Хосталыышкын 3:13 - Ыдыктыг Библия

¹³ Моисей ынчан: «Ынчаарга мен ам израиль чонга баргаш: „Ада-өгбеңерниң Бурганы мени силерже айбылап чорудупту“ – дээр болзумза, улус менден: „Ооң ады кымыл?“ – деп айтырза, канчаар харыылаар мен?» – деп айтырган.

Хосталыышкын 3:13 Iomraidhean Croise

Эге дөс 32:29

Иаков: «Адыңны адап берем» – дээн. А Ол: «Мээң адымны айтыргаш канчаар сен?» – дээш, орта ону алгап-йөрээп каан.

Хосталыышкын 15:3

Дээрги-Чаяакчы – өндүр улуг дайынчы, Ооң ады – Дээрги-Чаяакчы!

Хосталыышкын 3:12

А Бурган: «Мен сээң-биле кады болур мен. Сени Мээң айбылап чорутканымның бадыткал демдээ бо-дур: Мээң чонумну Египеттен үндүре бергениң соонда, шак бо дагга Бурганга мөгейип бараалгаар силер» – деп харыылаан.

Хосталыышкын 3:14

Бурган Моисейге мынча деп харыылаан: «МЕН ДЭЭРГЕ МЕН-ДИР МЕН. Израиль чонга: „МЕН-ДИР МЕН силерже мени айбылап чорутту“ – деп чугаалаар сен».

Хосталыышкын 3:15

Бурган Моисейге оон ыңай мынча дээн: «Израиль чонга: „Дээрги-Чаяакчы, ада-өгбеңерниң Бурганы, Авраам, Исаак болгаш Иаков оларның Бурганы мени силерже айбылап чорутту“ – деп чугаала. Мээң кезээ мөңгеде артып каар адым ол-дур, бүгү салгалдар Мени ол ат-биле сактып алыр.

Хосталыышкын 7:16

Фараонга мынча деп чугаалаар сен: „Еврейлерниң Бурганы Дээрги-Чаяакчы мени сенче Ооң чонун Аңаа ээн кургаг ховуга бараан болуру-биле салып чорудуптарын чугаалазын дээш айбылап чоруткан чүве. Ынчалза-даа сен амдыгаа чедир тооп дыңнаваан-дыр сен.

Чугаалар 30:4

Кым дээрже көдүрлүп үнгеш, дедир бадып келгенил? Кым адыжынга хатты тудуп алганыл? Кым шывыгга сугну ораап алганыл? Кым черниң кыдыг-кызыгаарын өйлей хемчээп, доктаатканыл? Ындыг кижиниң ады кымыл? Ооң оглунуң ады кымыл? Билир боор сен аа?

Исайя 52:6

Ынчангаш Мээң чонум Мээң адымны билип алыр; оларга „Бо – Мен мен!“ деп чугаалап турган Бурган – Мен дээрзин, үези кээрге, билип алырлар».

Исайя 7:14

Ынчангаш Дээрги Боду силерге бадыткал демдээ хайырлаар: көрүңер даан, аныяк кыс иштелип, оол уруг божуп алгаш, ону Эммануил деп адап аар.

Исайя 9:6

Чаш төл бис дээш төрүттүнген, оолду биске берген болгай! Эрге-чагырга демдээ ооң эгиннеринде, ол «Кайгамчык чөвүлекчи», «Мөге-шыырак Бурган», «Мөңге ада», «Амыр-тайбың хайырлаар чагырыкчы» деп адаттырар.

Иеремия 23:6

Ооң чагырар үези кээрге, Иудея камгалал алыр, Израиль айыыл чок чурттаар. Ол хаанга „Яхве-Седкену“ деп ат тыпсыр.

Матфей 1:21

Мария оол уруг божуп алыр, а сен Ону Иисус деп адап аар сен, чүге дээрге Ол Бодунуң чонун бачыттарындан камгалаар-дыр».

Ажыл-чорудулга 3:13

Бистиң ада-өгбевистиң: Авраам, Исаак болгаш Иаковтуң Бурганы Бодунуң Чалчазы Иисусту ынчалдыр алдаржыткан-дыр. А силер Иисусту рим эрге-чагыргага хүлээдипкеш, Ону хостаар деп турган Пилаттың мурнунга Оон ойталаан силер.

Баштыңчылар 13:17

Ынчангаш Маной Дээрги-Чаяакчының төлээзинден: «Сээң адың кымыл? – деп айтырган. – Кажан сээң сөзүң бүде бээрге, бис сээң адыңны алдаржыдар бис».

Баштыңчылар 13:6

Ол херээжен ашаанга келгеш, мынча дээн: «Меңээ Бурганның кижизи кээп чорду, ол дээрниң төлээзи дег аажок түрлүг хевир-шырайлыг болду. Мен ооң кайыын келгенин айтырбадым, а ол меңээ ат-сывын адап бербеди.