Колосчуларга 1:13 - Ыдыктыг Библия

¹³ Бурган бисти караңгының чагыргазындан хостааш, Бодунуң ханы ынак Оглунуң Чагыргазынче көжүрүп эккелген.

Колосчуларга 1:13 Iomraidhean Croise

Исайя 42:1

«Мээң шилип алган чалчам бо-дур, Мен ону быжыглап турар мен; сеткилимге кирер кижи ол-дур! Мен ону Бодумнуң Сүлдем-биле бүргээр мен – ол өске чоннарга чөптүг шииткел үндүрер.

Исайя 53:12

Ынчангаш Мен аңаа өндүр улуглар аразынга үлүг бээр мен, ол күштүглер-биле олча-тывыш үлежир. Чүге дээрге ол бодун өлүмге боду хүлээдип, кем-херек үүлгедикчизи деп санаттырган болгаш, хөй улустуң бачыдын боду чүктеп, кем-херек үүлгедикчилери дээш ээрежип дилээн-дир».

Исайя 60:2

Чер-делегейни караңгы шыва ап, өске чоннарны дүмбей хөме ап турар, а сээң кырыңда Дээрги-Чаяакчы көстүп келген, Ооң өндүр чырыы сээң кырыңда чырып үнүп келген.

Захария 9:9

Сион-кыс, өөрүп-хөгле, Иерусалим-кыс, амырап-байырла-ла! Көр даан, хааның сенче кел чыдыр: чөптүг, тиилелгелиг, биче сеткилдиг хаан элчиген, кыс элчиген оглу мунуп алган кел чыдыр.

Матфей 17:5

Ол ынча деп турар аразында, чырык булут көжүп келгеш, оларны шыва апкан. Булут аразындан үн дыңналган: «Бо дээрге Мээң ханы ынак Оглум-дур! Ол Мээң сеткилимге кирер-дир! Ону дыңнап чоруңар!»

Матфей 25:34

Хаан ынчан оң талазында турарларга мынча дээр: „Мээң Адамга алгадып-йөрээткеннер, бээр келиңер! Өртемчейни чаяаганындан бээр силерге белеткээн Дээрниң Чагыргазын салгап алыңар.

Матфей 3:17

Ооң соонда дээрден үн дыңналган: «Бо дээрге Мээң ханы ынак оглум-дур, Ол Мээң сеткилимге кирер-дир!»

Лука 13:24

Иисус мынча деп харыылаан: «Бурганның Чагыргазынче тар эжик дамчыштыр эрте бээрин кызыдыңар, чүге дээрге хөй кижи ынаар кирерин оралдажыр, ынчалза-даа шыдавас дээрзин силерге чугаалап тур мен.

Лука 22:53

Мен хүннүң-не силер-биле кады Бурганның өргээзинге турдум, ынчан силер Меңээ хол дегбээн болгай силер, ынчалза-даа ам – дүмбейге чагырткан силерниң үеңер келген-дир».

Иоанн 17:24

Адам! Сээң Меңээ берген улузуң Мээң турар черимге Мээң-биле кады турарын күзеп тур мен. Бо өртемчей чаяаттынар мурнунда-ла, Сен Меңээ ынак турдуң, ынчангаш Сээң Меңээ бергениң өндүр бедиимни олар көрзүн.

Иоанн 3:35

Бурган Ада Оглунга ханы ынак-тыр база бүгү чүвени Ооң холунга тыпсып берген-дир.

Иоанн 5:24

Алыс шынны силерге чугаалап тур мен: Мээң сөзүмнү дыңнап турар болгаш Мени айбылап чоруткан Адамга бүзүрээр кижи бүрүзү мөңге амыдыралды алыр база шииткелге онаашпас, харын өлүмден амыдыралче шилчий берген болур.

Ажыл-чорудулга 26:18

Оларның бачыттары өршээттинзин дээш, а ол ышкаш Меңээ бүзүрээниниң ачызында Бурганның ыдыктаан чонунуң аразынче кирзиннер дээш, сен оларның карактарын ажыдар база дүмбей караңгыдан – чырыкче, эрликтиң чагыргазындан – Бурганче ээлдирер сен“.

