Колосчуларга 1:18 - Ыдыктыг Библия

¹⁸ Ол мага-боттуң (азы христиан ниитилелдиң) база Бажы. Ол – эң улуг Оглу, өлүглер аразындан катап дирилген улустуң баштайгызы, бүгүдениң эге дөзү, ынчангаш Ол бүгү чүүлдү баштап турар.

Колосчуларга 1:18 Iomraidhean Croise

Соломоннуң өндүр бедик ырызы 5:10

Эргим эжим чырык шырайлыг, долбан чаактыг, түмен кижи аразында онзагай эр!

Исайя 52:13

«Мээң чалчам чедиишкинниг болур, ол өрү көдүрлүп, өндүр бедик болур!

Матфей 23:8

А силерни „башкылар“ деп адавазын, чүге дээрге силерде чүгле чаңгыс Башкы бар, а силер шупту акы-дуңмашкы силер.

Матфей 28:18

Иисус чоокшулап келгеш, олар-биле чугаалажып, мынча дээн: «Дээрге база черге бүгү эрге-чагырганы Меңээ берген-дир.

Иоанн 1:1

Эң эгезинде Сөс турган. Сөс Бурган-биле кады турган болгаш Сөс Бурган болуп турган.

Иоанн 1:16

Биске херек бүгү чүве Ында бар, шуптувус Ооң авыралын бажывыс ажыр четтирип келдивис.

Иоанн 1:27

Ол мээң соомдан чедип кээр-даа болза, мен Ооң идииниң шидиишкинин безин чежеринге төлеп чок амытан-дыр мен» – деп харыылаан.

Ажыл-чорудулга 26:23

Христос хилинчекти көрүп эртер база өлүглер аразындан эң-не баштай катап дирлип кээр, Ол иудейлерге болгаш өске чоннар улузунга чырыкты эккээр деп чугаалап тур мен».

Римчилерге 8:29

Ооң Оглу хөй ха-дуңма улус аразынга эң улуу болзун дээш, өртемчейни чаяар бетинде-ле ынак апаргаш, шилип алган улузу Бодунуң Оглунуң овур-хевиринге дөмей боорун Бурган баш удур шилип каан.

1 Коринфичилерге 11:3

Ынчалза-даа мону билип аарыңарны күзеп тур мен: Христос эр кижи бүрүзүнге «баш» боор, эр кижи – херээжен кижиге «баш» боор, а Бурган – Христоска «баш» боор.

1 Коринфичилерге 12:27

Ынчангаш силер – Христостуң мага-боду силер, а кижи бүрүзү тус-тузунда Ооң мага-бодунуң кезээ боор.

1 Коринфичилерге 15:25

Чүге дээрге Бурган Христостуң хамык дайзыннарын Ооң буттарының адаанга чагыртпаан шаанда, Ол чагырар ужурлуг.

Эфесчилерге 1:10

чогуур үе кээрге, Ол сорулгазынга чүүлдештир бүгү чаяалганы – дээрде база черде бар бүгү чүүлдерни Баштыңчы Христосту долгандыр каттыштырыптар.

Эфесчилерге 5:23

Христостуң Бодунуң ниитилели болур мага-бодунуң Бажы болгаш Камгалакчызы болганы дег, ашаа кадайынга баштыңчы боор.

Колосчуларга 1:24

Мен ам силер дээш көрген хилинчээм ужун өөрүп тур мен. Чер кырынга амыдыралымга хилинчек көрүп тура, Христостуң мага-боду боор ниитилел дээш Ооң хилинчээниң четпейн барган хемчээлин эчизинге чедирип турарым бо.

Колосчуларга 2:19

Ындыгларда мага-боттуң Бажы-биле харылзаа чок. А ол Баштың бүгү кезектери сиирлер болгаш чүстер дузазы-биле каттыжып тудушкан бүдүн мага-ботту башкарарга, мага-бот бүрүнү-биле Бурганның күзеп-бодаанын ёзугаар өзүп-мандыыр.

1 Иоанн 1:1

Эң эгезинде бар турган, Ооң дугайында дыңнаанывыс, боттарывыстың караавыс-биле көргенивис, хайгаарап шинчилээнивис база холдарывыс-биле тудуп билгенивис амыдырал хайырлаар Сөстүң дугайында силерге бижип олур бис.

Ажыдыышкын 1:18

Мен дириг мен. Өлген турдум, ынчалза-даа көр даан: ам кезээ мөңгеде дириг-дир мен! Тамы болгаш өлүмнүң дүлгүүрлери – Менде.

Ажыдыышкын 1:8

«Мен дээрге Альфа болгаш Омега-дыр мен – деп, Дээрги-Бурган-Чаяакчы чугаалаан. – Мен ам бар мен, черле турган мен, оон чедип кээр мен, Бүрүн Күчүлүг мен».

Ажыдыышкын 11:15

Дээрниң чедиги төлээзи трубазын этсиптерге, дээрден: «Бо делегейни чагырар эрге ам Дээргивистиң, Ооң шилээн Христозунуң эргезинде апарган, Ол ам кезээ мөңгеде хааннаар-дыр!» – дээн ыыткыр үннер дыңналды.

Ажыдыышкын 21:6

Ол ооң соонда меңээ мынча диди: «Боттанган-дыр! Мен Альфа болгаш Омега, эгези болгаш төнчүзү-дүр мен. Кагып-суксаан кижиге амыдырал хайырлаар суг бажындан халаска ижиртир мен.

Ажыдыышкын 22:13

Мен Альфа болгаш Омега, биргизи болгаш сөөлгүзү, эгези болгаш төнчүзү мен.

Ажыдыышкын 3:14

«Лаодикияда христиан ниитилелдиң төлээзинге бижи: Бурганның бүгү чаяалгазының эге дөзү, алыс шынныг болгаш шынчы херечи Аминь деп аттыг Кижиниң медеглээн сөстери бо-дур.