргенин-даа херекке албайн, Бурганның дүжүлгезиниң оң талазынга барып олурупкан.

Еврейлерге 6:2

сугга суктуруушкуннар, улуска холдар дегзири, өлүглер аразындан катап дирлири болгаш мөңге шииткел дугайында өөредигни катап шиңгээтпээли.

1 Пётр 3:21

Ол суг дээрге ам-даа силерни камгалап турар сугга суктурарын үлегерлей көргүскени-дир. Сугга суктурары – мага-боттуң хирин чууру эвес, а арыг арын-нүүрлүг чурттаарын Бурганга аазаары-дыр. Иисус Христостуң катап дирилгенин дамчыштыр ол чорук силерни камгалаар.