Хосталыышкын 3:12 - Ыдыктыг Библия

¹² А Бурган: «Мен сээң-биле кады болур мен. Сени Мээң айбылап чорутканымның бадыткал демдээ бо-дур: Мээң чонумну Египеттен үндүре бергениң соонда, шак бо дагга Бурганга мөгейип бараалгаар силер» – деп харыылаан.

Хосталыышкын 3:12 Iomraidhean Croise

Эге дөс 15:1

Ол болуушкуннар соонда элээн болганда, Дээрги-Чаяакчы Аврамга көстүүшкүннү чорудуп: «Кортпа, Аврам. Мен – сээң дозуг-камгалалың-дыр мен. Сээң шаңналың дыка улуг болур-дур» – деп сөзүн ажыткан.

Эге дөс 15:8

Аврам: «Дээрги-Чаяакчы, Дээргим! Бо черни ээлеп чурттап болурунуң демдээн кайыын билип аар мен?» – деп айтырган.

Эге дөс 26:3

Амдыызында бо черге чурттап чор. Мен сеңээ ачы-буян хайырлап, сээң-биле кады чоруур мен. Сээң ачаң Авраамга берген даңгыраамны күүседир мен: бо черлерниң шуптузун сеңээ болгаш сээң үре-салгалыңга бээр мен.

Эге дөс 31:3

Дээрги-Чаяакчы ынчан Иаковка: «Бодуңнуң төрээн чериңче, өгбелериң чуртунче чана бер. Мен сээң-биле кады боор мен» – дээн.

4 Хааннар 19:29

Эзекия, сеңээ бадыткал демдээ бо-дур: бо чылын база келир чылын боду чайгаар үнген тараа чиир силер. А үшкү чылын – тараадан тарааш, ажаап алыңар, виноградтан тарып олурткаш, чимизин чиңер.

1 Чылдар 9:20

Шаг шаанда Элеазарның оглу Финеес оларның даргазы турган, Дээрги-Чаяакчы ооң-биле кады турган.

Хосталыышкын 3:1

Моисей Мадианда Бурганның бараалгакчызы болур каты Иофорнуң бир кодан шээр малын кадарып турган. Бир катап ол малын ээн кургаг ховуну кежир сүргеш, Бурганның Хорив даанга чеде берген.

Хосталыышкын 3:13

Моисей ынчан: «Ынчаарга мен ам израиль чонга баргаш: „Ада-өгбеңерниң Бурганы мени силерже айбылап чорудупту“ – дээр болзумза, улус менден: „Ооң ады кымыл?“ – деп айтырза, канчаар харыылаар мен?» – деп айтырган.

Хосталыышкын 33:14

Дээрги-Чаяакчы аңаа: «Мен Бодум сээң-биле кады чоруур мен, сеңээ амыр-дышты хайырлаар мен» – деп харыылаан.

Хосталыышкын 4:12

Ам бар че, чугаалап эгелээриңге-ле, Мен сээң-биле кады болуп, чүнү чугаалаарын айтып бээр мен» – дээн.

Хосталыышкын 4:15

Мээң айтып берген сөстеримни акыңга дамчыдып чугаалаар сен; кайыңар-даа чугаалап эгелээрге, Мен силер-биле кады болуп, сеңээ-даа, акыңга-даа чүнү чугаалаарын айтып бээр мен база чүнү кылырын өөредир мен.

Хосталыышкын 8:27

Бисти ээн кургаг ховуже, үш хүн чорааш чедер черже чорудувут. Дээрги-Чаяакчы Бурганывыстың биске чугаалаанын ёзугаар, ол черге Аңаа өргүлден кылыылы» – деп харыылаан.

Исайя 37:30

Эзекия, сеңээ бадыткал демдээ бо-дур: бо чылын база келир чылын боду чайгаар үнген тараа чиир силер. А үшкү чылын – тараа тарааш, ажаап алыңар, виноград тарып олурткаш, чимизин чиңер.

Исайя 41:10

Кортпа, чүге дээрге Мен – сээң Бурганың-дыр мен, сүрээдеве, чүге дээрге Мен сээң-биле кады мен. Сени быжыктырып, сеңээ дузалаар мен. Мээң тиилелгелиг холум сеңээ деткимче көргүзер.

Исайя 43:2

Суглар кежип туруңда, Мен сээң-биле боор мен, хемнер кежип туруңда, суг сени хөме албас. От өттүр эртип тургаш, өрттенмес сен, чалбыыш сени чивес.

