Хосталыышкын 3:1 - Ыдыктыг Библия

¹ Моисей Мадианда Бурганның бараалгакчызы болур каты Иофорнуң бир кодан шээр малын кадарып турган. Бир катап ол малын ээн кургаг ховуну кежир сүргеш, Бурганның Хорив даанга чеде берген.

Хосталыышкын 3:1 Iomraidhean Croise

3 Хааннар 19:19

Илия оортан чоруй баргаш, Шафаттың оглу Элисейни тып алган. Элисей ол үеде он ийи кош шары-биле чер чардырып турган, а боду он ийиги коштуң соо-биле бар чораан. Илия ооң чаны-биле эртип чыткаш, ону шыва тону-биле шуглап каан.

3 Хааннар 19:8

Илия туруп келгеш, чемненип, суг ижип алган. Салган аъш-чемни чип, күш кирип алгаш, ол дөртен дүн-хүн чорааш, Бурганның Хорив деп даанга чеде берген.

Ырлар 106:19

Олар кызагдаткаш, Дээрги-Чаяакчыдан дуза дилеп алгырган, Ол ынчан оларны түрегделден адырып каан.

Хосталыышкын 17:6

Оон Мен аңаа – Хорив дагда хая кырынга – сээң мурнуңга туруп алыр мен. Сен ынчан ол хаяны кагарыңга, оортан суг ага бээр, чон ол сугну ижип алыр». Израиль баштыңнар көрүп турда, Моисей ынчалдыр кылган.

Хосталыышкын 18:12

Моисейниң каты Иофор Бурганга бүрүн өрттедир өргүлдү болгаш өске-даа өргүлдерни эккеп салган. Ооң соонда Аарон база Израильдиң бүгү баштыңнары Бурганның мурнунга Моисейниң каты-биле кады аъш-чем чиир дээш чедип келгеннер.

Хосталыышкын 19:11

соңгузу хүн болур чүвеге белен болзуннар, чүге дээрге Мен ол хүн, бүгү чон көрүп турда, Синай дагже дүжүп кээр мен.

Хосталыышкын 19:2

Олар Рефидимден көжүп үнгеш, Синай ховузунга чедип кээп, ында турар даг дужунга турлагжып алганнар.

Хосталыышкын 19:3

Моисей Бурганга ужуражыры-биле дагже үнүп бар чыткан. Дээрги-Чаяакчы ону дагдан кый деп, мынча дээн: «Иаковтуң үре-салгалы болур израиль чонга мону чугаала:

Хосталыышкын 2:16

А Мадианга Бурганның бир бараалгакчызы чурттап турган. Ол чеди кыстыг чүве-дир. Ооң уруглары ачазының шээр малын суггарары-биле чедип келгеш, сугну узуп, коошпа саваларын долдуруп алганнар.

Хосталыышкын 2:18

Кажан олар Рагуил деп аттыг ачазынга чеде бээрге, ол: «Бөгүн чүү кончуг эрте чанып келдиңер?» – деп айтырган.

Хосталыышкын 2:21

Моисей ол кижиниң аалынга чурттаар бооп чөпшээрешкен. Аалдың ээзи Моисейге Сепфора деп уруун кадай кылдыр берген.

Хосталыышкын 24:13

Моисей бодунуң дузалакчызы Иисусту эдертип алгаш, Бурганның даанче үне берген.

Хосталыышкын 3:12

А Бурган: «Мен сээң-биле кады болур мен. Сени Мээң айбылап чорутканымның бадыткал демдээ бо-дур: Мээң чонумну Египеттен үндүре бергениң соонда, шак бо дагга Бурганга мөгейип бараалгаар силер» – деп харыылаан.

Хосталыышкын 3:5

Дээрги-Чаяакчы аңаа мынча дээн: «Бээр келбе. Будуңда кеткен идииң уштуп ал. Базып турар чериң ыдыктыг чер-дир.

Хосталыышкын 33:6

Израиль чон ынчан бодунуң каасталгаларын Хорив дагның чанынга уштуп каапкаш барган чүве-дир.