Римчилерге 14:17

Чүге дээрге Бурганның Чагыргазы – чиир чемге, ижер суксунга хамааржыр чүүлде эвес, а Ыдыктыг Сүлдениң хайырлаары актыг-шынныг амыдырал, амыр-тайбың болгаш өөрүшкүде.

2 Коринфичилерге 11:14

Ында кижи кайгаар чүү-даа чок: эрлик боду безин дээрниң чырыткылыг төлээзи дег хевирлиг бооп, мегелеп көстүп турар.

2 Коринфичилерге 4:4

Амгы бо делегейниң «бурганы» – эрлик шак ол бүзүревээн улустуң угаан-бодалын чүве эскербес кылып каарга, олар Христостуң Буянныг Медээзиниң чайынналчак чырыын көрбес-тирлер, а Христос – Бурганның овур-хевири болгай.

Эфесчилерге 1:6

Ындыг болганда, Бодунуң ынак Оглун дамчыштыр Бурган биске авыралын хайырлааны дээш, Аңаа алдар-мактал!

Эфесчилерге 4:18

Олар угааны караңгылаан, Бурганны билбес, бүдүүлүк болгаш, Ооң бээри амыдыралдан оспаксыраан база чүректери дашталган улус-тур.

Эфесчилерге 5:5

Харын бүзүреп боор силер: чаңгыс-даа самыыраан, бодун бужартаткан база чазый кижи (а ол дүрзү-бурганга чүдүүрлерден ынай-даа ылгалбас) Христостуң база Бурганның Чагыргазынга өнчү албас.

Эфесчилерге 5:8

Боттарыңар кажан-бир шагда караңгыга бүргеткен улус чораан силер, а ам, Дээрги-Чаяакчыга башкарткаш, чырыкка бүргедиптиңер. Чырыктың ажы-төлү дег амыдыраңар!

Эфесчилерге 6:12

Чүге дээрге бис эът-бот биле хандан бүткен улуска удур эвес, а эрге-чагырга ээлеринге, бистиң амыдыраан дүмбей үевисте тергиидээн каптагайның чагырыкчыларынга база дээрлерде кара күштерге удур демисежип турар-дыр бис.

1 Фессалоникчилерге 2:12

«Бодунуң өндүр бедик Чагыргазынче силерни кыйгырган Бурганның мурнунга төлептиг чурттаңар» – деп, бис силерни сорук киирип, өөредип база үттеп-сургап келген бис.

Еврейлерге 2:14

А ол ажы-төл дээрге эът-боттан, хандан бүткен улус болганда, Иисус база улуска бүрүнү-биле дөмей эът-боттуг кижи болу бергеш, Бодунуң өлүмүн дамчыштыр өлүмнүң күжүн эдилээн эрликти күш чок болдурган база бүгү назынында өлүмден коргуушкуннуң кулданыынга чораан улусту хостаан.

1 Пётр 2:9

А силер болза – шилиттинген аймак, Хаанның бараалгакчылары, Бурганга хамааржыр ыдыктыг чон, Ооң кайгамчык ажыл-херектерин чарлаар дээш кыйгырткан улус силер. Ол силерни дүмбей караңгыдан Бодунуң кайгамчык чырыынче кыйгырып эккелген.

2 Пётр 1:11

Силерни Дээргивис болгаш Камгалакчывыс Иисус Христостуң мөңге Чагыргазынга шак ынчаар күзелдии-биле хүлээп алыр.

1 Иоанн 2:8

Ындыг-даа болза, ооң-биле чергелештир ол чагыг чаа болур. Ооң алыс шынныын Христостуң база силерниң амыдыралыңар бадыткаан, чүге дээрге караңгы тарап чидип турар база алыс шынның чырыы чырыда берген.

1 Иоанн 3:14

Өлүмден амыдыралче шилчээнивисти билир бис, чүге дээрге ха-дуңмавыска ынак-тыр бис. Кым ынак эвезил, ол өлүг бооп артар.

1 Иоанн 3:8

Бачыт кылырын уламчылап чоруур кижи эрликке хамааржыр, чүге дээрге эрлик эң эгезинден-не бачыт үүлгедип келген. А Бурганның Оглу эрликтиң ажыл-херээн дазылындан тура тыртар дээш чедип келген.