Хосталыышкын 32:2 - Ыдыктыг Библия

² Аарон оларга: «Кадайларыңарның, оолдар-кыстарыңарның кулактарында алдын сыргаларны ужулгаш, меңээ эккеп бериңер» – деп чугаалаан.

Хосталыышкын 32:2 Iomraidhean Croise

Эге дөс 24:22

Тевелер сугну ижип аарга, ол Ревеккага чартык шекел деңзилиг думчукка сугар алдын сырганы, он шекел деңзилиг ийи алдын билектээшти берген.

Эге дөс 24:47

Мен: „Кымның уруу сен?“ – деп айтырдым. „Нахор биле Милканың оглу Батуилдиң уруу-дур мен“ – деп, ол харыылады. Ынчан мен аңаа думчукка азар сырганы база билектээштерни бердим.

Хосталыышкын 20:23

Мен бар-дыр мен – боттарыңарга мөңгүн, алдын бурганнар кылбаңар.

Хосталыышкын 32:3

Бүгү улус кулактарында алдын сыргаларын уштуп, чыггаш, Ааронга эккеп берген.

Хосталыышкын 35:22

Дузалаарын күзээн бүгү улус – эр-даа, херээжен-даа улус чедип кээп, Дээрги-Чаяакчыга өргүл белээ кылдыр алдынын: билзектерни, сыргаларны, ызырткыларны, билектээштерни болгаш өске-даа алдын каасталгаларны эккеп берген.

Чугаалар 25:12

Дыыжы кулакка мерген угаанныг чемелээшкин – алдын сырга болгаш арыг алдындан каасталга ышкаш.

Исайя 3:19

сыргаларын, билектээштерин, баш шывыгларын болгаш шарыгларын, илчирбежигештерин, курларын, чаагай чыттыг чүүлдерлиг саважыгаштарын, чавагаларын,

Исайя 30:22

Ынчан силер мөңгүн-биле шап каан дүрзү-бурганнарыңарны, алдын-биле шап каан кылымал дүрзүлериңерни бужар чүвелер деп санаар силер; оларны арыг эвес чүүлдер дег үндүр октапкаш, «Ыңай чоруңар!» дээр силер.

Иезекиил 16:17

Сеңээ бергеним, Мээң алдын-мөңгүнүмден кылган кайгамчык чараш каасталгаларың ап алгаш, бодуңга эр көжээ-дүрзүлер кылып ап, олар-биле самыырап турдуң.

Осия 2:8

Ол херээжен далган-тараа, арага болгаш олива үзүн Мээң аңаа берип турганымны, Ваал бурганның дүрзүзүн шуткаан алдын, мөңгүннү Мээң аңаа көвүдедип бергенимни билбес-тир.