Исайя 7:14

Ынчангаш Дээрги Боду силерге бадыткал демдээ хайырлаар: көрүңер даан, аныяк кыс иштелип, оол уруг божуп алгаш, ону Эммануил деп адап аар.

Иеремия 1:8

Кымдан-даа кортпа, чүге дээрге Мен сээң-биле боор мен, сени камгалаар мен» – дээн.

Саннар 16:28

Моисей мынча дээн: «Бо бүгү ажыл-херектерни кылзын дээш мени Дээрги-Чаяакчының айбылап чорутканын, ол бүгүнү бодумнуң турам-биле кылбайн турарымны бадыткаар чүүл бо-дур:

Саннар 23:21

Иаков-биле айыыл-халап болбас-тыр, Израильде багай чүве чок бооп турар-дыр. Ооң Бурганы Дээрги-Чаяакчы Бодунуң чону-биле-дир, чон Ооң дугайында „Хаанывыс!“ деп чарлап чугаалап турар-дыр.

Матфей 28:20

Силерге Мээң бүгү айтыышкыннарымны сагыыр кылдыр оларны өөредиңер. Мен кажан кезээде, бо делегейниң төнчүзүнге чедир силер-биле кады мен».

Марк 16:20

Ооң өөреникчилери тарап чоруткаш, чер болганга Буянныг Медээни суртаалдай бергеннер. Дээрги-Чаяакчы оларны деткип, оларның сөстерин кайгамчык демдектери-биле бадыткап турган. Аминь.]

Ажыл-чорудулга 11:21

Дээрги-Чаяакчының күжү олар-биле кады болуп, дыка хөй улус бүзүрээш, Дээрги-Чаяакчыже эгли берген.

Ажыл-чорудулга 7:7

Бурган улаштыр мынча дээн: „Ынчалза-даа Мен оларны дарлаан чонну шиидер мен. Оон олар ол чурттан чоруй баар база бо черге Меңээ мөгейип бараалгаар“.

Римчилерге 8:31

Бо бүгүге немептер чүвүс барыл? Бурган бистиң талавыста болза, кым биске удурланып шыдаарыл? –

Ы. х. к. 31:23

Дээрги-Чаяакчы ынчан Нуннуң оглу Иисуска даалга берип: «Кадыг-быжыг, эрес-дидим бол, чүге дээрге израиль чонну Мээң оларга бээр бооп даңгыраглааным черже киирер кижи сен-дир сен, Мен сээң-биле кады болур мен» – деп чугаалаан.

Еврейлерге 13:5

Акша-мөңгүнге ынак амыдырал тутпаңар, бар чүвеңерге сеткил ханыңар. Чүге дээрге Бурган: «Сени кажан-даа кагбас мен, сенден кажан-даа ойталавас мен» – дээн-дир.

Иисус 1:5

Бүгү назыныңда сеңээ удур кым-даа туржуп шыдавас болур. Моисей-биле кады чорааным ышкаш, сээң-биле база кады болур мен. Мен сени кагбас мен, сенден ойталавас мен.

Баштыңчылар 6:12

Дээрги-Чаяакчының төлээзи Гедеоннуң мурнунга көстүп келгеш: «О, күштүг-шыырак кижи! Дээрги-Чаяакчы сээң-биле!» – диген.

Баштыңчылар 6:16

Дээрги-Чаяакчы аңаа: «Мен сээң-биле болур мен, ынчангаш сен мадианнарны, чаңгыс кижини дег, чылча шаап каар сен!» – дээн.

Баштыңчылар 6:17

Гедеон Оон: «Бир эвес Сен менче ээ көрүп турар болзуңза, ылап-ла Сен мээң-биле чугаалажып турарыңның бадыткал демдээн көргүзүп көрем.

Баштыңчылар 6:21

Дээрги-Чаяакчының төлээзи холунда даянгыыжының ужу-биле эътке болгаш далганга дээптерге, даштан от хып үнүп келгеш, эът биле далганны чипкен! Дээрги-Чаяакчының төлээзи ол дораан көзүлбейн барган.

Баштыңчылар 7:11

аңаа дайзынның чүнү чугаалажып турарын дыңнап аар сен, оон сен дидимненип, холдарың быжый бээр, ынчан ол турлагже халдаар сен». Гедеон чалчазы Фура-биле кады баткаш, турлагда шериглерниң мырыңай чанынга чеде берген.

1 Хааннар 14:10

А бир эвес олар: „Бээр үнүп келиңер“ – дээр болза, ынчан бис оларга чеде бээр бис, чүге дээрге Дээрги-Чаяакчы оларны бистиң холдарывыска хүлээдип бергениниң демдээ ол болур».