Хосталыышкын 6:2 - Ыдыктыг Библия

² Бурган Моисейге улаштыр мынча дээн: «Мен – Дээрги-Чаяакчы-дыр мен.

Хосталыышкын 6:2 Iomraidhean Croise

Эге дөс 15:7

«Бо черни ээлеп чурттазын дээш, халдей чурттуң Ур хоорайындан сени бээр эккелген Дээрги-Чаяакчы-дыр мен» – деп, Бурган Аврамга чугаалаан.

Хосталыышкын 12:12

Мен бо дүне египет черни өттүр таварып эрткеш, Египетте бар кижилерниң-даа, мал-маганның-даа дун төлдериниң дөгерезин чок кылып каар мен база Египеттиң бүгү бурганнарын шиидип, кеземче көргүзер мен. Мен – Дээрги-Чаяакчы-дыр мен!

Хосталыышкын 14:18

Фараонну, ооң тергелерин, аъттыг шериин баскаш, алдаржый бээримге, египетчилер Мени Дээрги-Чаяакчы деп билип каар».

Хосталыышкын 15:3

Дээрги-Чаяакчы – өндүр улуг дайынчы, Ооң ады – Дээрги-Чаяакчы!

Хосталыышкын 17:1

Бүгү израиль ниитилел ээн кургаг Син ховузундан Дээрги-Чаяакчының айыткан аайы-биле көжүп чоруткаш, Рефидим дээр черге турлагжып алган, а ында улус ижер суг чок болган.

Хосталыышкын 20:2

«Мен дээрге сени кул болуп чорааның Египеттен үндүре берген Бурганың Дээрги-Чаяакчы-дыр мен.

Хосталыышкын 3:14

Бурган Моисейге мынча деп харыылаан: «МЕН ДЭЭРГЕ МЕН-ДИР МЕН. Израиль чонга: „МЕН-ДИР МЕН силерже мени айбылап чорутту“ – деп чугаалаар сен».

Хосталыышкын 3:15

Бурган Моисейге оон ыңай мынча дээн: «Израиль чонга: „Дээрги-Чаяакчы, ада-өгбеңерниң Бурганы, Авраам, Исаак болгаш Иаков оларның Бурганы мени силерже айбылап чорутту“ – деп чугаала. Мээң кезээ мөңгеде артып каар адым ол-дур, бүгү салгалдар Мени ол ат-биле сактып алыр.

Хосталыышкын 6:29

Дээрги-Чаяакчы Моисейге: «Мен – Дээрги-Чаяакчы-дыр мен! Египеттиң хааны фараонга Мээң сеңээ чугаалаан бүгү чүвемни дамчыт» – дээн.

Хосталыышкын 6:6

Ынчангаш израиль чонга мону чугаала: „Мен – Дээрги-Чаяакчы-дыр мен. Силерни египет дарлалдан хостап үндүрер мен, египетчилерге кулдар болбас силер. Өндүр улуг күчү-күжүм-биле база коргунчуг кеземчелерим-биле силерни камгалаар мен.

Хосталыышкын 6:8

Авраамга, Исаакка болгаш Иаковка бээр бооп даңгыраглааным черже силерни чедире бээр мен. Ол черни силерге салгал дамчыыр өнчү кылдыр бээр мен. Мен – Дээрги-Чаяакчы-дыр мен!“»

Исайя 42:8

Мен – Дээрги-Чаяакчы мен, Мээң адым ол-дур! Бодумнуң алдарымны өске кымга-даа бербес мен база Меңээ хамааржыр макталды дүрзү-бурганнар-биле үлешпес мен!

Исайя 43:11

Мен, чүгле Мен – Дээрги-Чаяакчы мен! Менден өске Камгалакчы чок!

Исайя 43:15

Мен – Дээрги-Чаяакчы, ыдыктыг Бурганыңар мен, Израильдиң Чаяакчызы, Хааныңар мен!» – дээн.

Исайя 44:6

Дээрги-Чаяакчы, Израильдиң Хааны, ооң Камгалакчызы, Аг-шериглиг Дээрги-Чаяакчы мынча дээн: «Мен – эгезинде турган мен, Мен – төнчүзүнде турар мен; Менден өске Бурган чок.

Иеремия 9:24

Мактаныр бодаан кижи чүгле Мени танып, билип алганы дээш мактанзын. Чүге дээрге Мен – энерелди боттандырып чоруур, чер кырынга шын шииткел биле чөптүг-шынныг чорукту боттандырып чоруур Дээрги-Чаяакчы-дыр мен, Меңээ таарымчалыг чүүл ол-дур».

Иезекиил 20:5

Дээрги-Бурган-Чаяакчының чугаалаан чүвезин оларга дамчыт: Израильди шилип алганым хүнде Мен Иаковтуң салгалы болур чонга даңгырак берип, Египетке оларга Бодумну ажыткан мен. Даңгырак берип, оларга: „Мен – Дээрги-Чаяакчы, Бурганыңар-дыр мен“ – деп чугаалаан мен.

Малахия 3:6

Аг-шериглиг Дээрги-Чаяакчы: «Мен, Дээрги-Чаяакчы, өскерилбес мен. А силер Иаковтуң үре-салгалы болуп артпышаан-на болгай силер. Ада-өгбеңерниң үезинден-не Мээң дүрүмнеримни үреп, оларны сагывайн турган силер. Менче эглип келиңер, Мен база силерже эглип кээр мен» – деп чугаалаан. А силер: «Канчап эглип кээр бис?!» – деп тур силер.