Хосталыышкын 7:9 - Ыдыктыг Библия

⁹ «Фараон силерге: „Кайгамчык чүүл кылып, күчү-күжүңерни көргүзүңер“ – дээр болза, акың Ааронга: „Даянгыыжыңны фараоннуң мурнунче октавыт“ – дээр сен, Моисей. Даянгыыш ынчан чылан бооп хуула бээр».

Хосталыышкын 7:9 Iomraidhean Croise

Хосталыышкын 10:13

Моисей египет черниң кырынче углай даянгыыжын сунарга, Дээрги-Чаяакчы ол черже чөөн чүктен хат чорудупкан. Хат хүннү бадыр, дүннү өттүр хадааш, даартазында эртен мөөң шартылаа эккелген.

Хосталыышкын 4:17

Бо даянгыышты база тудуп алгаш чор: ооң-биле улуска бадыткал демдектери көргүзер сен».

Хосталыышкын 4:2

А Дээрги-Чаяакчы: «Холуңда ол чүңүл?» – деп оон айтырган. Моисей: «Даянгыыжым-дыр» – деп харыылаан.

Хосталыышкын 4:20

Моисей-даа кадайын, ажы-төлүн элчигенге олурткаш, египет черже ээп чана берген. Ол Бурганның берген даянгыыжын база ап алган.

Хосталыышкын 4:3

Дээрги-Чаяакчы ынчан: «Ооңну черже октавыт!» – дээн. Моисей даянгыыжын черже октаптарга, оозу чылан бооп хуула бээрге, ол дезип ыңай болган.

Хосталыышкын 7:8

Дээрги-Чаяакчы Моисей биле Ааронга мынча деп чугаалаан:

Хосталыышкын 9:23

Моисей даянгыыжын дээрже углай сунуптарга, Дээрги-Чаяакчы диңмирээшкинни диңмиредип, долуну чагдырыпкан; кызаңнаашкын черге чаттылып турган. Дээрги-Чаяакчы долуну бүгү египет черже чагдырыпкан.

Исайя 7:11

«Дээрги-Чаяакчы Бурганың менден бадыткал демдээн дилеп ал: алдыы оранның ханызындан-даа, дээрниң бедиинден-даа болза» – деп дамчыткан.

Иезекиил 29:3

Аңаа Дээрги-Бурган-Чаяакчының чугаалаан чүвезин дамчыт: Египеттиң хааны фараон – бодунуң хемнеринде шөлээн чыдар улуг амырга-моос, Мен сеңээ удур апардым. „Нил хем мээңии, ону бодумнуу кылдыр чаяап алган мен“ – деп турар-дыр сен.

Матфей 12:39

Иисус мынча деп харыылаан: «Бузуттуг болгаш бачыттыг салгал! Бадыткал демдээн негезиңерзе-даа, Иона медээчини дамчыштыр бергенинден өске демдек көрбес силер.

Иоанн 10:38

А Мен ону кылып турар болзумза, Мээң чугаамга бүзүревейн-даа турзуңарза, Мээң ажыл-херээмге бүзүреңер! Адамны – Мээң-биле сырый харылзаалыг, а Мени – Адам-биле харылзаалыг дээрзин ынчан медереп билип алыр силер».

Иоанн 2:18

Ол өйде иудейлер киржи берип, Иисуска мынчаар харыылааннар: «Ынчаар кылыр эргең барын Сен кандыг кайгамчык демдек-биле биске шынзыдар сен?»

Иоанн 6:30

Ынча дээрге, олар: «Силерге бүзүрей бээривис хире кандыг кайгамчык демдекти биске көргүзер силер? Чүнү кылыр силер? – деп айтырганнар. –