Хосталыышкын 6:1 - Ыдыктыг Библия

¹ Дээрги-Чаяакчы Моисейге: «Фараонну ам канчаарымны көөр сен: улуг күжүмнү ажыглаптарымга, ол израиль чонну салып чорудуптар; харын-даа ону бодунуң черинден үндүр сывырыптар» – деп чугаалаан.

Хосталыышкын 6:1 Iomraidhean Croise

4 Хааннар 7:19

Ол дүжүмет Бурганның кижизинге: «Бир эвес Дээрги-Чаяакчы дээрниң эжиктерин ажыдыпкан-даа болза, ындыг чүве канчап болурул?» – дээн турган. А Элисей: «Сен ону карааң-биле көөр сен, ынчалза-даа ол чемни чивес сен!» – деп харыылаан турган.

4 Хааннар 7:2

Ынчан Израильдиң хаанының чөленип алгаш турганы дүжүмет Бурганның кижизинге: «Бир эвес Дээрги-Чаяакчы дээрниң эжиктерин ажыдыпкан-даа болза, ындыг чүве канчап болурул?» – дээн. Элисей: «Сен ону карааң-биле көөр сен, ынчалза-даа ол чемни чивес сен!» – деп харыылаан.

2 Чылдар 20:17

Бо удаада тулушпас силер. Чүгле барып туруп алгаш, Дээрги-Чаяакчының силерге хайырлап турар камгалалынче көрүңер. Иудея биле Иерусалим, коргуп-сүртевеңер. Даарта оларга уткуштур үнүп келиңер, Дээрги-Чаяакчы силер-биле кады болур».

Ырлар 12:5

«Ону базып кааптым!» – деп, дайзыным сөглевезин. Тендиңейни бээримге, өжээтеним өөрүвезин.

Ырлар 12:6

Энерелиңге идегедим, Дээрги-Чаяакчы. Камгалалың дээш сеткил-чүрээм байырлазын. Меңээ көргүскен буяны дээш Дээрги-Чаяакчыны алгап ырлаайн!

Ырлар 89:13

Дээрги-Чаяакчы, килеңиң соксадып көр! Кажанга дээр килеңнээр сен?! Бодуңнуң чалчаларыңны өршээп көр.

Хосталыышкын 11:1

Дээрги-Чаяакчы Моисейге мынча дээн: «Мен ам база бир кеземчени египетчилерге болгаш фараонга онааштырайн, ооң соонда ол силерни бо чурттан салып чорудуптар; а салып тура, силерни далаштырып, үндүр сывыра бээр.

Хосталыышкын 12:31

Фараон ол-ла дүне Моисей биле Ааронну кыйгырткаш: «Че, силер-даа, израиль чон-даа мээң чонум аразындан үнүп чоруңар! Барып, меңээ чугаалап турганыңар дег, Дээрги-Чаяакчыга бараан болуңар!

Хосталыышкын 12:33

Египетчилер база израиль чонну дүрген-не чуртундан чорударын кызып: «Оон башка бис шуптувус өлүр бис!» – деп турганнар.

Хосталыышкын 12:39

Олар Египеттен көдүрүп эккелгени ажытпаан далганын хаарып алганнар, чүге дээрге Египеттен үндүр сывыртадып тура, далаш кадында далганын ажыткы-биле хөөдүп четтикпээннер база орукка чиир аъш-чем безин белеткээр чай чок болганнар чүве-дир.

Хосталыышкын 13:14

Алызы барып, оглуң сенден: „Бо кандыг уткалыг чүвел?“ – деп айтырар болза, аңаа мынча деп харыылаар сен: „Дээрги-Чаяакчы бисти өндүр улуг күчү-күжү-биле кулдар болуп чораанывыс Египеттен үндүрүп эккелген.

Хосталыышкын 13:16

Дээрги-Чаяакчының бисти өндүр улуг күчү-күжү-биле Египеттен үндүрүп эккелгенин утпас дээш, шак ол ёзулал сээң холуңга им-демдек болзун база карааңга көскү кертиг болзун».

Хосталыышкын 13:3

Моисей чонга мынча дээн: «Кулдар болуп чорааныңар Египеттен үнүп келгениңер бо хүннү сактып алыңар. Дээрги-Чаяакчы силерни оортан Бодунуң өндүр улуг күчү-күжү-биле үндүрген болгай; ажыткы-биле хөөткен далган-тараа чивейн көрүңер.

Хосталыышкын 13:9

Дээрги-Чаяакчының өөредиин утпайн чорууруң дээш база Дээрги-Чаяакчы сени өндүр улуг күчү-күжү-биле Египеттен үндүрүп эккелгенин бодап чорууруң дээш, шак ол байырлал сээң холуңда им-демдек болзун, хавааңда тураскаалдыг демдек болзун.

Хосталыышкын 14:13

Ынчалза-даа Моисей: «Кортпаңар, деспейн туруңар, ынчан Дээрги-Чаяакчының силерни бөгүн канчаар камгалаарын көөр силер, ам көрүп турарыңар египетчилерни моон соңгаар кажан-даа көрбес силер.

Хосталыышкын 15:6

Дээрги-Чаяакчы, Сээң холуң күчү-күжү-биле алдаржыды, ооң-биле дайзынны чылча шаптың.

Хосталыышкын 7:4

Ынчалза-даа фараон силерни тооп дыңнавайн баар. Мен ынчан Египетке күчү-күжүмнү көргүзер мен; коргунчуг кеземчелерни көргүзүп тургаш, Мээң аг-шериимни – Мээң израиль чонумну египет черден үндүре бээр мен.

Хосталыышкын 7:5

Египетке күчү-күжүмнү көргүзеримге база израиль чонну оларның аразындан үндүре бээримге, египет чон Мени Дээрги-Чаяакчы деп билип алыр».

Исайя 63:12

Бодунуң күчү-күштүг холу-биле Моисейни чедип алгаш чораан, Бодун кезээ мөңгеде алдаржыдып, чонунуң мурнунда сугну ийи чара аңгылапкан,

Саннар 11:23

Дээрги-Чаяакчы Моисейге: «Дээрги-Чаяакчының холу чолдая берген деп бодадың бе? Сеңээ чугаалаан сөзүмнүң бүдер-бүтпезин ам көөр сен» – дээн.

Саннар 23:23

Иаковка удур илби-шиди кылган ажыы чок, Израильге удур караң көрүнген ажыы чок. Үези кээрге, улус Иаковтуң дугайында: „Бурганның Израильге кылган чүвези бо-дур!“ – деп чугаалажыр.

Ажыл-чорудулга 13:17

Бо израиль чоннуң Бурганы бистиң өгбелеривисти шилип алган. Бистиң чонувус Египетке чурттап турда, Бурган оларны өстүрүп-көвүдеткеш, Бодунуң холунуң күжү-биле ол чурттан үндүре берген.

Ы. х. к. 32:39

Көрүңер даан: Мен дээрге Бурган-дыр мен; Менден өске Бурган чок-тур; Мен өлүрүп база тынгарып турар мен, балыглап база экиртип турар мен, кым-даа Мээң холумдан кижини адырып шыдавас.

Ы. х. к. 4:34

Азы өске-бир бурган чедип келгеш, бодунга чонну өске чон аразындан ялалар, көскү демдектер, кайгамчык чүүлдер, чаа-дайын, быжыг хол, күчү-күш болгаш аажок коргунчуг байдалдар-биле ап алырын шенээн бе? Египетке, сен көрүп туруңда, Дээрги-Чаяакчы Бурганың ол бүгүнү сен дээш кылган болгай.