Хосталыышкын 5:12 - Ыдыктыг Библия

¹² Ынчангаш израиль чон бүгү Египетти эргий кезип, тараа саваңының орнунга ажыглаар, шөлде арткан тараа сыптары дилеп чорупканнар.

Хосталыышкын 5:12 Iomraidhean Croise

Хосталыышкын 15:7

Алдарыңның өндүр бедии-биле Сеңээ удур тура халаан улусту базып кагдың, Сээң ыткан чалбыыштыг килеңиң оларны сиген-саваң дег өрттедипти.

Хосталыышкын 5:11

Боттарыңар барып, кайыын-даа болза, саваңдан тып алыңар, а кылыр ажылыңарның хемчээлин эвээжетпес бис» – дээннер.

Хосталыышкын 5:13

А дарлакчы-хайгааракчылар оларны албадап: «Ажылдың доктааткан үлүг-хемчээн, саваңны силерге берип турган үеде дег, хүннүң-не күүседиңер» – деп турганнар.

Исайя 47:14

Олар тараа саваңы дег апаар, от оларны чиптер, чалбыыштан боттарын безин камгалап ап шыдавас улус-тур. А ол от чыннып аар хире көстерлиг-даа эвес, чанынга олуруп болгу дег-даа эвес.

Исайя 5:24

Ол бүгү дээш, ол улус от чиген тараа саваңы дег, чалбыыштың хүл кылып кааны сиген дег болур, оларның дазылы ирип каар, чечээ довурак ышкаш эстеп тарай бээр. Чүге дээрге олар Аг-шериглиг Дээрги-Чаяакчының хоойлузундан ойталап, Израильдиң ыдыктыг Бурганының чугаазын тооваан-дыр.

Иоил 2:5

Ол чон даглар бажы-биле дайынчы тергелер даажы дег шимээргеп, чалбыыштыг оттуң оът-сигенде дазырааны дег шимээн үндүрүп, тулчуру-биле чыскаалыпкан аг-шериг ышкаш халдып орар.

Авдий 1:18

Иаковтуң үре-салгалы кыпкан от апаар, Иосифтиң үре-салгалы чалбыыш апаар, а Исавтың үре-салгалы кургаг сиген апаргаш, өрттеттирип, узуткаттырып аар, олардан кым-даа дириг артпас». Дээрги-Чаяакчының чугаалаан сөзү ол-дур.

Наум 1:10

Олар тенниг чадаң үнүштер дег ораажып, арагачылар дег эзирип каар, кургаг оът-сиген дег, отка бүрүнү-биле чиртип аар.

1 Коринфичилерге 3:12

Кандыг-бир кижи шак ол үндезинге тудуп үндүрүп тура, алдын, мөңгүн, үнелиг эртине даштар азы ыяш, сиген, саваң ажыглап боор.