Хосталыышкын 4:18

Моисей оон каты Иофорга келгеш: «Мен ам чоруптайн аа, Египетте чурттап турар чоок улузумче дедир чанып, оларның бар-чогун көрүп көрейн» – деп чугаалаан. Иофор Моисейге: «Амыр-тайбың ээп чанывыт» – деп харыылаан.

Хосталыышкын 4:27

Дээрги-Чаяакчы Ааронга: «Моисейни уткуп, ээн кургаг ховуже чорувут» – дээрге, демгизи ынаар чорупкаш, Бурганның дааның чанынга дуңмазы Моисейни уткуп алгаш, ошкап каан.

Амос 1:1

Текоя чурттуг кадарчыларның бирээзи Амостуң сөстери бо-дур. Израиль дугайында Бурганның чорутканы бо көстүүшкүннү Амос Иудеяның хааны Озияның чагырып турганы база Иехоаштың оглу, Израильдиң хааны Иеровоамның чагырып турганы үеде, чер шимчээшкини болурунуң ийи чыл мурнунда көрген.

Малахия 4:4

«Мээң чалчам Моисейниң хоойлузун – Хорив дагга аңаа бүгү израиль чонга хамаарыштыр бергеним хоойлу-дүрүмнерни утпайн сактып чоруңар.

Саннар 10:29

Моисей Мадианның чурттакчызы, бодунуң каты Рагуилдиң оглу Ховавка: «Дээрги-Чаяакчының биске бээр бооп аазааны черже көжүп үнүп тур бис. Бистиң-биле кады чорувут, сеңээ эки хамаарылгалыг боор бис, Дээрги-Чаяакчы израиль чонга ачы-буянны аазаан-на болгай» – дээн.

Саннар 10:33

Израильчилер Дээрги-Чаяакчының даандан үш хүннүң оруунче үнүпкеннер; Дээрги-Чаяакчы оларның турлагжып доктаар черин көрүп берзин дээш, Ооң ыдыктыг аптаразы үш хүн дургузунда оларга орук баштап бар чыткан.

Лука 2:8

Ол чер чурттуг кадарчылар ырак эвес шөлге, кодан хойларын харагалзап, хонуп чытканнар.

Ажыл-чорудулга 7:30

Дөртен чыл эрткен соонда, Синай даг эдээнде ховуга, Моисейниң мурнунга, хып турар чадаң ыяш чалбыыжынга Дээрги-Чаяакчының төлээзи көстүп келген.

Ы. х. к. 1:2

(Сеир дагларынга чедер орук-биле Хорив дагдан Кадес-Варниге чедир он бир хүн дургузунда чоруур турган.)

Ы. х. к. 1:6

«Хорив даг эдээнге турувуста, бистиң Бурганывыс Дээрги-Чаяакчы биске: „Бо даг чанынга чежеге дээр турар силер.

Ы. х. к. 4:10

Дээрги-Чаяакчы Бурганыңарның мурнунга Хорив даг чанынга турганыңарны база Дээрги-Чаяакчының меңээ ынчан: „Чонну Мээң чанымга чыывыт, оларга Бодумнуң сөстеримни дыңнадып берейн – олар дыңнап алгаш, чер кырынга чурттаар назынының дургузунда Менден коргуп өөренип алзын база ажы-төлүн ол бүгүге өөредип кагзын“ – дээнин чугаалап бериңер.

Баштыңчылар 4:11

Ол үеде кен аймак-сөөктүг Хевер деп кижи Моисейниң катының оглу Ховавтың адыры кеннерден хоорлуп чорупкаш, Кедестиң чанында Цааннимде арга кыдыынга бодунуң майгынын тип алган турган.

1 Хааннар 16:11

Ынчан Самуил Иессейден: «Оолдарыңар шуптузу мында бе?» – деп айтырган. Иессей: «Бичези база бар. Ол хой кадарып чоруй барган-дыр» – деп харыылаан. Самуил: «Ону сүрдүрүп эккелем. Ол бээр чедип келгиже, бис чемненмес бис» – дээн.